Yey O Sin

17/04/2026

16/04/2026

🌹Dr. Gabor Maté ဟာ လူတွေရဲ့အစောပိုင်းငယ်ဘဝဖြတ်သန်းမှုတွေကနေ ဘဝတသက်တာအပေါ်သက်ရောက်မှုရှိပုံတွေကို အဓိကထား ဆွေးနွေးတတ်တဲ့ ဆရာတဦးပါ
🌷ဒီ Video ထဲမှာတော့ ကလေးရော လူကြီးမှာပါ အရေးကြီးတဲ့ Authencity နဲ့ Attachment တို့ရဲ့ အခန်းကဏ္ဍကို ဆွေးနွေးထားပါတယ်

04/04/2026

🌿 “ပုံမှန်” ဆိုတဲ့ဘဝရှင်သန်မှုတွေရဲ့ နောက်ကွယ် 🌿
(Inspired by The Myth of Normal 📔by Dr. Gabor Maté)

တခါတလေ ပြဿနာက ကိုယ်တွေမဟုတ်ဘဲ ကိုယ်မှီတည်နေရတဲ့ ကမ္ဘာကြီးဖြစ်နေနိုင်တယ်လို့ စဥ်းစားကြည့်ဖူးပါသလား...

အခုခေတ် လူ့ဘောင်အသိုင်းအဝိုင်းမှာ စိတ်ဖိစီးမှုတွေ ပူပင်သောကတွေ အထီးကျန်ဆန်မှုတွေနဲ့ စိတ်ဝေဒနာတွေဟာ သိပ်ကိုသာမန်ဖြစ်လွန်းနေလို့ ဒီအခြေနေကို လူတွေက Normal - ပုံမှန်အခြေနေတခုလို့ပဲ သတ်မှတ်လာကြတယ်။ ဒါပေမယ့် Trauma Expert တဦးဖြစ်တဲ့ Dr. Gabor Mate ကတော့ ဒီပုံမှန်ဆိုတဲ့အခြေနေဆိုတဲ့ အခုလက်ရှိအနေထားဟာ တကယ်တမ်းကျတော့ အလွန်ကို ကျန်းမာရေးနဲ့ ညီညွတ်မှုမရှိတဲ့ Healthy မဖြစ်တဲ့ အနေအထားလို့ဆိုပါတယ်။

လူတွေက ခေတ်သစ်လူ့ဘောင်အသိုင်းအဝိုင်းကပုံသွင်းလာတဲ့အတိုင်း ငါသန်မာနေရမယ် ငါအမြဲတိုးတက်နေရမယ် ငါအောင်ကိုအောင်မြင်ရမယ်ဆိုတဲ့ဆန္ဒတွေနဲ့ ကြိုးစားရှင်သန်လာကြရင်း ကိုယ့်ရင်ထဲက အမှန်တကယ်ဖြစ်တည်နေတဲ့ စိတ်ခံစားမှုအစစ်အမှန်တွေကို လျစ်လျူရှု စတေးလိုက်ကြရတယ်။ တော်တော်များများဟာ ငယ်စဥ်ကစလို့ ကိုယ့်ကို ပါတ်ဝန်းကျင်လက်ခံဖို့၊ ကိုယ်နေထိုင်တဲ့ အသိုင်းအဝိုင်းထဲဝင်ဆံ့ဖို့ ဒါမှမဟုတ် အသိုင်းအဝိုင်းထဲမှာ ရှင်သန်နိုင်ဖို့အတွက်နဲ့ ကိုယ့်ဆန္ဒအစစ်အမှန်တွေ ကိုယ့်ရင်ထဲက စကားသံတွေဆီကနေ မျက်နှာလွှဲပစ်လိုက်ကြရင်း ကိုယ့်ကိုယ်ကိုနဲ့ အဆက်အသွယ်ဖြတ်တောက်ပစ်လိုက်မိကြတယ်။

တကယ်တော့ ဒီအခြေနေက လူတွေအတွက် စိတ်ဒါဏ်ရာ (Trauma) ရဖို့အကြောင်းတွေ ဖြစ်လာခဲ့ကြတယ်...

စိတ်ဒါဏ်ရာဆိုတာ စစ်ပွဲတွေ အကြမ်းဖက်ခံရတာတွေ ဒါမှမဟုတ် လောကဓံဆိုးဆိုးတွေကြုံရမှတင် မဟုတ်ဘဲ ရင်ထဲက တိတ်တဆိတ် ကြေကွဲနေရတဲ့အရာတွေကြောင့်လည်းဖြစ်နိုင်တယ်။ ကလေးလေးတယောက်ရဲ့ သူ့ကိုဘယ်သူမှနားမလည်ကြဘူးဆိုတဲ့ခံစားချက်မျိုး သူ့ရဲ့ခံစားချက်တွေက အရေးမကြီးဘူးလို့သတ်မှတ်ခံရတာမျိုး ဒါမှမဟုတ် လိုအပ်တဲ့စိတ်ပိုင်းဆိုင်ရာ စောင့်ရှောက်မှုမရတာမျိုးတွေက အသေးအမွှားလေးတွေလို့ထင်ရနိုင်ပေမယ့် အချိန်ကြာလာတာနဲ့အမျှ အဲ့စိတ်တွေကနေ ကိုယ်ကဒီလိုလူတယောက် ကိုယ့်ပါတ်ဝန်းကျင်က ဒီလိုပုံစံပဲဆိုပြီး တွေးယူပုံဖော်လိုက်ကြတယ်။ ဒါတွေက ဘဝတလျှောက်လုံးအပေါ်သက်ရောက်မှုရှိတယ်။

ဒါကြောင့်မို့ Trauma ဆိုတာ အခုမှပေါ်လာတဲ့ ရှားပါးအရာတခုတော့မဟုတ်ပါဘူး။ လူတိုင်းနီးပါးနဲ့ တစိတ်တပိုင်းတော့ ရင်းနှီးပြီးသားပဲဖြစ်တယ်။ လူတွေက ဒီဒါဏ်ရာတွေကို ခန္ဓာကိုယ်ထဲမှာ ထမ်းပိုးထားလေ့ရှိကြတယ်။ စိတ်ဖိစီးမှုတွေအဖြစ် ဒေါသအဖြစ် ဝမ်းနည်းမှုအဖြစ် တခါတလေဆို ရောဂါအဖြစ်တောင် ပေါ်လာတတ်တယ်။

အခု ကိုယ့်ကိုကိုယ် အသုံးမကျဘူးလို့မပြစ်တင်မိနေတဲ့အခြေနေတွေတော်တော်များများဟာ တကယ်တော့ ကိုယ့်စိတ်က ကိုယ်ရှင်သန်ဖို့ရေးအတွက် သူသိသလောက် စွမ်းသလောက်ကြိုးစားခဲ့တဲ့အခြေနေတွေပါပဲ။ ဥပမာ - အမြဲတမ်းသူတပါး စိတ်ကျေနပ်အောင် အလိုက်အထိုက်နေပေးလေ့ရှိတာဟာ သူတို့နဲ့အတူရှင်သန်နေရတာ စိတ်လုံခြုံမှုရှိတယ်လို့ ခံစားလိုတဲ့ စိတ်ကြောင့်ဖြစ်နိုင်တယ်။ စိတ်ခံစားမှုတွေကိုမခံစားတတ်တော့သလို ထုံနေသလိုဖြစ်နေရတာဟာ နာကျင်တဲ့ခံစားချက်တွေကို ရှောင်လွှဲလိုတဲ့စိတ်ကြောင့်ဖြစ်နိုင်တယ်။ တခါတလေ burnout ဖြစ်ကြတယ်ဆိုတာမျိုးကလည်း ကိုယ်ဟာ လက်လှမ်းမမီနိုင်အောင်ခက်ခဲတဲ့စံနှုန်းတွေကြား ရုန်းကန်နေရတယ်ဆိုတာ အသိပေးလိုတဲ့စိတ်လည်းဖြစ်နိုင်တယ်။

ဒါတွေက အသုံးမကျမှုတွေ အားနည်းချက်တွေမဟုတ်ပါဘူး။

ဒါတွေက စိတ်ရဲ့သဘာဝ ရှင်သန်ဖို့ကြိုးစားနေတဲ့ သက်သေတွေပါ။

ဒါပေမယ့် ရှင်သန်နေရခြင်းဆိုတာနဲ့ လောကမှာ အမှန်တကယ် စိတ်လိုလက်ရ နေထိုင်နေရခြင်းက မတူပါဘူး။

လူတွေက ကိုယ့်မှာရှိတဲ့ ဒီ (pattern) အမူအကျင့်တွေကြောင့် ကိုယ့်ကိုကိုယ် အပြစ်တင်လေ့ရှိကြတယ်။ ဒါပေမယ့် ဒီအမူအကျင့်တွေကိုယ့်မှာ ဖြစ်တည်လာစေတဲ့ အခြေနေတွေ အကြောင်းတရားတွေရှိနေတယ်ဆိုတာ မြင်နိုင်ဖို့လိုပါတယ်။ အပြင်ပမ်းတိုးတက်မှုတွေကို ကိုယ့်အတွင်းပိုင်းဖြစ်တည်မှုထက် ဦးစားပေးတာ တည်တည်ငြိမ်ငြိမ်ရှိနေတာထက် တခုခုတိုးတက်နေတာမျိုးကိုပဲ ဦးစားပေးတာ အောင်မြင်မှုဆိုတာမျိုးကို ကိုယ့်ရင်ထဲက တကယ်ဖြစ်ချင်တဲ့ဆန္ဒတွေထက် ဦးစားပေးလာတာတွေက ဒီ pattern တွေဖြစ်လာစေတာပါပဲ။

ဒါကို Toxic Culture (အဆိပ်သင့် ယဥ်ကျေးမှု) လို့ Gabor ကဆိုပါတယ်။

အဆိပ်သင့် ယဉ်ကျေးမှုဆိုတာ လူတွေကို ကိုယ့်စိတ်ရင်းမှန်နဲ့ အဆက်သွယ်ပြတ်တောက်စေတဲ့အခြေနေတခုပါ။ အဲ့ဒီ culture က လူတွေကို စိတ်ရင်းမှန်ဆီကဝေးကွာလာစေတယ် နောက်ကိုယ်ချစ်ရတဲ့သူတွေနဲ့ ဝေးကွာလာစေတယ် နောက်ဆုံးမှာတော့ ဘဝရဲ့ အဓိပ္ပါယ်ဆိုတာကနေပါ ဝေးကွာလာစေတော့တယ်။ အချိန်ကြာလာတာနဲ့အမျှ ဒီဝေးကွာမှုတွေက အလွယ်တကူ စိတ်ဖိစီးမှု အထီးကျန်မှုတွေကို ဖြစ်လာစေတယ်။ အဲဒီကနေ စိတ်ပိုင်းဆိုင်ရာရော ရုပ်ခန္ဓာမှာပါ မကျန်းမာတာတွေဖြစ်လာစေတယ်။

ကဲ ဒါဆို ဒီအခြေနေကနေ ဘယ်လိုရုန်းထွက်ကြမလဲ။

ပထမဆုံးအဆင့်ကတော့ သတိပြုခြင်းကနေစရမှာပဲ။ ပြဿနာက ကိုယ်တယောက်တည်းကြောင့်တော့မဟုတ်ဘူး ကိုယ်ဒီလိုဖြစ်လာစေဖို့ အခြေနေ အကြောင်းအရာတွေအများကြီးရှိခဲ့တယ် ရှိနေတယ်ဆိုတာအရင်မြင်ဖို့ သတိပြုမိဖို့ပါပဲ။ အဲလိုသတိပြုမိလာမှသာ ကိုယ့်ကိုကိုယ် အပြစ်တင်နေရာကနေ နားလည်ပေးနိုင် ကရုဏာထားနိုင်မှာဖြစ်တယ်။

နောက်အဆင့်ကတော့ ကုစားခြင်း (Healing)ပါ။

ကုစားခြင်း (Healing) ဆိုတာကတော့ ကိုယ့်ကိုကိုယ်ရဲ့ အစစ်အမှန်ဆန္ဒတွေနဲ့ ပြန်လည်ချိတ်ဆက်တာပါ။ တချိန်က ဖိနှိပ်မျိုချခဲ့ရတဲ့ ဟိုးရင်ထဲက ခံစားချက်တွေကို ပြန်ခံစားဖို့ ကိုယ့်ကိုကိုယ်ခွင့်ပြုရတာပါ။ အပြင်လောက ကိုယ့်ကိုလက်ခံဖို့တည်ဆောက်ထားတဲ့ကိုယ်မဟုတ်ဘဲ ကိုယ့်ရဲ့ တကယ့်သဘာဝစိတ်ရင်းမှန်ကို နားလည် အသိမှတ်ပြု လက်ခံပေးတာပါ။
ပြီးတော့ အရေကြီးတာက ဒီလမ်းစဥ်ကို တယောက်တည်းလျှောက်ရမယ် မဟုတ်ပါဘူး။

စိတ်ချရပြီး တဦးအပေါ်တဦး ကရုဏာတရားထားရှိတဲ့ ဆက်ဆံရေးတွေက လူတွေကို ကုစားပေးတဲ့အဓိကအရာပဲဖြစ်တယ်။ တခြားသူ တယောက်ယောက်က ကိုယ့်ကို အချိန်ယူနားထောင်ပေးတယ် တကယ်နားလည်တယ်ဆိုတဲ့ခံစားချက်ကိုရတဲ့အခါ လူ့ခန္ဓာကိုယ်မှာရှိတဲ့ Nervous System (အာရုံကြောစနစ်)ဟာ တဖြည်းဖြည်း ပြေလျော့လာပြီး စိတ်ချလုံခြုံမှုကို ပြန်ခံစားရတယ်။ အဲဒီစိတ်ချလုံခြုံမှုကနေ တကယ့်အပြောင်းအလဲဖြစ်ဖို့ ဦးတည်လာနိုင်တယ်။

ဒီလမ်းက လွယ်ကူတဲ့လမ်းတော့မဟုတ်ပါဘူး။

ဒါပေမယ့် မျှော်လင့်ချက်ရှိပါတယ်။

ဘာလို့လဲဆိုတော့ လူတွေက ရှင်သန်ဖို့ခက်ခဲခဲ့လို့ မြိုသိပ်ခဲ့ရတာ နာကျင်ခဲ့ရတာတွေ ဘယ်လောက်ပဲများများ ဟိုးစိတ်အတွင်းသဘာဝမှာ စိတ်ချမ်းသာမှု စစ်မှန်မှု ငြိမ်းချမ်းမှုဆိုတာကို လိုလားတောင့်တတဲ့ အစိတ်အပိုင်းတခု အမြဲရှိနေတတ်ကြလို့ပါပဲ။

🌱ဒါကြောင့် တခါတလေ တခုခုချို့ယွင်းနေတာ ကိုယ်မဟုတ်ပါဘူး။

🌱ကိုယ့်ရဲ့ နာကျင်မှုဝေဒနာတွေဟာ သူ့အကျိုးကြောင်းနဲ့သူရှိပါတယ်။

🌱ပြီးတော့ ကိုယ့်ကိုကိုယ် နူးညံ့ကြင်နာစွာဆက်ဆံပေးတာက ကိုယ့်ဒါဏ်ရာတွေကုစားခြင်းစတင်လိုက်တာလည်း ဖြစ်နိုင်ပါတယ်။

အားလုံးစိတ်ရာကိုယ်ပါ အေးချမ်းကြပါစေ။ 🙏🌸

02/04/2026

လူငယ်တွေနဲ့ စိတ်ပိုင်းဆိုင်ရာ ပြဿနာအကြောင်း Trauma Expert Dr. Gabor Mate ရဲ့ သုံးသပ်ချက် (နော်ဝေနိုင်ငံ)

22/03/2026

🍀တာဝန်ဝတ္တရားတွေကြောင့် အပြင်က သဘာဝအလှအပတွေဆီကို စိတ်လွတ်လက်လွတ်ခရီးထွက်ဖို့ မလွယ်ကူသေးတဲ့ ခုလိုအချိန်မှာ အိမ်မှာပဲနေပြီး online ကနေ မိမိစိတ်တွင်းခရီးစဥ်တခုကို စိတ်တူကိုယ်တူမိတ်ဆွေတွေနဲ့ မေတ္တာဝေမျှအတူလျောက်လှမ်းကြည့်ကြဖို့ ဖိတ်ခေါ်ပါတယ်

🍀တခါတလေ လောကဓံရိုက်ခက်မှုတွေကြား ရှင်သန်နေထိုင်နေရင်း ဘဝက ပျော်ရွှင်အေးချမ်းမှုတွေမခံစားမိတော့ဘဲ လေးလံထိုင်းမှိုင်းလာတတ်ပါတယ် ဒီလိုအခြေနေမျိုးမှာ ကံကြမ္မာကိုပဲ ရိုးမယ်ဖွဲ့ပြီး လက်မှိုင်ချနေတတ်ကြတာများပါတယ် တကယ်တော့ မိမိကိုယ်နဲ့စိတ် အေးချမ်းဖို့က မိမိဆန္ဒ မိမိတာဝန် မိမိသာ အခရာ ဖြစ်ပါတယ်

🍀လူ့စိတ်ဆိုတာက နားမလည်တဲ့အခါ ပိုပင်ပမ်းစေတတ်ပြီး နားလည်လာတဲ့အခါလွတ်မြောက်စေတတ်တဲ့ သဘောရှိပါတယ်

🌻ဒီ online retreat ကတော့ မိမိစိတ်နဲ့ ခန္ဓာကြား ဆက်နွယ်မှုကို သေသေချာချာ နားလည်လာစေပြီး စိတ်ထဲက ဝန်ထုပ်ဝန်ပိုးတွေကို ညင်ညင်သာသာ စွန့်လွှတ်နိုင်ဖို့ ပို့ဆောင်ပေးမယ့် အတွင်းခရီးစဥ်တခုဖြစ်ပါတယ်

ဒီ retreat ကနေ
✨ မိမိစိတ်ထဲမှာ ဖြစ်နေတဲ့ ရှိနေတဲ့ pattern တွေကို ပြန်ဆန်းစစ်နားလည်နိုင်လာမယ်
✨ ပြင်ပရိုက်ခတ်မှုတွေအပေါ် မိမိစိတ်နဲ့ခန္ဓာကိုယ်က ဘယ်လိုတုန့်ပြန်နေသလဲ သိလာမယ်
✨ မိမိထွေးပိုက်ထားမိတဲ့ ဝန်ထုပ်ဝန်ပိုးတွေကို လက်လွှတ်ဖြေလျှော့ပေးနိုင်လာမယ်
✨ မိမိကိုယ်ကိုနဲ့ ပါတ်ဝန်းကျင်အပေါ် မေတ္တာတရားနဲ့ နူးညံ့စွာ ဆက်ဆံတတ်လာမယ်
✨ တချို့သူတွေ တချို့အခြေနေလောကဓံတရားပေါ် သည်းခံနားလည်နိုင်လာမယ်
✨ အခြားသူများနဲ့ နွေးထွေးတဲ့ စိတ်ချရတဲ့ connection တွေတည်ဆောက်နိုင်လာမယ်

🗓 Date – 6th – 12th April 2026
⏰ Time – 7:00PM – 8:30PM
💻 Place - Zoom (Online)
👥 Limited participants only
💰 Fees – 3̶9̶0̶,0̶0̶0̶ ကျပ်
🎁 Promotion – 195,000 ကျပ် (50% OFF)
🪷Special Offer – ဒီ Retreat က မိမိအတွက် အကျိုးရှိနိုင်ပေမယ့် အခုချိန်မှာ Financial အခက်ခဲရှိပါက Flexible contribution (မိမိတတ်နိုင်သလောက် ပမာဏ)ဖြင့် ပါဝင်နိုင်ပါတယ်.

📩စာရင်းပေးသွင်းရန်နှင့် အသေးစိတ်စုံစမ်းရန်အတွက် messenger မှတဆင့် ဆက်သွယ်နိုင်ပါတယ်ရှင် 🙏

08/12/2025

🌿It is okay not to be okay.🌿
🌿အဆင်မပြေရင်လည်း ဖြစ်ပါတယ်။🌿

06/12/2025

🌿Psychosomatic Therapy - စိတ်နှင့်ရုပ်ခန္ဓာတွဲဖက်ကုထုံး🌿

စိတ်နဲ့ရုပ်ခန္ဓာတွဲဖက်ကုထုံးဟာ လွန်ခဲ့တဲ့ နှစ်ပေါင်း ၁၄၀ ခန့်ကမှ အနောက်တိုင်းစိတ်ပညာရှင်တွေ စတင်တွေ့ရှိခဲ့တဲ့ ခေတ်ပေါ်ကုထုံးတမျိုးဖြစ်ပေမယ့် သိပ္ပံနည်းပညာ မထွန်းကားတဲ့ ကျမတို့အရှေ့တိုင်းမှာတော့ စိတ်နဲ့ရုပ် ဆက်စပ်ဖြစ်တည်ဆိုတယ်ဆိုတဲ့ဗဟုသုတဟာ လွန်ခဲ့တဲ့နှစ်ထောင်ပေါင်းများစွာကတည်းက ရှိနှင့်နေခဲ့ပြီးသားဖြစ်ပါတယ်။

ကျမတို့ရဲ့ ခန္ဓာကိုယ်ဟာ ဘဝတလျှောက် ကျမတို့သိမှတ်ထားသမျှတွေ ကြုံခဲ့ရတဲ့ အတွေ့အကြုံတွေနဲ့ ဒါတွေအပေါ် ကိုယ်တိုင် ဘယ်လိုတုံ့ပြန်လေ့ရှိသလဲဆိုတဲ့ အလေ့အထတွေ အားလုံးကို သမိုင်းစာအုပ်တအုပ်လို အသေအချာ မှတ်သားထားပါတယ်။ ကိုယ်ခန္ဓာကြွက်သားတွေ၊ တစ်သျူးတွေ၊ အရွတ်အမျှင်တွေနဲ့ ကိုယ်တွင်းအင်္ဂါအစိတ်အပိုင်းတွေအာလုံးဟာ ကြုံခဲ့ဖူးတဲ့ အတွေ့အကြုံတွေအားလုံးကို အသေအချာမှတ်သားသိမ်းဆည်းပါတယ်။
တရက်တရက်ဘဝမှာ ပြေးလွှားလှုပ်ရှားရုန်းကန်ရင်း ကျမတို့တွေဟာ ခန္ဓာကိုယ်ရဲ့ အချက်ပြသံတွေကို လျစ်လျူရှုမိနေကြတာများပါတယ်။ ခါးနာတာ၊ ဇက်ကြောတက်တာ၊ ရင်ဘတ်ထဲတင်းကြပ်နေတာ၊ နှလုံးခုန်မြန်တာ၊ အစာအိမ်ပြဿနာနဲ့ နုံးခွေနေတာမျိုးတွေဟာ များသောအားဖြင့် ကျမတို့ခန္ဓာကိုယ်က ကျမတို့ကို တခုခုသတင်းပေးဖို့ကြိုးစားနေတာမျိုးတွေဖြစ်တတ်ကြပါတယ်။
Psychosomatic Therapy ကတော့ အကျဥ်းချုပ်ပြောရရင် စိတ်နဲ့ရုပ်ခန္ဓာကိုနက်နက်ရှိုင်းရှိုင်းအထိချိတ်ဆက်ပြီး ရုပ်ခန္ဓာကိုယ်ထဲမှာ သိမ်းဆည်းထားတဲ့ အကြွေးတောင်းသလိုတောင်းခံနေတဲ့ စိတ်ဒါဏ်ရာတွေကို ကူညီဖြေရှင်းပေးတဲ့ကုထုံးမျိုးဖြစ်ပါတယ်။ ဒီလိုဖြေရှင်းလိုက်တဲ့အတွက် ကိုယ့်ကိုယ်ကိုယ်ယုံကြည်မှု စိတ်တွင်းတည်ငြိမ်မှုနဲ့ ကျန်းမာမျှတတဲ့ အမူအကျင့်ကောင်းတွေ ပြန်မွေးဖွားလာပြီး ကျမတို့ ခန္ဓာကိုယ်ထဲမှာ ကိန်းအောင်းနေပြီးသားဖြစ်တဲ့ ကိုယ်အလိုရှိရာ ချစ်ခြင်းမေတ္တာ အောင်မြင်ပျော်ရွှင်မှုတွေကို စွမ်းဆောင်ပေးနိုင်တဲ့ မိမိကိုယ်ပိုင်ဉာဏ်ပညာ ခွန်အားသတ္တိတွေနဲ့ ပြန်လည်ချိတ်ဆက်လာနိုင်ပါတယ်။

၂၀ ရာစုမှာ စိတ်နဲ့ ရုပ်ခန္ဓာရဲ့ ဆက်စပ်ဖြစ်တည်ပုံကို သိပ္ပံနည်းကျ သက်သေပြခဲ့ကြတဲ့ စိတ်ပညာရှင်ကြီးတွေကတော့

Wilhelm Reich - အနောက်တိုင်းစိတ်ပညာ ဖခင်ကြီးတဦးဖြစ်တဲ့ Sigmund Freud ရဲ့တပည့်တဦးဖြစ်ပြီး စိတ်ခံစားမှုတွေဟာ ကြွက်သားတောင့်တင်းစေတဲ့ သက်ရောက်မှုဖြစ်စေတယ်ဆိုတာကို အစောဆုံးရှာတွေ့ခဲ့ပါတယ်။
Franz Alexander - စိတ်ဖိစီးမှုတွေကနေ ရုပ်ပိုင်းဆိုင်ရာ ဝေဒနာတွေဖြစ်လာစေတယ်ဆိုတာ စတင်ရှာတွေ့ခဲ့ပြီး ကုသဖို့ဆေးဝါးကိုစတင်ရှာဖွေခဲ့ပါတယ်။ ဒီတွေ့ရှိမှုမတိုင်ခင်အထိမှာ အနောက်တိုင်းဆရာဝန်တွေဟာ စိတ်နဲ့ရုပ်ကို သပ်သပ်စီဖြစ်တည်တယ်လို့ယူဆပြီး သီးခြားစီပဲကုသခဲ့ပါတယ်။
Peter Levine - စိတ်ပိုင်းဆိုင်ရာဒါဏ်ရာတွေဟာ ရုပ်ခန္ဓာနဲ့ nervous system (အာရုံခံစနစ်) ထဲမှာကိန်းအောင်းနေတာမို့ စိတ်ကိုကုစားတဲ့အခါ ရုပ်ခန္ဓာရဲ့ခံစားမှုတွေကိုထည့်စဥ်းစားဖို့လိုအပ်တယ်ဆိုတဲ့ အသိပညာကို ကမ္ဘာတလွှား Therapist ပေါင်းများစွာကို ယနေ့ထိသင်ကြားပေးနေတဲ့ အမေရိကန် စိတ်ပညာရှင်တဦးဖြစ်ပါတယ်။

Psychosomatic Therapy နဲ့ပါတ်သတ်ပြီး တခြားသိလိုတာရှိရင် မက်ဆေ့ပို့ထားပေးလို့ရပါတယ်။ 🙏

05/12/2025

🌷အလှကိုယ်စီ🌞

05/12/2025

🌸 ချစ်သူ 🌸

05/12/2025

ကြေအေးသည်းခံခွင့်လွှတ်ခြင်း (Forgiveness)

ကြေးအေးသည်းခံခွင့်လွှတ်ခြင်း ဆိုတာ ကျမတို့ ဘဝမှာ ကိုယ်ကြုံတွေ့ခံစားခဲ့ရတဲ့ စိတ်ဒုက္ခတွေကနေ ကိုယ်လွတ်မြောက်ဖို့အတွက် ဖြေရှင်းကုစားခြင်းပဲဖြစ်ပါတယ်။ ခွင့်လွှတ်ခြင်းဟာ လေးနက်တဲ့ သဘာဝ ခံစားချက်မျိုးဖြစ်ပါတယ်။
ဘာလို့ ကျမတို့ ခွင့်လွှတ်ဖို့ကြိုးစားကြရတာလဲ။ တကယ်လို့ ကျမတို့အပေါ် ကျူးလွန်ခဲ့သူတွေကို ခွင့်မလွှတ်နိုင်ဘူးဆိုရင် ကျမတို့ဟာ အဲဒီအတိတ်ရဲ့စိတ်ဆင်းရဲသံသရာထဲမှာပဲ သံကြိုးနဲ့ချည်နှောင်ခံထားရသလို ရုန်းထွက်မရဘဲ အမြဲတဝဲလည်လည်ပြန်ခံစားနေရလို့ပါပဲ။ ဒါဟာ ဆိုးကျိုးအင်မတန်များပါတယ်။ စိတ်ထိခိုက်နာကျင်နေရပါတယ်။
လောကမှာ ကျမတို့ ခွင့်လွှတ်ရမယ့်သူ (၃)မျိုးရှိပါတယ်။ ကိုယ့်အပေါ်ထိခိုက်နာကျင်စေခဲ့သူတွေ၊ ကိုယ်ကိုတိုင် ကိုယ်ခွင့်မပြုတဲ့အရာမျိုးတွေကို ကျူးလွန်မိတဲ့ ကိုယ့်ကိုကိုယ်နဲ့ ကိုယ့်ကိုနာကျင်စေတဲ့ ကိုယ့်ဘဝဖြစ်တည်မှု လောကသဘာဝဖြစ်တည်မှုတရားတို့ပဲ ဖြစ်ပါတယ်။ ဒီ (၃)မျိုးလုံးအပေါ် ခွင့်လွှတ်တတ် ခွင့်လွှတ်နိုင်ဖို့ ကြိုးစားသင့်ပါတယ်။
ခွင့်လွှတ်ခြင်းနဲ့ ပါတ်သတ်တဲ့ အယူအဆလွဲလေးတွေရှိပါတယ်။ ခွင့်လွှတ်ခြင်းဆိုတာ တကယ်တော့ တဖက်ကို အားမတန်လို့မာန်လျှော့တာမျိုး အံကြိတ်သည်းခံလိုက်တာမျိုးမဟုတ်ပါဘူး။ မကောင်းတဲ့ အပြုမူဆိုးတွေကို လက်ခံပေးလိုက်တာ ဖြစ်ခဲ့သမျှတွေကို လျစ်လျူရှုလိုက်တာ မေ့ပစ်လိုက်တာမျိုးလည်းမဟုတ်ပါဘူး။ တရားမျှတမှုရရှိမှ ပြန်သင့်မြတ်ပြီးအဆင်ပြေမှ ကြေအေးခွင့်လွှတ်လို့ရတာမျိုးလည်းမဟုတ်ပါဘူး။
ခွင့်လွှတ်ခြင်း အဆင့် (၅)ဆင့် ရှိပါတယ်။
၁။ မိမိကိုယ်တိုင် ဒါမှမဟုတ် တစုံတယောက်ကြောင့်ရခဲ့တဲ့ မိမိနာကျင်ခံစားမှုတွေကို ဖော့တွေးတာမျိုးမလုပ်ပဲ တာဝန်ယူလက်ခံလိုက်ခြင်း၊
၂။ မိမိနာကျင်မှုတွေအပေါ် သေချာ ဂရုစိုက်ပြီး လေးနက်တဲ့ကရုဏာတရားထားရှိခြင်း၊
၃။ သူ့ကြောင့် ကိုယ့်ကြောင့်လို့လက်ညှိုးထိုးတာမျိုးမဟုတ်တော့ဘဲ အခြေနေတခုလုံးဟာ ဒီလိုဖြစ်လာစေတဲ့ အကြောင်းတရားတွေအရင်ကရှိထားနှင့်ခဲ့လို့ အကျိုးဆက်အနေနဲ့ အခုလိုဖြစ်လာရတယ်ဆိုတာကို ပညာဉာဏ်အသိတရားနဲ့ လက်ခံလာနိုင်ခြင်း၊
၄။ မိမိကိုယ်ကို သို့မဟုတ် နာကျင်စေခဲ့သူတွေကို စတင် ခွင့်လွှတ်ဖို့ ဆန္ဒရှိလာခြင်း၊
၅။ ကိုယ့်ကိုကိုယ် အလားတူအခြေနေတွေ ထပ်ခါထပ်ခါဖန်တီးမယ့်ဘေးကနေ ကာကွယ်ပေးလိုခြင်း တို့ပဲဖြစ်ပါတယ်။
ကြေအေးသည်းခံခွင့်လွှတ်တတ်ဖို့ လုံလောက်တဲ့သတ္တိ၊ ကရုဏာတရားနဲ့ ပညာဉာဏ်ရှိဖို့လိုအပ်ပါတယ်။ ခွင့်လွှတ်နိုင်ခြင်းဆိုတာ နှလုံးသားထဲက အဆင့်ဆင့်ဖြစ်ပေါ်လာတာမျိုးပါ။ မနေ့ကနာကျင် ဒီနေ့ခွင့်လွှတ် အဲလိုမျိုး လိုသလိုချက်ချင်းဖြစ်လာတဲ့အရာမျိုးတော့မဟုတ်ပါဘူး။ ဒါကြောင့် ကိုယ့်အပေါ်နာကျင်ထိခိုက်စေခဲ့တဲ့သူတွေကို ခွင့်လွှတ်ပေးနိုင်လိုက်တာဟာ စိတ်ပျော့ညံ့တာမျိုးမဟုတ်ပါဘူး။ ကိုယ့်ကိုကိုယ်ထားတဲ့ ကရုဏာတရားကြောင့် ကိုယ်တိုင်အေးချမ်းဖို့ ကိုယ်တိုင်လွတ်မြောက်ဖို့ ခါးသီးတဲ့ခံစားမှုတွေနေရာမှာ မြင့်မြတ်တဲ့ နူးညံ့တဲ့ခံစားမှုတွေကိုနေရာပေးလိုက်တာပဲဖြစ်ပါတယ်။ လောကမှာ ကိုယ်စောင့်ရှောက်ဖို့ တာဝန်အရှိဆုံးသူက မိမိကိုယ်တိုင်ပဲဖြစ်ပါတယ်။
Workshop တခုမှာ မှတ်သားခဲ့ရတာတွေကို ပြန်လည်မျှဝေပေးလိုက်ရပါတယ်။ ခွင့်လွှတ်ဖို့ကြိုးစားတဲ့ လမ်းစဥ်မှာ အခက်ခဲလေးတွေရှိရင် မက်ဆေ့ပို့ထားပေးလို့ရပါတယ်။
ကျမတို့နိုင်ငံသားတွေအားလုံး နာကျင်ခံစားမှုအမျိုးမျိုးမှ အပြီးတိုင်လွတ်မြောက်နိုင်ကြပါစေ။ 🙏