https://www.facebook.com/711036732104230/

Associação dos Médicos de Timor-Leste

Página Inicial
Timor-leste
Dili
Associação dos Médicos de Timor-Leste

Informações para nos contactar, mapa e direções, formulário para nos contactar, horário de funcionamento, serviços, classificações, fotos, vídeos e anúncios de Associação dos Médicos de Timor-Leste, Medicina e saúde, Avenida Bidau Toko Baru, Dili Timor Leste, Dili, Dili.

04/08/2026

Manatuto, 31 Jullu 2026.
Associação dos Médicos de Timor-Leste (AMTL) kolabora ho ANKMLH no ANCT Prezidente Autoridade Municipio Manatuto no SSM Manatuto realiza Kampaña Prevensaun ba Moras La Hada’et Atakasaun Fuan, Hipertensaun, Kankru no Diabetes Melitus “.

Atividade ne’e hahu ho rastreiu mediku /Screening ba Hipertensaun Arterial,Diabetes Mellitus, no Indise Masa Korporal ba funsionariu sira , hafoin kontinua ho edukasaun saúde ho tema oi-oin mak hanesan : Hipertensaun,Diabetes Melitus,Atakasaun Fuan no moras Kankru.

Kampaña ne’e hetan partisipasaun husi Dirigentes Autoridade Municipal Manatuto ho funcionario sira,ekipa AMTL no Diretor ANKMLH ho ekipa .

Objetivu prinsipal husi atividade mak atu hasa’e koñesimentu públiku nian kona-ba Prevensaun ba Moras La Hadaet mak hanesan Atakasaun Fuan, Hipertensaun, Diabetes Melitus, Stroke no Moras krónika sira seluk, enkuantu kontribui ba redusaun husi taxa mortalidade sira ne’ebé kauza husi moras la hada’et.

Agradese ba parte hotu-hotu ne’ebé kolabora hodi fo susesu ba atividade ne’e.

27/07/2026

Associação dos Médicos de Timor Leste (AMTL) kolabora hamutuk ho Aliança Nasional Kombate Moras la Hada’et(ANKMLH),Presidente Autoridade Municipio Liquiça,SSM Liquiça no AMTL Municipio Liquiça realiza Kampaña Prevensaun ba Moras La Hada’et “Atakasaun Fuan,Hipertensaun,Diabetes Melitus no Kankru.

Atividade ne’e hahu ho rastreiu mediku /Screening ba Hipertensaun Arterial,Diabetes Mellitus no Indise Masa Korporal ba funsionariu nain 146, hafoin kontinua ho edukasaun saúde ho tema oi-oin hanesan ,Hipertensaun,Diabetes Melitus,Atakasaun Fuan no Kankru.

Partisipa iha atividade ne’e Dirigentes Autoridade Municipal Liquiça ho funcionario sira,Presidente AMTL ho ekipa no Diretor ANKMLH ho ekipa,Diretor SSM Liquiça ho ekipa no AMTL Municipio Liquiça.

Iha sesaun abertura Presidente Autoridade Municipal Liquiça Sr.Paulino Ribeiro, M.PA. hato’o agradesimentu wain ba AMTL ho Aliança Moras la hada’et ba inisiativa furak hodi realiza Kampaña sensibilizasaun ba Moras La Hada’et iha Municipio Liquiça.

Presidente AMTL Dr.Herculano Seixas dos Santos,Esp.Cardiología enfatiza katak Timor-Leste hasoru pezu dubru ba moras (Doble burden of desease) iha ne’ebé mak moras infeksiosa sei aas,iha sorin seluk prevalencia ba moras la hada’et kontinua aumenta ba beibeik hanesan Hipertensaun,Atakasaun Fuan,Stroke, Diabetes,Kankru no Moras Respiratoria Krónika.

Aproximasaun atu kombate moras hirak ne’e mak presiza haforsa resposta multisektoral, promove liu tan edukasaun saúde, haforsa prevensaun primaria,deteksaun sedu no garante aderensia ba tratamentu.

Iha Intervensaun ANKMLH Sr Sancho Beran manifesta preokupasaun kona ba prevalencia moras la hada’et nebe aumenta ba beibeik iha Timor-Leste no reafirma komitmentu ANKMLH atu servisu hamutuk ho entidade hotu -hotu hodi kombate moras la hada’et iha Timor-Leste, nune’e mos fo agradesimentu wain ba kolaborasaun diak husi Autoridade Municipal Liquiça no AMTL hodi fo susesu ba programa ne’e.

Agradece wain ba parte hotu-hotu nia kolaborasaun hodi fo susesu ba atividade ne’e.

Hamutuk Ita Kambate moras la hada’et no promove moris saudável ba Timor oan sira hotu.

Liquiça, 24 Jullu 2026.

21/07/2026

Presidente Associação dos Médicos de Timor-Leste (AMTL) Dr.Herculano Seixas dos Santos,Esp.Cardiología hamutuk ho membru Diresaun Ezekutiva Nasionál AMTL realiza enkontru koordenasaun hodi diskuti programa AMTL ba segundu semestre tinan 2026.

Programa ne’ebé diskuti no aprova iha enkontru ne’e mak kapasitasaun membru AMTL,realiza kongresu Munisipal, kontinua reforsa programa saúde komunitaria no selebrasaun Aniversário AMTL ba dala XXI.

Sede AMTL, 16 Jullu 2026.

10/07/2026

Associação dos Médicos de Timor Leste (AMTL) kolabora hamutuk ho Aliança Nasional Kombate Moras la Hada’et(ANKMLH),Presidente Autoridade Municipio Aileu no SSM Aileu realiza Kampaña Prevensaun ba Moras La Hada’et “Atakasaun Fuan,Hipertensaun,Stroke no Diabetes Melitus “.

Atividade ne’e hahu ho rastreiu mediku /Screening ba Hipertensaun Arterial,Diabetes Mellitus no Indise Masa Korporal ba funsionariu nain 75, hafoin kontinua ho edukasaun saúde ho tema oi-oin mak hanesan ,Hipertensaun,Diabetes Melitus,Atakasaun Fuan no moras respiratoria.

Partisipa iha atividade ne’e Dirigentes Autoridade Municipal Aileu ho funcionario sira,Presidente AMTL ho ekipa no Diretor ANKMLH ho ekipa .

Iha sesaun abertura Presidente AMTL Dr.Herculano Seixas dos Santos,Esp.Cardiología enfatiza katak Timor-Leste hasoru pezu dubru ba moras (Doble burden of desease) iha ne’ebé mak moras infeksiosa sei aas,iha sorin seluk prevalencia ba moras la hada’et kontinua aumenta ba beibeik hanesan Hipertensaun,Atakasaun Fuan,Stroke, Diabetes,Kankru no Moras Respiratoria Krónika.

Aproximasaun atu kombate moras hirak ne’e mak haforsa resposta multisektoral, Prevensaun primaria,deteksaun sedu no aderensia tratamentu.

Iha Intervensaun ANKMLH Sr Sancho Beran fo agradesimentu wain ba kolaborasaun diak husi Autoridade Municipal Aileu no AMTL hodi fo susesu ba programa ne’e.

Iha Intervensaun Secretario Administrasaun Financas Sr Jose Vila Nova fo agradesimentu wain ba AMTL no ANKMLH ba inisiativa diak hodi realiza Kampaña Prevensaun ba moras la hada’et iha Munisipiu Aileu husu atu programa ne’e bele expande ba Postu Administrativo Sira.

Agradece wain ba parte hotu-hotu nia kolaborasaun hodi fo susesu ba atividade ne’e.

Hamutuk Ita Kambate moras la hada’et no promove moris saudável ba Timor oan sira.

Aileu, 8 Jullu 2026.

25/06/2026

ASSOCIAÇÃO DOS MÉDICOS DE TIMOR-LESTE (AMTL) PRESTA OMENAJEN BA SAUDOZU EIS PREZIDENTE RDTL DR.FRANCISCO GUTERES LÚ-OLO.

Presidente Associação dos Médicos de Timor-Leste Dr.Herculano Seixas dos Santos,Esp.Cardiología hamutuk ho Diresaun Ezekutiva AMTL no membru AMTL sira presta omenajen ikus ba maktoban Saudozu Eis Presidente RDTL Dr Francisco Guterres Lu- Olo iha nia rezidensia Farol, Díli.

Trsteza bo’ot ba Timor - Leste ho partida Sua Excia Eis Presidente RDTL Dr. Francisco Guterres Lú-Olo.

Deskansa ho hakmatek ami nia herói, lider históriku no aman nasaun Dr.Lu-Olo.

Obrigado wain ba Ita nia sakrifisiu no dedikasaun ba Libertasaun Nasionál no konstrusaun Timor-Leste.Ita nia memoria hela nafatin iha ami nia fuan eternamente.

Kondolênsia klean ba familia enlutada.

25/06/2026.

22/06/2026

Familia bo’ot Associação dos Médicos de Timor -Leste (AMTL) hato’o solidaridade no sentidu kondolénsia klean ba familia enlutada no ba povu doben Timor-Leste, ba lakon Lider Nasionál,Herói Nasionál, Aman Nasaun no Eis Prezidente Repúblika Demokrátika Timor-Leste Sua Excia Dr. Francisco Guterres Lú - Olo.

Obrigado ba dedikasaun tomak ba luta libertasaun pátria no libertasaun povu. Deskansa ho hakmatek iha Nai Maromak nia Kadunan Santu. Forsa nafatin ba familia.

18/06/2026

Presidente AMTL Dr.Herculano Seixas dos Santos,Esp.Cardiología partisipa iha Cerimónia Judício e Juramento Profissional,FMCS-UNTL ano Académico 2026.

Finalistas ne'ebé halo juramentu profisionál kompostu husi Lic. Medicina Geral 213,Lic. enfermagem 136,lic farmacia 52,lic. nutrição 26,lic.biomedica no laboratoriais 21.

Juramentu profisionál nudar momentu solene ida ne’ebé marka inísiu ba etapa profisionál foun ida, hodi reafirma vokasaun, kompromisu,empeñu, no responsabilidade médiku,enfermeiru,farmacista,nutrisionista no técnicos laboratorio foun sira-nian atu serví ba humanidade no dedika an ho profisionalismu ba saúde povu timoroan nian.

Delta Nova,18 Juñu 2026.

17/06/2026

https://www.facebook.com/share/v/18u6BA2bfD/?mibextid=wwXIfr

15/06/2026

ASSOCIAÇÃO DOS MÉDICOS DE TIMOR-LESTE (AMTL) ASINA AKORDU KOOPERASAUN HO ALIANSA NASIONÁL KOMBATE MORAS LA HADA’ET (ANKMLH).

Presidente Associação dos médicos de Timor-Leste (AMTL) Dr.Herculano Seixas dos Santos,Esp.Cardiología hamutuk ho Diretor Exekutivu Aliansa Nasionál Kombate Moras la Hada’et (ANKMLH) Sr. Sancho Belito Fernandes Ldc, Mdc asina akordu kooperasaun iha Programa Kampaña Sensibilizasaun no Edukasaun Saúde ba Moras La Hada’et.

Partisipa iha atividade ne’e Presidente AMTL akompaña husi Vice Sekretariu Jeral AMTL Dr.Frenky Ramiro,MMed Opht,Tesoreira AMTL Dra.Gerina Rosales no Departamento Saúde Komunitaria Dra.Arminda Almeida no Dra.Etelvina de Jesus da Costa.MpH. Enkuantu husi parte ANKMLH marka prezensa husi Diretor Ezekutivu ANKMLH no responsável programa sira : Sartica Isadora Solly Viana no Melky Fatima Ximenes Gusmão.

Iha Diskursu Prezidente AMTL nian, fo apresiasaun ba ANKMLH nudar organizasaun sosiedade sivil ne’ebé hola inisiativa atu servisu hamutuk ho AMTL realiza kampaña sensibilizasaun no Edukasaun Saúde ba Públiku. Kooperasaun ida ne’e nudar prova katak assunto saúde laos responsabilidade exklusiva seitor saúde nian mesak, maibe saúde nudar assunto multisektoral ne’ebé konta mós ho apoiu seitor hotu-hotu nian,inklui sosiedade sivil,media no partisipasaun ativa husi komunidade sira.

Prezidente AMTL realsa katak serimonia asinatura akordu kooperasaun ne’e nudar marku istoriku ida iha saúde publika ne’ebé reafirma kolaborasaun mutua hodi kombate moras la hada’et iha Timor-Leste.

Liu husi akordu ne’e, AMTL ho ANKMLH sei realiza kampaña sensibilizasaun no edukasaun saúde kona ba Moras la hada’et ba populasaun grupu alvo sira ho tema oi-oin kona ba moras la hada’et ne’ebé inklui Atakasaun fuan, Stroke, Diabetes Mellitus, Kankru, Moras Obstrutivu Resporatoria Krónika, Insufisiensia Renal no seluk tan nune’e mós sei halo screening ka rastreiu médiku ba Moras Hipertensaun Arterial no Diabetes Mellitus.

Alvu ba atividade ne’e mak instituisaun públiku, ministériu relevantes no fucionarios husi autoridade munisipial sira.

Presidente AMTL subliña katak Timor-Leste maske atinji ona progresu lubun ida iha seitor saúde, maibe ohin loron enfrenta daudaun desafiu foun iha saúde públika, iha ne’ebé mak prevalencia Moras la hada’et kontinua aumenta no konstitui kauza prinsipal ba mortalidade prematuru no transferensia pasiente ba rai liur.

Edukasaun saúde nudar instrumnentu efikaz atu salva vida sidadaun sira nian no haforsa medisina preventiva iha ita nia rain. Sosiedade,familia no individu ida-idak ne’ebé sensibilizadu, sei kontribui hado’ok an husi fator risku sira, hatene identifika ho lais síntomas sira husi moras la hada’et no hakbesik a’an sedu ba fasilidade saúde hodi halo tratamentu nune’e mós sei kumpri sira nia tratamentu ho regular.

Iha Diskursu Diretor Exekutivu ANKMLH nian agradese ba AMTL nia disponibilidade hodi asina akordu kooperasaun servisu iha programa kampaña sensibilizasaun no edukasaun saúde ba moras la hada’et. Diretor mós informa misaun no programa prioridade ANKMLH nian no nudar sosiedade sivil prontu atu kolabora ho AMTL no seitor saúde atu kombate moras la hada’et no fatores risku sira iha Timor-Leste nune’e bele kontribui ba sosiedade ida ne’ebé saudável.

Hamutuk ita kombate moras la hada’et iha Timor-Leste, konstrui futuru ida forte no saudável ba Timor oan sira hotu.

Sede AMTL,15 Juñu 2026.

12/06/2026

https://www.facebook.com/share/v/18v9rq3vmR/?mibextid=wwXIfr

Endereço

Avenida Bidau Toko Baru, Dili Timor Leste, Dili
Dili

Website

facebook.com

Notificações

Seja o primeiro a receber as novidades e deixe-nos enviar-lhe um email quando Associação dos Médicos de Timor-Leste publica notícias e promoções. O seu endereço de email não será utilizado para qualquer outro propósito, e pode cancelar a subscrição a qualquer momento.