Positive Motion

Positive Motion Positive Motion është qendër për Terapi Manuale Ortopedike dhe Fizioterapi.

Radikulopatia Cervikale – Qasja e trajtimit në fazaRadikulopatia cervikale është një gjendje ku një rrënjë nervore në qa...
10/05/2026

Radikulopatia Cervikale – Qasja e trajtimit në faza

Radikulopatia cervikale është një gjendje ku një rrënjë nervore në qafë irritohet ose komprimohet, duke shkaktuar dhimbje në qafë, dhimbje që përhapet në krah, mpirje ose dobësi.

Trajtimi efektiv nuk është i njëjtë për të gjithë pacientët dhe nuk bëhet në një hap të vetëm. Në fizioterapinë moderne dhe terapinë manuale ortopedike, trajtimi organizohet në stadiume progresive:

1️⃣ Stadiumi akut
Qëllimi kryesor është ulja e dhimbjes dhe irritimit nervor.
Kjo përfshin:

edukimin e pacientit

pozicione që e lehtësojnë nervin

ushtrime neurodinamike të lehta

menaxhim të dhimbjes

2️⃣ Stadiumi mesatar
Kur simptomat fillojnë të stabilizohen, fokusi kalon në:

mobilizime neurodinamike më progresive

terapi manuale për shtyllën cervikale

ushtrime specifike për stabilizim të qafës dhe shpatullave

rikthim gradual të lëvizjes

3️⃣ Stadiumi afatgjatë
Në këtë fazë synohet:

forcimi i muskujve lokalë stabilizues

rritja e forcës globale

përmirësimi i kapacitetit fizik dhe funksional

rikthimi i plotë në aktivitetet e përditshme dhe sport.

✔️ Monitorimi i vazhdueshëm i simptomave dhe progresit është çelësi për një rikuperim të sigurt dhe të qëndrueshëm.

Trajtimi i strukturuar dhe i bazuar në evidencë ndihmon jo vetëm në uljen e dhimbjes, por edhe në parandalimin e rikthimit të problemit.

05/05/2026

Dhimbja radikulare lumbale nuk është një dhimbje e zakonshme e shpinës.

Në shumicën e rasteve ajo lidhet me irritimin ose kompresionin e rrënjës nervore, si p.sh. tek Dhimbja Radikulare Lumbare që shpesh shkaktohet nga Hernia Diskale Lumbare.

Për këtë arsye, trajtimet klasike si:

• anti-inflamatorët (p.sh. Ibuprofen ose Diclofenac)
• elektro-terapia (TENS, ultrasound)

shpesh japin vetëm lehtësim të përkohshëm, sepse nuk adresojnë mekanizmin kryesor të dhimbjes.

Dhimbja radikulare është shpesh dhimbje neuropatike (Neuropathic Pain), prandaj në disa raste përdoren medikamente që ndikojnë drejtpërdrejt në sistemin nervor si:

• Gabapentin
• Pregabalin

Ndërkohë, trajtimi fizioterapeutik me Orthopaedic Manual Physical Therapy, bazuar në parimet e Maitland Concept, synon:

✔ reduktimin e ngarkesës mbi nervin
✔ përmirësimin e lëvizjes së shtyllës kurrizore
✔ përmirësimin e neurodinamikës së nervit
✔ rikthimin gradual në funksion normal

Trajtimi efektiv kërkon të kuptohet mekanizmi i dhimbjes – jo vetëm simptomat.

24/04/2026

Burim Gjinovci, PT OMPT – Fizioterapi në standarde europiane

Burim Gjinovci është fizioterapeut me karrierë klinike dhe akademike ndërkombëtare në fushën e fizioterapisë musculoskeletore dhe terapisë manuale/manipulative.

Pas diplomimit në Fizioterapi në Prishtinë , ai fitoi përvojë klinike duke punuar me kontingjentin finlandez në kuadër të misionit paqeruajtës të NATO / Kosovo Force (KFOR).

E themeloi klinikën POSITIVE MOTION, ku praktikon fizioterapi moderne të bazuar në arsyetim klinik, evidencë shkencore dhe vlerësim të individualizuar për çdo pacient.

Ai është i trajnuar ndërkombëtarisht nga International Maitland Teachers Association (IMTA), një nga organizatat më të njohura në botë për terapinë manuale ortopedike. Aktualisht është pjesë e IMTA Teacher Training Programme, duke u përgatitur për rolin e instruktorit ndërkombëtar.

Paralelisht, ka perfunduar kualifikimin europian OMPT (Orthopaedic Manual Physical Therapy) me Deutsche Verband für Manuelle Therapie (DVMT) në Poloni.

Burim Gjinovci është gjithashtu i angazhuar në edukimin ndërkombëtar të fizioterapeutëve si asistent në kurset IMTA në vende të ndryshme të Evropës.

Fushat kryesore të ekspertizës përfshijnë:
• Çrregullimet e shtyllës kurrizore
• Menaxhimin e dhimbjes kronike
• Patologjitë ortopedike dhe traumat e gjymtyrëve
• Rehabilitimin e lëndimeve sportive

Një qasje europiane në fizioterapi – me fokus në diagnozë klinike të saktë, trajtim të personalizuar dhe rikthim optimal në funksion.

Çasja jonë është e bazuar me pacientin në qendër të vëmendjes.

A ËSHTË E RREZIKSHME DHIMBJA E SHPINËS?Kjo është pyetja më e shpeshtë që na bëjnë pacientët. Në shumicën e rasteve, përg...
25/12/2025

A ËSHTË E RREZIKSHME DHIMBJA E SHPINËS?

Kjo është pyetja më e shpeshtë që na bëjnë pacientët. Në shumicën e rasteve, përgjigjja është JO. Dhimbja e shpinës zakonisht nuk do të thotë se ka një dëmtim serioz apo “diçka të shkatërruar” në shtyllën kurrizore.

Shpesh ajo lidhet me lodhje, stres, qëndrim të keq, punë ulur ose ngarkesë të përditshme të muskujve dhe nyjave. Këto probleme janë të zakonshme dhe zakonisht përmirësohen me lëvizje të kontrolluara dhe fizioterapi.

Vetëm në raste të rralla, dhimbja e shpinës mund të jetë shenjë alarmi. Nëse dhimbja është shumë e fortë, përhapet në këmbë me mpirje ose dobësi, shoqërohet me vështirësi në ecje ose humbje të kontrollit të urinës apo feçeve, atëherë duhet vlerësim profesional.

Mesazhi kryesor është ky: dhimbja nuk do të thotë rrezik. Shpina është e fortë dhe lëvizja e saktë është pjesë e shërimit, jo armiku i tij.

Mos u frikësoni nga dhimbja e shpinës.
Informimi i saktë dhe trajtimi profesional bëjnë diferencën.

25/10/2025

Kur dhimbja s’të tregon të vërtetën!

Mashkull, 40 vjeç – IT inxhinier.
Kalon 8 ore ulur pas kompjuterit gjatë ditës, por pasion i madh për vrapim dhe hiking.
Prej 6 muajsh, dhimbje anësore në gjurin e majtë – çdo herë pas rreth 5 km vrap.
Pas ndalimit te vrapit, dhimbja zgjaste 2 orë.

🩺 Ka bërë disa seanca fizikale, pastaj disa ushtrime standarde balansi… por pa ndryshim.
Në ekzaminimin tonë në POSITIVE MOTION:

Testet aktive, pasive dhe të tejpresionit ➡️ në normë

Testet ligamentoze dhe meniskale ➡️ në normë

Gjuri? Në dukje në rregull.
Pra, problemi s’ishte aty ku kishte dhimbje.

Duke ndjekur metodologjine e Maitland Concept dhe OMPT kërkuam më thellë:
Në One Leg Stand, pacienti mezi mbante qëndrimin.
Në Step Down Test, verehet valgus kolaps i gjurit.
Në testet selektive te forces – dobësi e qartë e gluteus medius dhe maximus.

💡 Aty ishte përgjigjja.
Jo në gjurin e lodhur, por në kontrollin e zvogeluar të stabilizuesve proximal.

Programi u formulua me ushtrime aktive të selektuara, me fokus në stabilitet lateral dhe kontroll neuromuskular.

📈 Pas 6 javësh:
🏃‍♂️ Pacienti vrapon 10 km pa dhimbje, me formë dhe qëndrueshmëri më të mirë se më parë.

✨ Ky është kuptimi i vërtetë i fizioterapisë moderne:
Jo të fiksojmë simptomën, por të kuptojmë burimin.
Jo të “rregullojmë” gjurin, por të balancojmë gjithë sistemin e lëvizjes.
Fizioterapeuti nuk është “ai që shëron”,
por ai që udhëzon trupin të rifitojë inteligjencën e vet lëvizëse.

🧠 Dhimbja është vetëm një mesazh.
Detyra jonë është ta lexojmë drejt.

04/10/2025

🌸 Muaji Rozë na kujton se forca fillon me kujdesin për veten. Bëj kontrollin, mbro shëndetin tënd! 🎀

🧠 Rëndësia e nervit sinuvertebral në dhimbjen diskogjenike lumbaleNervi sinuvertebral është një strukturë delikate që lu...
17/08/2025

🧠 Rëndësia e nervit sinuvertebral në dhimbjen diskogjenike lumbale

Nervi sinuvertebral është një strukturë delikate që luan rol kyç në perceptimin e dhimbjes nga disku intervertebral. Ky nerv inervon pjesët e jashtme të anulus fibrosus, ligamentet dhe strukturat e tjera të kolonës, duke e bërë një “sensor të alarmit” për irritimin mekanik ose inflamator.

Kur një disk lumbal pëson dëmtim apo degjenerim, nervi sinuvertebral transmeton sinjale dhimbjeje drejt sistemit nervor qendror. Kjo shpesh manifestohet si dhimbje lokale në shpinë, por edhe si referim i dhimbjes, parestezi ose presion në këmbë, për shkak të mekanizmave të ndërlikuar të konvergjencës nervore në palcën kurrizore.

Kjo shpjegon pse pacientët me dhimbje diskogjenike shpesh përjetojnë simptoma që shtrihen deri në gjymtyrët e poshtme, edhe në mungesë të kompresionit direkt të rrënjës nervore.

Kuptimi i rolit të nervit sinuvertebral është thelbësor për diagnostikimin dhe menaxhimin modern të dhimbjes diskogjenike, duke na orientuar drejt qasjeve më precize terapeutike dhe manovrave manuale të kujdesshme.

🖐️ A vuani nga mpirjet e gishtave?Nëse ndjeni shpesh mpirje, ndjesi shpimi gjilpërash apo djegie në dorë – sidomos te gi...
03/08/2025

🖐️ A vuani nga mpirjet e gishtave?

Nëse ndjeni shpesh mpirje, ndjesi shpimi gjilpërash apo djegie në dorë – sidomos te gishti i madh, treguesi dhe i mesmi – mund të bëhet fjalë për Sindromën e Tunelit Karpal.
Kjo ndodh kur një nerv i quajtur nervi median ngjeshet në nivelin e kyçit të dorës, duke shkaktuar shqetësime që mund të ndikojnë jetën e përditshme.

Shenjat më të zakonshme përfshijnë mpirje që ju zgjon natën, dobësi në dorë apo vështirësi në kapjen e objekteve. Shpesh ndodh edhe përhapje e dhimbjes drejt parakrahut apo bërrylit.

Diagnoza vendoset përmes vlerësimit klinik, testeve të thjeshta dhe ndonjëherë me ndihmën e ekzaminimeve si EMG. Por më e rëndësishmja është
të kuptohen shkaqet funksionale, jo vetëm nervi në dorë, por edhe ndikimet që mund të vijnë nga qafa apo mënyra e punës që bëni çdo ditë.

Në shumë raste, sindroma mund të trajtohet pa operacion.
Fizioterapia OMPT (Orthopaedic Musculoskeletal Physiotherapy )ofron trajtim efektiv me ushtrime specifike, teknika të Mobilizimit nervor (neurodinamika), trajtim të kyçit, qafës dhe mënyrës së lëvizjes suaj. Me qasje individuale dhe të bazuar në evidencë, pa receta standarde që u përshtaten të gjithëve.

Sa më herët që filloni trajtimin, aq më të larta janë gjasat për shërim të plotë pa pasur nevojë për ndërhyrje kirurgjikale.

💡 Mos e injoroni mpirjen – ajo është një shenjë që trupi juaj po kërkon ndihmë.

🚩A keni dhimbje mesi? A dini se jo gjithmonë shkaku është “disku”?Dhimbja e mesit është një nga arsyet më të zakonshme p...
02/08/2025

🚩A keni dhimbje mesi? A dini se jo gjithmonë shkaku është “disku”?

Dhimbja e mesit është një nga arsyet më të zakonshme pse njerëzit kërkojnë ndihmë. Por jo çdo dhimbje vjen nga disku. Ndonjëherë janë nyjet faset, ndonjëherë muskujt, ose ndonjëherë vetë sistemi nervor që është sensibilizuar.

Shumë pacientë vijnë me rezonancën magnetike në dorë dhe mendojnë se gjithçka shpjegohet nga një “hernie”. Por e vërteta është më komplekse. Vetëm një vlerësim klinik i thelluar mund të tregojë me saktësi se cila strukturë është përgjegjëse për dhimbjen.

Pikërisht këtu hyn në lojë OMPT – Fizioterapia Muskuloskeletore Ortopedike. Ky është një drejtim i specializuar i fizioterapisë që analizon lëvizjen, sjelljen e dhimbjes dhe të gjithë trupin tuaj në kontekst. Ne nuk trajtojmë një diagnozë nga MRI – por ju, si individ.

Në Positive Motion, punojmë me Konceptin Maitland, një qasje ndërkombëtare që i jep rëndësi të madhe historisë tuaj, reagimeve gjatë trajtimit dhe progresit të vërtetë në çdo seancë. Çdo lëvizje, test dhe terapi që aplikojmë bazohet në atë që trupi juaj na tregon në kohë reale.

Dhimbja nuk është thjesht një simptomë – është një histori që duhet dëgjuar dhe kuptuar. Nëse edhe ju jeni lodhur nga trajtime të përgjithshme protokollare dhe pa rezultat, është koha për të provuar një qasje të menduar dhe të personalizuar.

Positive Motion është vendi ku fizioterapia nuk është rastësi, por logjikë klinike e bazuar në prova dhe përvojë.

📍Na kontaktoni për një vlerësim OMPT. Dhimbja juaj e meriton një trajtim të saktë dhe me përkushtim.

A ju dhemb qafa pas orësh të gjata në tavolinë?Puna në zyrë, qëndrimi i zgjatur para kompjuterit dhe stresi i përditshëm...
01/08/2025

A ju dhemb qafa pas orësh të gjata në tavolinë?
Puna në zyrë, qëndrimi i zgjatur para kompjuterit dhe stresi i përditshëm shpesh çojnë në tension dhe ngurtësi në zonën e qafës dhe shpatullave.

Për ta parandaluar këtë, provoni të ndryshoni pozicionin tuaj gjatë ditës, rregulloni lartësinë e ekranit që të jetë në nivelin e syve dhe shmangni mbajtjen e telefonit mes shpatullës dhe vesh*t. Edhe disa lëvizje të lehta çdo orë ndihmojnë në shkarkimin e tensionit.

Shpesh, dhimbja e përsëritur në qafë nuk është thjesht nga lodhja. Mund të jetë një reagim i sistemit nervor dhe muskulor që po kërkon ndihmë.

Në raste kur dhimbja bëhet e përditshme, konsultimi me një fizioterapeut të specializuar në terapi manuale (OMPT) mund të jetë çelësi për të kuptuar burimin dhe për të trajtuar në mënyrë të sigurt dhe të personalizuar problemin.

Address

Pristina

Opening Hours

Monday 08:00 - 19:00
Tuesday 08:00 - 19:00
Wednesday 08:00 - 19:00
Thursday 08:00 - 19:00
Friday 08:00 - 19:00
Saturday 08:00 - 13:00

Website

Alerts

Be the first to know and let us send you an email when Positive Motion posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Positive Motion:

Shortcuts

Share

Category