03/09/2025
د کنړ د زلزلهزپلو لپاره د علیآباد شفاخانې د متخصصینو د ټیم د خدمتونو ستاینه
د علیآباد شفاخانې د درنو متخصصینو دوهویشت کسیز ټیم، چې د کنړ ولایت زلزلهزپلو ته د خدمت لپاره په څلورو موټرو کې ورسېد او له ځان سره یې دوه موټرې طبي درمل هم راوړې وې، د مزار درې په سیمه کې یې دوه شپې او دوه ورځې بېوقفې خدمت ترسره کړ. د دې مخلص ټیم د نه ستړي کېدونکي هڅو په برکت، په دې موده کې له څلورسوه (۴۰۰) څخه زیات عملیاتونه ترسره شول.
د دې نه هیریدونکي خدمتونو د قدردانۍ په موخه، د روهید عربزی شرکت رئیس، ډاکټر حبیبالله احسان، د یاد ټیم د ستاینې او ویاړ لپاره ځانګړې مېلمستیا وکړه. الله سبحانه وتعالی دې داسې د انسانیت او خدمت جذبه لرونکي کسان نور هم زیات کړي او زموږ ټولنه د مثبتو فکرونو خاوندانو ته بډایه کړي.
