د ننګرهار خوړو،درملو او صحي خدماتو څارنه او پلټنه

10/05/2026

10/05/2026

سرخرود او خوګیاڼو ولسوالیو کې ۶ بابه خصوصي کلینیکونه مهرلاک شول.
شنبه ۱۴۰۵/۰۲/۱۹

د ننګرهار عامې روغتیا ریاست د څارنې او پلټنې امریت،
د روغتیایي قوانینو د تطبیق او بررسۍ مدير ډاکټر قدرت الله ساحل او ټیم یې د جلال اباد خوګیانو ولسوالۍ د روغتیا مسول قاري جعفر روحاني سره په ګډه د خوګیانو په وزیرو او د سرخرود ولسوالۍ په یو شمیر سیمو کې د خصوصي کلینیکونو څخه څارنه ترسره کړه.

د څارنې په پایله کې نوموړي ټیم د خوکیاڼو په وزیرو کې ۲ بابه او په سرخرود کې ۴ بابه خپل سري خیریه کلینکونه د غیر قانوني فعالیت له امله مُهرلاک کړل.

06/05/2026

زمونږ څارني اوپلټنی دولس روغتیا لپاره دوام لری

06/05/2026

ولس روغتيا ساتنه مو لومړيتوب دی

03/05/2026

: جلال‌آباد ښار، اوومه ناحيه کي د درملیزو تاسیساتو څخه نظارت ترسره شو.
د ننګرهار ولایت د عامې روغتیا ریاست
د خوړو، درملو او صحي خدماتو د څارنې او پلټنې آمریت
د درملو او صحي محصولاتو عمومي مدیریت
نېټه: ۱۴۰۵/۲/۱۲ – شنبه

د ننګرهار ولایت د عامې روغتیا ریاست اړوند د درملو او صحي محصولاتو عمومي مدیریت نظارتي هئیت له لوري د جلال‌آباد ښار د اوومې ناحیې په مربوطاتو کې له درملیزو تاسیساتو څخه نظارت ترسره شو.
په دې لړ کې له لاندې تاسیساتو څخه لیدنه وشوه:
(۱) باب درملو تصدۍ
(۶) بابه پرچون درملو پلورنځي
د نظارت پر مهال لاندې موارد وڅارل شول:
د درملو د نرخونو کنټرول او د ټاکل شوو لستونو رعایت
د نظافت او صفایۍ وضعیت
د باکیفیته او معیاري درملو موجودیت او عرضه
د بې‌کیفیته او غیر معیاري درملو مخنیوی
د مسوول فني شخص (فارمسیست) موجودیت
د ارزونې په پایله کې یو شمېر نیمګړتیاوې په نښه شوې، چې د حل په موخه اړوندو مسؤلینو ته لازمې سپارښتنې وشوې او له هغوی څخه لیکلی تعهد واخیستل شو تر څو خپلې چارې د عامې روغتیا ریاست د نافذه قوانینو او اصولو سره سمې عیارې کړي.
په پای کې ټینګار وشو چې د عامې روغتیا د ساتنې په موخه باید ټول درملیز تاسیسات لازم اصول او مقررات په جدي توګه مراعات کړي.
په درنښت
د نظارت او پلټنې آمریت
د درملو او صحي محصولاتو عمومي مدیریت

02/05/2026

پچيراګام ولسوالۍ روغتون څخه د ملي نظارتي چېک ليست مطابق نظارت ترسره شو.

1405/2/12
د عامې روغتیا ریاست د نظارت او بازرسی آمریت ټیم، د MHCO مؤسسې له سپروایزر سره په ګډه، د پچیراګام ولسوالۍ روغتون (DH) څخه د ملي نظارتي چک‌لېست له مخې څارنه او پلټنه ترسره کړه.
په دې بهیر کې موجودې ستونزې په نښه شوې او د حل په موخه مسؤلینو ته لازمې لارښوونې او سپارښتنې وړاندې شوې. همداراز، ټولې موندنې به د حل لپاره د ریاست مقام سره په لیکلې بڼه شریکې او وړاندې شي.

02/05/2026

جلال آباد ښار ډنډ غاړه کې يو مصالحه جاتو دوکان دبي کیفیته او تاریخ تیر موادو پلور په وجه مهر او وتړل شو.

ننګرهار عامې روغتیا ریاست د خوراکي تاسیساتو څارنه
د عامې روغتیا ریاست د څار او پلټنې آمریت ټیم د نظارتي پلان له مخې د جلال‌آباد ښار دويمې ناحیې کې له (۹) بابه د مصالحه‌جاتو او خوراکي توکو پلورنځیو څخه څارنه ترسره کړه.
پلورونکو ته د حفظ‌الصحې، د خوراکي توکو د ساتنې معیارونو، او قانوني جوازونو په اړه لازمې لارښوونې وشوې.
یو پلورنځی د تاریخ‌تېرو او بې‌کیفیته توکو له امله مهر لاک شو، او شاوخوا (۳۵) کیلوګرامه خراب مواد راټول او د له منځه وړلو لپاره انتقال شول.
یو شمېر نور توکي د کیفیت د ارزونې تر بشپړېدو پورې قرنطین شول.
عامې روغتیا ریاست د خلکو د روغتیا خوندیتوب لپاره خپل نظارتونه دوامدار ساتي.

29/04/2026

د جلال اباد ښار دويمې ناحیې کې د خوراکي توکو پلورنځیو او
توليدي فابریکې څارنه ترسره شوه.

📅 چهارشنبه ۱۴۰۵/۲/۹ – ۱۴۴۷/۱۱/۱۱
د ننګرهار ولایت د عامې روغتیا ریاست د څار او پلټنې آمریت د خوراکي بنسټونو د څارنې ټیم، د نظارتي پلان له مخې د ښار د دويمې ناحیې په مربوطاتو کې له (۱۲) بابه د خوراکي توکو پلورنځیو او (۱) باب د خوراکي توکو تولیدي فابریکې څخه د چک لېست مطابق څارنه او پلټنه ترسره کړه.
د څارنې پر مهال د خوراکي توکو پلورونکو او د تولیدي فابریکې مسؤلینو ته د غیرمجازو او بې‌کیفیته توکو د نه پلورلو، د خوراکي توکو د ساتنې معیارونو، حفظ الصحې مراعات، د لیبل موجودیت، د صحت کارتونو جوړولو، د یونيفورم، دستکشو او ماسکونو استعمال، د FIFO/FEFO میتودونو تطبیق او نورو اړینو برخو کې لازمې سپارښتنې او معلومات ورکړل شول.
همدارنګه د یادې څارنې په ترڅ کې شاوخوا ۵ کیلوګرامه تاریخ‌تېر او بې‌کیفیته خوراکي توکي او مشروبات راټول او د له‌منځه وړلو په موخه عمومي سټاک ته انتقال شول.

29/04/2026

په کوز کونړ ولسوالۍ کې د خصوصي روغتیايي مرکزونو څارنه ترسره شوه.

📅 چهارشنبه ۱۴۰۵/۲/۹
د ننګرهار د عامې روغتیا ریاست د نظارت او بازرسی آمریت اړوند د خصوصي سکتور د څارنې او پلټنې ټیم د کوز کونړ ولسوالۍ په مربوطاتو کې له (۳) باب خیریه کلینیکونو، (۱) باب د غاښونو کلینیک، او (۳) باب لابراتوارونو څخه څارنه او پلټنه ترسره کړه.
د یادې څارنې په ترڅ کې موجودې ستونزې او نیمګړتیاوې په نښه شوې، مسؤلینو ته لازمې سپارښتنې وشوې، او د حل په موخه ترې تعهدات واخیستل شول.

29/04/2026

د کوزکنړ ولسوالۍ کی درمليز تاسيساتو څارنې اوپلټنی په نتيجه کي ۸۰ کیلوګرامه بې‌کیفیته او تاریخ‌تېر درمل ضبط شول.

د ننګرهار د عامې روغتیا ریاست د نظارت او بازرسی آمریت اړوند د درملو او صحي محصولاتو عمومي مدیریت ټیم، د چهارشنبې په ورځ ۱۴۰۵/۲/۹ د کوزکنړ ولسوالۍ د خېوې په مربوطاتو کې له (۴) باب عمده درملو فروشیو او (۱۱) باب پرچون درملو فروشیو څخه نظارت ترسره کړ.
په دغه نظارت کې د درملو د نرخونو کنټرول، نظافت او صفایي، د باکیفیته درملو استعمال، د بې‌کیفیته او غیرمعیاري درملو مخنیوی، او د مسؤل فني شخص (فارمسیست) موجودیت په جدي توګه وڅېړل شول. د نیمګړتیاوو د اصلاح په موخه مسؤلینو ته لازمې سپارښتنې وشوې او تعهدات ترې واخیستل شول، ترڅو خپل فعالیتونه د عامې روغتیا ریاست له قوانینو او اصولو سره برابر کړي.
همدارنګه د نظارت پر مهال شاوخوا ۸۰ کیلوګرامه بې‌کیفیته او تاریخ‌تېر درمل ترلاسه او ضبط شول، چې پکې ۲۴۷ بکسې انتي‌اسید ساشې هم شاملې وې. یاد درمل د له‌منځه وړلو په موخه مرکزي زیرمتون ته انتقال شول.

28/04/2026

ستاسې غږ ته مثبت ځواب!

له څه وخت راهیسې په ننګرهار کې یو شخص د ځینې ناروغیو اړوند بې اساسه معلومات خپرول ، درملنه یې ردوله او په خپل سر یې چې کومې تخصصي زده کړې هم نه درلودې د تخصصي درجې ناروغانو درملنه په غیر مسلکي ډول تر سره کوله ، د دې هر څه تر څنګ یې خلک د سرطان له درملنې منع کول او دا ورته چل او فریب ښکارېده حال دا چې سرطان او سرطاني ناروغۍ یو منل شوی حقیقت دی او د درملنې ټولې مرحلې یې له نړیوالو اداراتو او د روغتیا له پوهانو تائید شوې دي.

په ټولنیزو رسنیو کې د روغتیایي کارکوونکو او هیوادوالو د بار بار شکایت له کبله چې نوموړی ډاکټر صیب د خلکو اذهان مغشوشوي د عامې روغتیا نظارتي ټیم یاد ځای ته چې نوموړي ډاکټر صیب په کې ناروغان لیدل ځان ورساوه ، د نظارت په پای کې د نورو ستونزو او مشکلاتو د شتون تر څنګ دا هم څرګنده شوه چې نوموړي ډاکټر صیب لا هم د ایګزیټ ازموینه نه ده پاس کړې ، او د کتنځي لپاره هم
په شرایطو برابر نه دی خو په نشراتو او لوحه کې ځان د هغه ناروغیو د درملنې کاشف ګڼي چې لا لسیزې وړاندې یې درملنې شتون درلود، د نظارت ټیم موندلې چې یاد ډاکټر صیب یوه ناروغ ته له لس قلمه پورته بې اړتیا درمل لیکل ، د ناروغ تاریخچه یې نه لیکله، توصیه شوي معاینات یې نه لیکل ، او په نسخه کې نه لوستل کیدونکي قیدي درمل لیکل چې د اصولو له مخې یې ځای مهرلاک او فعالیت ودرول شو .

یو ځل بیا له هغه ټولو روغتیایي کارکوونکو هیله ده چې پرته له جواز او خپلې تخصصي رشتې په نورو برخو کې مداخله ونکړي ، ځکه ستاسې دا مداخله غیر قانوني ده او د قانون تطبیق کوونکو ټیمونو له لوري د جدي اصولو له تطبیق سره مخ کیدلای شئ .