Esther Tsui

Esther Tsui 定期分享健康資訊與物理治療知識,一同改變健康,提高生活質素。

25/11/2022

https://www.facebook.com/profile.php?id=100087243909329

由於事業上有新發展,我會開物理治療診所,邀請各位到我的新專頁瀏覽及查看最新活動及分享。

專注痛症治療及教學,旨在向普羅大眾宣揚復康、保健及預防的概念,改善身心靈全人健康,經驗豐盛人生。

呢輪我忙緊咩呢?11月忙教書嘅日子終於過咗,12月梗係開始忙做case同埋好想好想開工作坊。我好期待12月18日嘅Healing Faith 聖誕慈善籌款嘉年華,因為今次受邀可以分享同中醫芳療有關嘅題目,真係又新又有挑戰性!一直以來,我相信...
08/12/2021

呢輪我忙緊咩呢?11月忙教書嘅日子終於過咗,12月梗係開始忙做case同埋好想好想開工作坊。
我好期待12月18日嘅Healing Faith 聖誕慈善籌款嘉年華,因為今次受邀可以分享同中醫芳療有關嘅題目,真係又新又有挑戰性!
一直以來,我相信好多人都已經用緊中醫養生嘅角度去用精油,例如有d精油可以去濕,祛風,補腎,或者配合穴位按摩去使用,例如按摩風池穴改頭頸不適。
但我係一個打爛沙盆璺到㞘(嘩,上維基百科查嘅,原來咁寫)嘅人,我都有睇到幾本完整d又高質d中醫芳療書藉,畢竟閱讀對象係普通人,唔係學術書藉,我其中最想研習嘅方向真係未有清楚解釋。我今次嘅講座會分享到一些我對中醫芳療結合嘅睇法,點樣認識自己體質和從身體狀況簡單評估要改善嘅健康問題,最大挑戰係30分鐘要講哂,我平時教書或工作坊起碼係1-2小時先放break,可以一日講足8小時,希望今次可以傾我所能,將最精華嘅心得同大家分享。
我知道仲有好多其他精彩講座,好多唔同題目同講者,仲有工作坊可以DIY,真係強烈建議大家快d報名參加,好多時係大家唔知個嘉年華正成咁,過咗先後悔冇去到,所以不厭其煩再介紹一次,唔去會堅係走寶。

Oilysis

聖誕慈善籌款嘉年華2021

今次Oilysis 主辦Christmas party活動是為Healing Faith籌款. 除了慶祝聖誕節外,亦想帶出聖誕節背後真正意義 ~愛及關心世界.

預先購買入場費 $30/位
Walk-in 入埸費$40/位
每位入埸即獲贈玻璃小鳥造型擴香吊飾.

名額有限,請盡快報名!

如參加DIY工作坊,亦請先在以下Eventbrite 連結登記留位,到現場時才付現金尾數. 不設找贖.

https://www.eventbrite.com/e/oilysis-2021-tickets-216794918437

當日講座及節目:

・中醫穴位芳療, 檢查脊骨及给予一些健康建議.

時間:12:30
主講者:Esther Tsui

・ 身體伸展活動,如何利用營養補充劑舒緩痛症

時間:14:30
主講者:Janice Cho

・家庭正向教養講座

時間:16:00

主講者: Eria Li, 香港大學博士, 自閉症聯盟榮譽顧問

・華德福教育分享

時間:17:00

主講者:Emma Tong

・DIY擴香杯工作坊, 費用:$140/位
・DIY油燈工作坊, 費用:$160/位
・義賣攤位
・小食攤位
・領袖嘉許
・抽獎

是次活動只收現金,不設找贖. 收益全數撥捐 Healing Faith.

Oilysis 聖誕慈善籌款嘉年華2021

上次係火炭開完一班,反應非常好呢!參加咗嘅朋友仔除咗學到不少關於舒緩痛症嘅原理,還體驗不同的按摩手法,歡迎大家繼續踴躍支持!今次係荔枝角舉行,應該更方便大家,好有可能會一日內就滿額,所以大家報名從速,萬勿錯過!下一次再開班可能要等到12月啦...
29/09/2021

上次係火炭開完一班,反應非常好呢!參加咗嘅朋友仔除咗學到不少關於舒緩痛症嘅原理,還體驗不同的按摩手法,歡迎大家繼續踴躍支持!
今次係荔枝角舉行,應該更方便大家,好有可能會一日內就滿額,所以大家報名從速,萬勿錯過!
下一次再開班可能要等到12月啦,Esther真係太忙,希望今次見了你啦!
報名連結:
https://forms.gle/u65bz9xrSCXz59fQ8

最新消息!!!!!!!
現已滿額,感謝大家支持,如想留低聯絡資料,方便安排以後的課程,可以照入此link登記留waiting list。

嘩嘩嘩,Esther終於開workshop!第一炮先同大家玩個關於按摩嘅工作坊,我會分享點樣運用精油於穴位或激痛點進行按摩。理論與實踐並重,最緊要Esther會俾大家體驗下精油按摩,等大家輕易掌握,再循序漸進達到學以致用嘅效果。此工作坊只限...
14/09/2021

嘩嘩嘩,Esther終於開workshop!第一炮先同大家玩個關於按摩嘅工作坊,我會分享點樣運用精油於穴位或激痛點進行按摩。理論與實踐並重,最緊要Esther會俾大家體驗下精油按摩,等大家輕易掌握,再循序漸進達到學以致用嘅效果。
此工作坊只限女性,抱歉一眾男士要等等先呀!
日期:2021年9月18日(星期六)
時間:上午10:00 - 12:00
地點:CCK
地址:火炭坳背灣街2-12號威力工業中心11樓G3室
收費:免費 (Oilysis member)
$30 (Non Oilysis member)
名額有限,報名從速!
報名連結:
https://forms.gle/RJRoax5QdoT2XFta9

我近來一直好想分享一系列嘅精油養生知識和開實體班一齊玩穴位按摩,DIY同埋精油放題,可惜剛收到消息可能已打爆嚟緊幾個月嘅schedule,有時間有精神一定同大家玩多d,分享多d。未開到班,不如出下post!你地鍾唔鍾意Ylang Ylang...
01/09/2021

我近來一直好想分享一系列嘅精油養生知識和開實體班一齊玩穴位按摩,DIY同埋精油放題,可惜剛收到消息可能已打爆嚟緊幾個月嘅schedule,有時間有精神一定同大家玩多d,分享多d。
未開到班,不如出下post!
你地鍾唔鍾意Ylang Ylang, 依蘭依蘭?
曾幾何時,好多花香味嘅精油對我嚟講都係臭嘅,因為我覺得太「恭」鼻,記得第一次加Joy落擴香頸鍊,我係聞到Wing 咗,後來知道因為佢頻率太高,個時長期頻率低嘅我係頂唔順佢一嘢就提升咁多能量嘅,所以以後我都係淺聞,亦可以加入較大分子的精油減慢散發速度,聞落就會更充滿層次同平衡。
點解無啦啦會提起呢支油?
咁啱有DL問起有咩油可以幫一幫個💗?當然我地係從保健角度去探討,所以就分享咗一些按壓心臟反射區嘅應用,亦都講起依蘭依蘭呢種最佳配搭。
點解佢咁得?不妨從中醫養生角度去了解。
依蘭依蘭最叻疏肝解鬱,寧心安神和滋陰補腎。一聽呢三樣嘢就知道係女人恩物,等我逐樣講下先!
疏肝解鬱喎,仲唔係一眾容易發老脾嘅人最需要嘅,有時我地發到火出嚟,會好容易太激動,傷身,但死忍住唔發,鬱埋鬱埋都好大鑊架,呢個情況就係肝鬱。唔好睇少佢,佢唔單止係情緒差咁簡單,係會導致肝功能下降,d氣運行得唔好就會橫溢,亦即係打橫行頂住個胃,於是慢慢脾臟(中醫個個)都會出問題,例如胃裡面嘅氣同其他嘢想沖上嚟,亦唔想食嘢,因為落唔到隔咁款。
所以疏肝係好重要,解到鬱之餘仲可以改善肝功能,即係連解毒,調理血氣都改善到,如果每個月姨媽唔靚女,暗淡,量少,就好需要搞搞個肝,呢支正嘢就最啱改善呢方面,因為從西方芳療角度,佢最叻平衡賀爾蒙,到咁上下歲數,就唔係好夠分泌,可以用佢平衡下。
寧心安神就係另一個大好處,有冇人發現瞓唔著係因為成晚諗嘢,好似個腦叫唔停,心神不寧咁?
其實中醫角度睇心經係主神明,亦即是同我們的思想和精神好有關係。如果我們發現專注唔到,精神不足,甚至心慌,心悸,個心都幾弱架啦! 我以前真係有段時間心血少咁,亦都有醫生診斷嘅心瓣問題導致我心口成日唔舒服。不過西醫係冇俾藥我食,只係建議我避免情緒太激動和劇烈運動以免血液倒流引起心肌炎風險。
咁即係平日養生對於我嚟講係好重要,依蘭依蘭可以搽係心經和心口位置,有助寧心安神,真係會即刻氣定神閒好多。我鍾意搽係反射區,做埋vitaflex,可以用埋壓電原理將精油份子送入身體,加強功效。呢個vitaflex technique對於做開raindrop 嘅朋友一定唔會陌生,又簡單又有效,用係唔同嘅反射區都可以支援唔同臟器,正到爆。我特登拍咗條片示範係左手心臟反射區做vitaflex,大家可以參考下。
最後滋陰補腎,係保持青春,有女性魅力嘅關鍵。唔好諗住幾廿歲仲邊有得補,其實腎臟係好需要活到老,補到老,同我地整個人嘅元氣,精神好有關係。
腎陰虛嘅話會好容易導致上火,潮熱,如果剩係用涼嘢清熱會愈嚟愈虛,所以要滋陰去抑制個陽氣唔好外洩和向上走,可以減少好多頭赤和發熱嘅狀況。長期捱夜人士必不可缺少。
要老都要老得健康,我成日聽見d老友記好驚長命,因為驚好多病要醫,要捱,又唔死得。但如果係長命得嚟,日日精精神神,食得,瞓得,痾得,又開心輕鬆,邊個唔想?所以得閒攞支Ylang Ylang 搽下,幫你身心舒暢,覺得充滿力量又可以再搏殺過!

https://forms.gle/7Joju9p3hDGWa67u6我真係好鍾意幫人按摩,亦好鍾意藉著我的一對手,不需任何工具協助,讓對方從壓力中得釋放,繃緊的地方可以放鬆,痛楚可以舒緩。要做到啱啱好的力度和深度,手勢不是最重要,其實具備...
06/05/2021

https://forms.gle/7Joju9p3hDGWa67u6

我真係好鍾意幫人按摩,亦好鍾意藉著我的一對手,不需任何工具協助,讓對方從壓力中得釋放,繃緊的地方可以放鬆,痛楚可以舒緩。要做到啱啱好的力度和深度,手勢不是最重要,其實具備敏銳的手感和了解對方的痛楚根源更重要。點都要學少少人體結構,按落去你先知道係咩組織有事,再配合相應的按摩手法,參加者於兩小時的工作坊可以體驗到按摩的力度和方法,也能練習到幫人按摩和對自己做的按摩手法,誠意邀請你來體驗不一樣的按摩!

屯門
日期:2021年5月20日
時間:晚上7:30 - 9:30

荔枝角
日期:2021年5月29日
時間:下午4:00 - 6:00

收費:$150
每位參加者均獲贈肌肉舒緩按摩油1支(10ml)

https://forms.gle/TLuMiTzV2TC9HGVy8之前有人問我會唔會教拉筋,我只係識跟據解剖學和生理學原理去做,唔係好識市面上好花巧又好高難度的動作,因為我的出發點還是舒緩痛楚,改善肌肉長度和平衡,當然配合埋肌力訓練運動...
06/05/2021

https://forms.gle/TLuMiTzV2TC9HGVy8

之前有人問我會唔會教拉筋,我只係識跟據解剖學和生理學原理去做,唔係好識市面上好花巧又好高難度的動作,因為我的出發點還是舒緩痛楚,改善肌肉長度和平衡,當然配合埋肌力訓練運動、活動關節運動會更全面。
今次就分享拉筋先,我會先幫參加者檢查,指導個別針對性的動作以達到改善健康的目的,所以人少少最多兩人一班,一齊玩下放鬆下。

荔枝角
第一班
日期:2021年5月25日
時間:上午10:00 - 11:30

第二班
日期:2021年5月29日
時間:晚上7:00 - 8:30

屯門
日期:2021年5月27日
時間:晚上7:30 - 9:00

收費:$200
每位參加者均獲贈肌肉舒緩按摩油1支(10ml)

https://forms.gle/pie8oQQWYs3bJKh56Esther最愛的Raindrop Demo Class又來了,除咗用足成套油倣齊每個step,仲會仔細講解同埋教大家點樣檢查脊椎,觀察背部如何反映各種健康問題,總之一邊...
06/05/2021

https://forms.gle/pie8oQQWYs3bJKh56

Esther最愛的Raindrop Demo Class又來了,除咗用足成套油倣齊每個step,仲會仔細講解同埋教大家點樣檢查脊椎,觀察背部如何反映各種健康問題,總之一邊做就一邊分享實用養生資訊!
名額上限4個咋,我未正式宣傳已經火速搵到model啦,當晚參加者均可獲得Raindrop Technique6折劵一張,冇期限,歡迎預約體驗。

止痛三寶膏肩頸刮痧班係呢幾個月已經開了5班,四月一於唔好停,再加開4班!報名連結:https://forms.gle/sTA4QyGEqVLrQhSj7同大家分享下我開工作坊的感想:三月已經開到第4班,好開心,雖然大家都係第一次見,但互動非...
25/03/2021

止痛三寶膏肩頸刮痧班係呢幾個月已經開了5班,四月一於唔好停,再加開4班!

報名連結:
https://forms.gle/sTA4QyGEqVLrQhSj7

同大家分享下我開工作坊的感想:
三月已經開到第4班,好開心,雖然大家都係第一次見,但互動非常熱烈同積極。

幾位不同年齡的女士,刮出嚟嘅痧都有唔同情況,亦反映住身體健康方面需要處理的問題。出於私隱,我冇影佢地嘅相片,但佢地自己有影相同拍片記錄。

其中有人d火紅咁色,出得勁快,亦係檢查脊柱時反應明顯脊柱側彎,平時夜晚也夜瞓並心緒不靈,常常瞓唔著,所以幫佢清咁d火,可以讓佢回復平靜,夜晚睡眠質素改善先有真正的休息。

另一位有明顯富貴包,肌肉繃緊,刮痧後腫脹消除,肌肉放鬆,頸部活動幅度改善,正!

另一位刮頸時發現頭部好阻塞加上局部腫脹,先刮一邊對比即刻發現突起的部分平坦返,個個好似睇魔術咁,快到飛起!

仲有一位未刮之前見佢上背好多角質層,原來係好好笑嘅原因,但唔方便講啦,總之刮完鬆好多,d膏刮出嚟係灰黑色,起哂死皮,換膚一樣。

我都估唔到今次開刮痧班咁多收獲,無論刮頸,刮頭,都好有益處,大家都好enjoy,所以大家見到poster一出快D報名啦,應該好快又爆班!

講起精油養生,今次介紹下德國洋金菊。屬性:五行屬性:木陰陽屬性:陰歸經:肝經、膽經四氣:寒五味:苦性味:辛我呢d木型人,成日都肝鬱咁款,即係燥底,條氣唔順咁,睇咩都唔順眼。(之前我真係成日都嬲爆爆,尤其每月個幾日姨媽到,真係特別好火。洋金菊...
25/03/2021

講起精油養生,今次介紹下德國洋金菊。
屬性:
五行屬性:木
陰陽屬性:陰
歸經:肝經、膽經
四氣:寒
五味:苦
性味:辛

我呢d木型人,成日都肝鬱咁款,即係燥底,條氣唔順咁,睇咩都唔順眼。(之前我真係成日都嬲爆爆,尤其每月個幾日姨媽到,真係特別好火。
洋金菊類都係特別適合疏肝降火。除咗降火,就係可以加強肝膽功能,肝膽要嚟做咩?解毒囉,呢對好兄弟超負荷嘅話,就會好容易頭赤,睇嘢矇查查,耳仔「溫溫聲」,口苦口乾,瞓下又醒下,成晚發夢發到冇瞓過咁,vv好黃,我試過個頭真係好似就快爆咁,辛苦到呢!
可以點搽油?
搽肝位,或肝經,尤其可以在太衝穴按摩,我直程落埋針添呀!我以前試過做過手術係大脾內側,傷咗肝經,腎經,所以姨媽唔肯嚟,好大鑊,於是自己針返條肝經,姨媽第2日就嚟返,仲好好面色,又好順暢,冇結塊,你話女人唔疏肝補腎點得吖。
所以唔識針灸唔緊要,日常用下德金或羅金搽落肝位,肝經,三陰交,特別滋陰,可以配埋柑橘類精油,例如檸檬,青檸,甜橙或者佛手柑,香到呢!老公發現你火氣細咗,即刻笑返哂。
其實細路仔都好啱用,尤其呢d天氣,好容易一撻二撻,R到死死下,所以成日見人溝lotion都會落德金,整個藍色滋潤lotion,落埋薰衣草,乳香,茶樹,苦配巴個d都好夾,涼涼地,即刻舒服哂。
啱啱收到電話,又有人呢輪個背脊發到唔清唔楚,我又係時候開工打body butter,加埋德金就啱啦!

搵圖個陣醒起呢個80後嘅童年回憶,婚紗小天使, Daisy,都係菊啦,放係度俾大家懷舊下!

#精油養生系列
#德國洋金菊

今次影全景,係咪大好多,執過哂d位,而家好闊落。
23/03/2021

今次影全景,係咪大好多,執過哂d位,而家好闊落。

Address

荔枝角

Telephone

+85262129393

Website

Alerts

Be the first to know and let us send you an email when Esther Tsui posts news and promotions. Your email address will not be used for any other purpose, and you can unsubscribe at any time.

  • Want your business to be the top-listed Health & Beauty Business?

Share