01/07/2024
အထင်သေးခံရလို့လည်း
မကြောက်နဲ့။
အထင်ကြီးခံရလို့လည်း
မမြောက်နဲ့။
အထင်ဆိုတာ အထင်ပါပဲ။
တကယ်မှ မဟုတ်တာ။
တကယ် ဟုတ် ,မဟုတ်က
ကိုယ်ပဲ သိတာ။
သူများက ထင်ရုံပဲ ထင်တာ။
သူများအထင်တွေမှာ ကိုယ့်စိတ်ခံစားမှုတွေ မများစေနဲ့ပေါ့။
သူတို့ရဲ့ လွတ်လပ်ခွင့်အနေနဲ့
သူတို့ ထင်ချင်သလို
ထင်ခွင့်ရှိတယ်။
သူတို့ မြင်ချင်သလိုလည်း
မြင်ခွင့်ရှိတယ်။
သူတို့ ပြောချင်သလို
ပြောခွင့်ရှိတယ်။
ကိုယ်တားလို့ မရဘူး။
ဟုတ်တာ မဟုတ်တာ သူတို့အပိုင်းပဲ။
ကိုယ့်အပိုင်းကတော့
ကိုယ့်လိပ်ပြာ ကိုယ်သန့်နေရင်
ပြီးတာပါပဲ။
အဓိက က တော့
သူများက ကိုယ့်အပေါ်
ထင်နေတဲ့ အထင်
မြင်နေတဲ့ အမြင်
ပြောနေတဲ့ အပြောတွေနောက်
လိုက်ပြီး ကိုယ့်စိတ်ကလေး ပြောင်းမသွားဖို့ပါပဲ။
သူတို့ထင်တာ သူတို့အထင်ပါပဲ။
သူတို့မြင်တာ သူတို့အမြင်ပါပဲ။
သူတို့ပြောတာ သူတို့အပြောပါပဲ။
ကိုယ့်သဘော ဘယ်လိုရှိတယ်ဆိုတာ ကိုယ် အသိဆုံးပဲလေ။
အမှန်တရား ဆိုတာ တစ်ခါတစ်ခါ အချိန်လေးတော့
စောင့်ရတယ်။
အချိန်မတန်သေးရင်
အမှန်တရားက မပေါ်နိုင်သေးဘူး။
အချိန်တန်တော့လည်း
အထင်ကင်းပြီး
အမြင်ရှင်းသွားမှာပဲပေါ့။
လောကရဲ့ သဘော
လူတွေရဲ့ သဘော က
ထင်ကြေးတွေအပေါ်မှာ
ကိုယ့်ရဲ့ခံစားချက်တွေ
လိုက်ပြီး ပုံဖော်နေကြတာ
များတယ်။
မသိစိတ်ကိုက ဟုတ်တာ
မဟုတ်တာ အသာထား။
ကိုယ့်ကို အထင်ကြီးရင်
ကျေနပ်တတ်တယ်။
ကိုယ့်ကို အထင်သေးရင်လည်း
နေမထိ ထိုင်မထိ စိတ်က
ကလိ ကလိကို ဖြစ်နေတော့တာပေါ့...။
စိတ်ခံစားချက်က
စကားလုံးတွေ အောက်ကကို
ရုန်းမထွက်နိုင်ကြတာ များတယ်ပေါ့။
ဒီတော့ကား
ဘယ်သူ ဘယ်လိုပဲထင်ထင်
ကိုယ်အဆင်ပြေဖို့ အရေးကြီးတယ်။
အထင်တွေအောက် မှာ
သင် မမှောက်စေနဲ့။
သင်ဖျောက်နိုင်ရင်
သင်ကြောက်စရာ မလိုဘူးပေါ့။
သူများရဲ့ ထင်ကြေးတွေအပေါ်မှာ သင်အတွေးတွေ မချော်စေနဲ့ပေါ့။
အထင်ကြီးခံရလို့လည်း
စိတ်ကြီး မဝင်စေနဲ့။
အထင်သေးခံရလို့လည်း
စိတ်ကလေး မလေးစေနဲ့။
အထင်ကို အထင်လို့သာ
သိထားရင်
ဘာနဲ့မှငြိစရာ
အကြောင်း မရှိပါဘူး။
တကယ်တမ်းကျတော့
အထင်ဆိုတာ အထင်ပါပဲလေ။
တကယ်မှ မဟုတ်တာ။
Sharing is carrying 👍
Crd to orginal writer with respect
