Dr.Abdul Ghani Daqiq

14/07/2026

شپږ مثبت عادتونه چې د دوام په صورت کې کولی شي په شپږو میاشتو کې ستاسو د ژوند کیفیت د پام وړ ښه کړي

۱. په اونۍ کې لږ تر لږه څلور ځله منظم فزیکي تمرین وکړئ.
منظم ورزش د زړه او رګونو روغتیا ښه کوي، عضلات پیاوړي کوي، ذهني فشار کموي او د بدن عمومي فعالیت لوړوي.
۲. هره میاشت لږ تر لږه یو ګټور کتاب ولولئ.
مطالعه د مغز فعالیت پیاوړی کوي، د تمرکز وړتیا زیاتوي، علمي پوهه پراخوي او د تصمیم نیولو مهارت ته وده ورکوي.
۳. هره ورځ شاوخوا ۱۰،۰۰۰ قدمه مزل وکړئ.
منظم قدم وهل د وزن په کنټرول، د وینې د شکر او فشار په تنظیم، او د زړه د ناروغیو د خطر په کمولو کې مرسته کوي.
۴. هره ورځ ۵–۱۰ دقیقې مراقبه (Meditation) یا ذهني ارامتیا تمرین کړئ.
څېړنې ښيي چې مراقبه د ذهني فشار، اضطراب او ستړیا په کمولو او د تمرکز او احساساتي ثبات په لوړولو کې اغېزمنه ده.
۵. پنځه وخته لمونځونه په دوامداره او د حضورِ قلب سره ادا کړئ.
د دیني ارزښت تر څنګ، منظم عبادت د ذهني سکون، ځان کنټرول، نظم او مثبت رواني حالت په پیاوړتیا کې هم مهم رول لري.
۶. هره ورځ یا هره اونۍ د یوې نوې مهارت د زده کړې لپاره وخت ځانګړی کړئ.
د نوو مهارتونو زده کړه د مغز انعطاف (Neuroplasticity) پیاوړی کوي، پر ځان باور زیاتوي او د مسلکي او شخصي پرمختګ فرصتونه رامنځته کوي.
ـــــــــــــــــــــــــــــــــــــــــــــــــــــــــــــــــ

12/07/2026

تر یو کال کمو ماشومانو ته د غوا شیدې مناسبي نه دي:
د غوا شیدې د یو کال څخه کم عمره ماشوم د ودې لپاره اړین غذایي توازن نه لري، اوسپنه (Iron) پکې کمه وي او د اوسپنې د کمښت له امله د وینې کمښت (انیمیا) رامنځته کولی شي، همدارنګه د پروټین او منرالونو د لوړې کچې له امله د ماشوم پر ناپخو پښتورګو اضافي فشار راولي. تر یو کلنۍ پورې د مور شیدې یا د ماشوم ځانګړې پوډري شیدې د سالمې ودې او د دماغ د ښه پرمختګ لپاره تر ټولو غوره انتخاب دی.

14/12/2025

وقايه تر معالجې بهتره، آسانه او آرزانه ده!

17/09/2023

دکوم گروپ وينه لرونکي کسانو واده خطرناکه دى؟

دواده په موضوع کي دويني دګروپونو څخه مهم د Rh فکتوردى ،کله چه دښځينه دوينى ګروپ منفى -Rh وى او دنارينه دوينى ګروپ مثبت +Rh وى واده کول يي دماشوم لپاره خطرناكه دي.

کله چه يو منفى Rh- ګروپ لرونکی ښځينه د مثبت Rh+ ګروپ سره واده وکړي نو ددوى راتلونکى ماشوم دوه حالته امکان لري:

۱- که دمورپه نس کى دماشوم دوينى ګروپ دمور سره يوشان را ووځى دماشوم اينده ژوند ته خطر نسته ښځه ديو دعادى حامله ښځى په شکل حامله توب ته ادامه ورکولاى شى ماشوم ته کوم خطر نسته .

که دمور په نس کى دماشوم دوينى ګروپ دمور سره ضد راووځى يعنى دماشوم دوينى ګروپ مثبت +Rh ثابت شى پدى وخت کى دماشوم ژوند ته خطر سته با يد تر جدى تعقيب لاندى ونيول شى .

کله چه دمور دوينى ګروپ منفي -Rh او دماشو دوينى ګروپ مثبت +Rh وى دمور دوجود دفاعى سيستم دماشوم دوينى حجرى تر حملى ندى راولى او وينه يي دمنځه وړى,په ماشوم کى دکم خونى،ژيړى،دعصابوتخريب، دزړه خرابوالى اودمرګ سبب ګرځى .

کله چه مثبت +Rh نارينه اومنفى -Rhښځينه ګروپونه واده سره وکړى څه بايد وشى؟

دحامله توب د 26 - 28 هفتو په منځ کي د کومبز coombs test په نامه تيست دى چه دا تيست بايد وشى.ددى تيست په واسطه موږ کولاى شو چه معلومه کړو چه مور دماشوم په مقابل کى انتى باډى توليد کړى که يا؟

که چيرى په اته ويشتمه 28 هفته کى مور دماشوم په مقابل کی انتى باډى نه وى توليد کړى دا په دى معنى دى چه دمور دفاعى سيستم تر اوسه دماشوم دوينى حجرى تر حملى لاندى ندى راويستلى نو پدى وخت کى دماشوم مورته يوه پيچکارى چه د RhD Immune globulin يا RhoGAM په نامه ياديږي ورلګول کيږى ددى پيچکارى وظيفه داد چه دمور دفاعى سيستم ترفشارلاندى راولى او مخنيوى يي کوى چه نور دماشوم حجرى تر حملى لاندى را نسی چه تقريباً نه نوى فصيده %99 کاميابه وي.
#نوټ: دوستانو داحالت په نږدې دوستانو کي سره واده کول څو چنده زياتوي. نو کله چي په نږدې دوستانو کي واده کوي داحالت بايد په پام کي ونيسي.
کوښښ وکړي دا معلومات دوستانو سره شریک کړئ.

02/08/2023

05/02/2023

وچ انځر د نارینه د سپرم کیفیت ښه کوي او د کوروالي زیاتې ستونزې حل کوي

وچ انځر او نورې وچې مېوې بې له شکه د زیاتې انرژۍ لرونکي خواړه دي، چې په مهمو غذایي موادو لکه منرالونو او ویټامینونو بډایه دي.

وچ انځر یو له هغو وچو میوو څخه دي چې معمولاً خوړل کېږي او بې شمیره روغتیايي ګټې لري؛ نو دا اړینه ده چې دا میوه پخپل رژیم کې شامله کړو.
د دې لپاره به لومړی انځر وچ کړئ یعنې انځر به راواخلئ او لمر ته به یې کېږدئ، چې په دې ډول یې د ټول کال په اوږدو کې ذخیره کولی شئ.

د نارینه وو لپاره د انځر ګټې:

د وچ انځر له ډېرو ګټو څخه یوه د نارینه وو لپاره دا ده چې دا د جنسي روغتیا او د کوروالي فعاایت سره مرسته کوي، انځر نارینه له شنډېدو څخه ژغوري، دا ځکه چې انځر په کافي اندازه زنک لري او زنک د ټیسټورسټون کچه لوړولو کې مهم رول لوبوي.

په نارینه وو کې د زنګ کمښت د ټیټ ټسټورسټون لامل کېږي او په دې توګه انځر په طبیعي توګه د ټسټورسټون د کچې لوړولو لپاره یوه غوره لار ده. همدغه راز په انځر کې انټي اکسیډنټ او نور اړین غذایي مواد او منرالونه د سپرم حرکت او شمېر زیاتوي، نو له همدې امله وچ انځر د سپرم لپاره ډېر ګټور ګڼل کیږي.

د نارینه وو لپاره د انځر بله مهمه ګټه دا ده چې دا د پروستات غدې ته وده ورکوي. په مناسبه اندازه د انځر خوراک د پروستات پراخې شوې غدې بیرته عادي حالت ته راګرځي. همدغه ډول په نارینه وو کې عمومي ژوند او استقامت ښه کوي او هم د لوړ کولیسټرول کچه راټیټوي او د وینې د شکر کچه هم ښه کوي.

17/12/2022

مغزي سکته..

تاسي به اوريدلي ي چي پلاني نفر دعصابو رګ بند سوي دي يا يي رګ چاودلي دي..
دې ته په طبي اصطلاح کي مغزي سکته وايي.دا پر دوه ډوله ده چي په يوه کي مغزو ته وينه نه رسيږي او بل کي رګ څيري کيږي ، په دواړو حالاتو کي ماغزه خرابيږي.نو په ناروغ کي دغه نښي نښاني ليدل کيږي.

۱.د لاسو او پښو ضعيفي ( په ځانګړي توګه يو طرف)
۲.په قدم وهلو کي ستونزي
۳.دتوازن خرابي
۴.دخبرو کولو ستونزي
۵. دحافظي خرابي
۶.دشعوري حالت خرابي
۷. دحسيت خرابي
۸.د ديد خرابي

څنګه يي مخنيوي کولايسو؟
۱.دويني لوړ فشار کنټرول کړي
۲. سګريټ مه څکوي
۳.دزړه روغتيا ته مو پام کوی
۴.شکره مو کنټرول کړئ
۵.فزيکی تمرين وکړئ
۶.ښه خواړه خورئ
۷. د ويني غوړيو ته مو پام کوئ
۸.مالګه او غوړي کم خورئ
۹. تشويش مو کم کړئ
۱۰. وزن مو کم کړئ
۱۱. په سړه هوا کي ځان تود ساتئ.........