28/08/2026
#ایا په رښتیا ناف «نوم» بې ځایه کیږي ، که دا يوازې یو ناسم باور دی؟
#ډاکټر رحمن ملکزوئ
ډېری وخت چې څوک دروند وزن پورته کړي، سخت زور ووهي، یا یې په ګېډه کې درد پیدا شي، سمدستي وایي: «نوم مې بې ځایه ده، باید بېرته ځای ته راوړل شي!»
پخوانی خلک څه چه ما هم پدې باور لره چه نوم بې ځایه کیږي، کله چخ ماشوم وم او تراوسه شاید ډیر کسان سره موافق هم نشی ...
خو راځئ دا کیسه په ساده او مسلکي توګه داسې وڅېړو چې اصل حقیقت روښانه شي:
#د نوم اصل حقیقت او دنده:
نوم یوازې هغه وخت فعاله او په کار وي چې ماشوم د مور په رحم کې وي. له همدې لارې ماشوم ته خواړه، اکسیجن او وینه رسېږي. کله چې ماشوم پیدا شي، دا لاره غوڅېږي، وچېږي او د تل لپاره بې کاره او تړل کېږي.
#ایا نوم حرکت کولای شي؟
هیڅکله نه! نو د کولمو په شان نه ده چې یو او بل لوري ته واوړي راواوړي. دا د نس پر دیوال پورې یوه پر ځای ولاړه او وچه شوې غوټه ده. له طبي پلوه بالکل ناممکنه ده چې نوم (ناف)له خپل موقیعت څخه بېځایه شي.
#بیا ولې له مساج سره سړی ارامېږي؟
کله چې تاسو درانه کارونه کوئ یا زورونه وهئ، د ګېډې عضلات شخېږي او فشار ورباندې راځي چې له امله یې دردونه پیدا کېږي. کله چې په ګېډه مساج وشي، دا شخ شوي عضلات بېرته نرمېږي او سړی د ښه والي احساس کوي. دا په دې معنی نه ده چې نوم بېځایه شوې وه او بېرته ځای ته راغله، بلکې یوازې د ګېډې عضلات له شخوالي خلاص شول.
#پوښتنه: که د «نوم وتل» په رښتیا یوه ناروغي وای، نو د نړۍ په نورو هېوادونو کې به هم موجوده وای او طب به هم ثابته کړې وای. که له چا وپوښتئ چې «دا د نوم وتل او بېرته ځای ته راوستل په کوم طبي کتاب کې لیکل شوي؟» هېڅکله به درته ځواب ورنهکړای شي، ځکه دا مفکوره په هېڅ کتاب کې وجود نه لري.
کله چې یو څوک دروند کار وکړي، د ګېډې عضلات یې درد کوي، نه دا چې نوم یې بې ځایه شوی!
#تاسو څه فکر کوئ؟
ستاسو په سیمه کې خلک د ګېډې د دردونو او د نوم د لوېدو لپاره کومې عجیبې او غریبې درملنې کوي، او ایا کله مو له داسې چا وپوښتل چې دا طریقه یې په کوم کتاب کې لوستې ده؟ خپلې تجربې په کمنټونو کې راسره شریکې کړئ!
c
