Dietitian Savina Nasser _ أخصائية التغذية ساڤينا ناصر

  • Home
  • Syria
  • Mahardah
  • Dietitian Savina Nasser _ أخصائية التغذية ساڤينا ناصر

Dietitian Savina Nasser _ أخصائية التغذية ساڤينا ناصر العنوان: شارع الحرية ( فوق عيادة الدكتور الياس الناصر)
?

حالتنا اليوم كتير كتير مميزة🤩🤩صبية مرضع قدرت تنزل كل الكيلو غرامات الي اكتسبتن خلال فترة الحمل👏عن طريق نظام غذائي صحي م...
12/05/2026

حالتنا اليوم كتير كتير مميزة🤩🤩
صبية مرضع قدرت تنزل كل الكيلو غرامات الي اكتسبتن خلال فترة الحمل👏
عن طريق نظام غذائي صحي مناسب مع الرضاعة الطبيعية
نزول الوزن ١٠ كيلو غرام
بالتوفيق للبطلة ماريا رحال😘😘


❤اللي بيفرطلك رمان أبداً لا تفرط فيه❤لأنو الرمان🖐️ غني بمضادات الأكسدة، بيحافظ على صحة القلب والأوعية الدموية و بيخفض ضغ...
11/01/2024

❤اللي بيفرطلك رمان أبداً لا تفرط فيه❤

لأنو الرمان
🖐️ غني بمضادات الأكسدة، بيحافظ على صحة القلب والأوعية الدموية و بيخفض ضغط الدم المرتفع ومستوى الكوليسترول السيء في الدم.
👌 بيساعد بالوقاية من السرطانات و بالأخص من سرطان البروستات.

🖐 كمان الرمان من الفواكه الهامة جدا للحفاظ على البشرة والوقاية من التجاعيد ومظاهر التقدم في السن
🖐 يقلل من افراز الجسم لهرمون الكورتيزول ولهالسبب بيخفف من تمركز الدهون بمنطقة وسط الجسم
🖐 بيساعد على الوقاية من الزهايمر.



🖐️🖐️🖐️بهالأيام صرنا نسمع كتير بكلمة ديتوكس...يا ترى شو هو الديتوكس وهل هو فعلا مفيد ولا لأ؟؟الديتوكس هو مي منضيف الها فو...
23/05/2023

🖐️🖐️🖐️
بهالأيام صرنا نسمع كتير بكلمة ديتوكس...
يا ترى شو هو الديتوكس وهل هو فعلا مفيد ولا لأ؟؟

الديتوكس هو مي منضيف الها فواكه او خضار او اعشاب حسب الرغبة بس غالباً منضيف ( ليمون ، قرفة ،غريفون ، توت ،فريز ، خيار ، نعنع ، تفاح ،خل ، أناناس ، زنجبيل ....).
الديتوكس بالعموم فينا نعتبرو شغلة ظريفة ومفيدة للبشرة والشعر والصحة عموماً.

☑️و بالنسبة للناس اللي ما بتحب تشرب مي خلال النهار ممكن يكون الديتوكس خيار جيد ليعطي للمي طعم محبب ويعطي احساس بالانتعاش ..

☑️الشغلة التانية أغلب الفيتامينات بتكون ذوابة بالمي يعني وقت نشرب ديتوكس رح يكون حاوي على كمية من الفيتامينات مو موجودة بالمي العادية...

وبما انو الديتوكس مانو عصير فهو مشروب قليل السعرات يعني إذا كنا عاملين دايت ممكن نحس حالنا شربنا شي طيب بس بدون ما نكون عم ناخد سعرات أبداً.

☑️هاد غير انو الديتوكس بيرفع مستوى المناعة بالجسم وخصوصي اذا استخدمنا الفواكه اللي فيها مضادات اكسدة عالية.

ملاحظة صغيرة:
يفضل انو ما نبلش نهارنا بالديتوكس وخصوصاً إذا كان فيه ليمون أو خل ، يعني فينا ناكل أي شي بالأول و بعدين نبلش بالديتوكس😉


صباح الخير🤍🤍بما انو التغذية الصحية بتأثر ع كل حياتنا وصحتنا فهي اكيد رح تأثر على جمال وجهنا وبشرتنا لهيك اليوم رح اذكرلك...
03/05/2023

صباح الخير🤍🤍

بما انو التغذية الصحية بتأثر ع كل حياتنا وصحتنا فهي اكيد رح تأثر على جمال وجهنا وبشرتنا

لهيك اليوم رح اذكرلكن شوية شغلات ممكن ناكلها لنحفز انتاج الكولاجين بالبشرة :

💚 الخضار اللي لونها أخضر غامق متل السبانخ والسلق والبروكلي والفليفلة والبقدونس .

❤ الخضار اللي لونها أحمر متل البندورة والشوندر والفليفلة كمان و بالمناسبة هي الخضروات بتحوي مركب اسمو ليكوبين بيعطي تاثير واقي من الشمس

🧡 الخضار اللي لونها برتقالي متل اليقطين والجزر والفليفلة كمان...

🧄 الثوم اللي بيحوي احماض امينية مهمة بتكوين الكولاجين

🤍كل منتجات الصويا اللي بتحوي انزيمات مقاومة لشيخوخة البشرة🤍

🍊🍋🍍 الفواكه الغنية بفيتامين سي متل البرتقال والليمون والغريفون والاناناس

🐟 الأسماك بكل انواعها بس اكتر شي التونا والسلمون

🥚 البيض لأنو بيحوي كل الاحماض الامينية الضرورية لتشكيل الكولاجين وبيحتوي بنفس الوقت على الكبريت الهام لتعزيز انتاجو.

وأهم أهم نصيحة لنضارة وجمال البشرة اشربو مي لأنها بتحافظ ع ترطيب البشرة و ع سلامة الياف الكولاجين
يعني كل الاكلات السابقة بدون مي ما رح تعطينا النتيجة المطلوبة....

#كولاجين
#بشرة

27/03/2023

لاا تنسووا ...🙅‍♀️
رياضة بدون دايت⬅️ ثبات وزن واحيانا زيادة وزن
دايت بدون رياضة⬅️ ترهل وممكن ثبات وزن
لادايت ولا رياضة ⬅️ زيادة وزن ومشاكل صحية
دايت مع رياضة⬅️ جسم مشدود وزن مثالي وصحة ممتازة😍


صباح الخير ❤️حبيت ابدا معكن السنة ب 7 نصائح خفيفة وعملية لتساعد تكون كل ايامنا منتجة ورايقة📵حاول تبعد عن شاشة الموبايل أ...
03/01/2023

صباح الخير ❤️
حبيت ابدا معكن السنة ب 7 نصائح خفيفة وعملية لتساعد تكون كل ايامنا منتجة ورايقة

📵حاول تبعد عن شاشة الموبايل أول ما تفيق من النوم وقبل ما تنام... التعرض لضوء الشاشة بالوقت الخاطئ بأثر على عدد ساعات ونوعية نومك بشكل سلبي.

💭التفكير السعيد... كلنا منسعى للسعادة ومنرغب نعيشها... لهيك حاول تفتكر ذكرياتك الحلوة وخليك عقناعة أنو في مستقبل أفضل ناطرك، واترك أفكارك الحلوة تكون ملهمة لحياتك.

🏃فيق وتنشط... حاول بعد ما تفيق من النوم تعمل تمارين خفيفة...يوغا... مشوار قصير، وهيك رح تشعر بحيوية أكتر لتكفي نهارك بحماس أكبر.

⏳حاول تعيش اللحظة وتقضي كل ثانية من يومك بأحلى طريقة ممكن تقدر عليها.

🛋️رتب غرفتك ومحيط المكان يلي انت فيه... هي العادة رح تخليك أكتر إنتاجية تجاه نمط حياتك وبتساعدك لتشعر بالانتعاش والحيوية.

🥗كافئ نفسك بأكلة طيبة وصحية... حاول تبدأ نهارك بوجبة فطور صحية وخفيفة لترفع من طاقتك وتعزز قوتك وتبلش نهارك وشغلك بحماس أكبر.

💌ونصيحتنا الأخيرة والأهم... عبر عن امتنانك...
❤️أول وأهم شخص بيستاهل حبك وتقديرك هو نفسك، خليك فخور بتجاربك ... حب حالك وعزز ثقتك بنفسك لتصير منجز أكتر.
❤️عبر عن حبك وامتنانك للأشخاص حواليك... أهلك... رفقاتك... ساعد نفسك وغيرك على نشر الإيجابية من حولك لتكفي نهارك بأحلى طريقة.

بتمنالكن سنة حلوة مليانةحب وسعادة 🌄

وشو في اطيب من كاسه مته بهيك جو😍🧋بتسلي🧋بتنشط القلب والاعصاب🧋بتخفف الصداع 🧋بتخفف الاحتقان وبتساعد الجسم على مقاومة الرشح ...
14/12/2022

وشو في اطيب من كاسه مته بهيك جو😍

🧋بتسلي
🧋بتنشط القلب والاعصاب
🧋بتخفف الصداع
🧋بتخفف الاحتقان وبتساعد الجسم على مقاومة الرشح
🧋بتقوي مناعة الجسم
🧋مدرة للبول
🧋بتسهل عملية الهضم
🧋خالية السعرات الحرارية وبتعطي شعور بالدفء

مساكن كاسة متة سخنة مع شوية نقرشات صحية😄

Address

شارع الحرية
Mahardah

Telephone

+963991475843

Website

Alerts

Be the first to know and let us send you an email when Dietitian Savina Nasser _ أخصائية التغذية ساڤينا ناصر posts news and promotions. Your email address will not be used for any other purpose, and you can unsubscribe at any time.

Shortcuts

Share

Category