25/09/2026
Mga minamahal kong kabarangay at mga sumuporta sa akin,
Mula sa kaibuturan ng aking puso, nais kong ipaabot ang aking taos-pusong pasasalamat sa bawat isa sa inyo na nagbigay ng tiwala, pagmamahal, at suporta sa akin mula nang ako ay nagpahayag ng aking hangarin na tumakbo bilang Konsehal ng Barangay Macabling.
Hindi matatawaran ang mga karanasan, pagkakaibigan, at pagmamahal na aking natanggap mula sa inyo. Sa bawat salita ng paghikayat, sa bawat mensahe ng suporta, at sa bawat taong naniwala sa aking kakayahan, dala-dala ko ang mga ito bilang inspirasyon upang mas lalo pang maglingkod sa ating komunidad.
Ngayong ipinahayag na ng Palasyo ang pagpapaliban ng halalan, nais kong gamitin ang pagkakataong ito upang magpasalamat sa inyong walang sawang suporta at pagtitiwala. Bagama’t pansamantalang nahinto ang ating paglalakbay sa halalan, mananatili sa aking puso ang lahat ng inyong ipinakitang pagmamahal at pagkakaisa.
Hanggang sa muli, umaasa akong mananatili ang inyong suporta, tiwala, at pagmamahal. Nawa’y patuloy tayong magkaisa para sa ikabubuti ng ating barangay at ng bawat pamilyang ating pinaglilingkuran.
Makakaasa kayo na hindi ako mawawala. Hindi man sa pamamagitan ng isang posisyon, mananatili akong handang makinig, tumulong, at maglingkod sa abot ng aking makakaya para sa ating mga kabarangay at sa buong Barangay Macabling.
Maraming salamat sa inyong lahat. Nawa’y patuloy nating isabuhay ang pagkakaisa, malasakit, at pagmamahal sa ating komunidad.
Mabuhay ang Barangay Macabling! Mabuhay tayong lahat!
Lubos na gumagalang at nagpapasalamat,
Raymart “EMAK” Lucero
