14/03/2022
.. بقول لمريض سكر علي انسولين عندك جهاز سكر عشان تسجل قياسات.. بسرعة رد ايوه معايا جهاز سكر طبعا.. انت عارف يادكتور انا اشتريتله ليه.. بصتله كدا عشان تتابع سكرك َوجرعات الانسولين.. قالي لا ابدا.. عشان خفت لان اخويا كان اكبر مني عنده سكر فلاح جي من الغيط عرقان وبيرتعش وعينه مزغللة وماكانش عنده جهاز سكر.. افتكر نفسه سكره عالي فحقن جرعة انسولين دخل غيبوبة هبوط شديدة واتوفي بعدها.. عشان كدا اشتريت جهاز سكر ولما بحس باي اعراض تعب بقيس واعرف سكري عالي ولا واطي.. انا في نفس اللحظة افتكرت حالة جاتلنا الاستقبال وكنت يومها مع زمايلي الرعاية قاعدين سوا في اوضتنا في الاطفال في النوبتشية.. بلغوهم ان في حالة arrest توقف عضلة القلب معاهم في الاستقبال فنزلت معاهم يمكن اساعد بحاجة.. نزلنا لقينا طبيب الاستقبال بيشتغل عليها انعاش قلب وهو بيقولنا ان الحالة وصلت متوفية اصلا بس هو اشتغل وبلغنا عشان مراعاة لنفسية زوجها اللي كان واصل معاها ومنهار كل دا طبعا بمصطلحات طبية.. المهم بعد ماكملنا شغل لعدة دقايق اعلنا الوفاة... الزوج اتحول ونزل سب في الاطباء بلا استثناء.. فبعدين زميل ليا اتدخل كدا وقاله هو قبل ماتيجوا ايه اللي حصل.. بعصبية ابدا لقتها بتعرق وترتعش وبتقول ضربات قلبها سريعة ومصدعة وعينها مزغللة اه والله بالظبط كدا قال دا.. بعدين كدا كلنا بصينا له ومتوقعين اللي هيقوله.. قيستلها سكرها.. لا انا ماعنديش جهاز بس قولت اكيد يعني سكرها عالي... فعملت ايه بقي قول بس.. لا ابدا جبت قلم الانسولين بتاعها وحقنتها عشرين وحدة.. لحد هنا وكلنا اتصعقنا.. لو سمحت ياميس الممرضة اللي معانا كلمي السويتش وهاتي الامن في محضر هنا.. الواضح انه مش عامل كدا متعمد والا ماكانش حكي بس مافيش نوايا انت بتعمل محضر وجهات التحقيق بتشوف.. هو للاسف المريضة كانت في نوبة هبوط سكر وهو حقنها انسولين دخلها غيبوبة.. للاسف القصتين حصلوا.. نتعلم منهم حاجتين:
اي مريض سكر بياخد انسولين او حتي لو مابياخدش واكثر عرضة لارتفاعات وانخفاضات سكر لازم يبقي عنده جهاز قياس سكر بالمنزل.. لازم تعرف المريض اعراض هيوط السكر وارتفاعه وخصوصا الهبوط وهي:
عرق غزير بارد
رعشة بالاطراف
زغللة بالعين
ضربات قلب سريعة
رفرفة بالصدر
بهتان بالشفايف
صداع متزايد
شعور بالجوع
تغيير حاد مفاجئ في المزاج
قلة تركيز وضعف ادراك حسي
احيانا التوعية لا تقل اهمية عن العلاج.
#الأخوة للمستلزمات الطبية.
متوفر عندهم جهاز سكر سهل الاستخدام
ومتوفر ٢٥ شريط مع الجهاز
ومتوفر أيضاً شرايطة ف أي وقت
***
لو حصل قدام الناس حاجه زى كده سواء في الشارع او في البيت يتعاملوا على انه هبوط ف مستوي السكر لان حتى لو كان ارتفاع ف مستوي السكر وأخد أى حاجة حلوة مش هيضره لحد ما يوصل لجهة طبية
يتشخيص صح.
