Bost University Hospital

19/08/2026

آزادي تر پاچاهيه لا تيری کا
چي د بل د حکم لاندي سې زندان سي

خپلواکي د خدای عظيم نعمت او د ملتونو د برم، عظمت او عزت د وياړلي او پرتمین تاریخي پېر وياړمن یاد وي، چي له نيکمرغه افغانانو د تاريخ په اوږدو کي درې فرعوني زبرځواکونه مات او پر ګونډو کړي دي او هغوی ته يي د سر په کاسه کي اوبه ورکړي دي.

چي غازي شاه امان الله خان توره له تيکي وکښل او په ۱۲۹۸/۵/۲۸ کال کي يي خپلواکي ترلاسه او انګريزي لښکرو ته يي سخته ماته ورکړه.

د بُست پوهنتون تدريسي روغتون رهبري د دي ویاړمني ورځي مبارکي د افغانستان ټول مسلمان، مجاهد او پر خپلواکۍ مين ولس ته وایي.

29/07/2026

یو کوچني ماشوم، چي د کورنۍ له لوري بُست تدریسي روغتون ته راوړل سوی و، د تیزابو د څښلو له امله د معدې د وتلو (تخلیې) لاره تنګه سوې وه، چي له کبله یې هیڅ ډول خواړه نه سوای خوړلای.

له بشپړو طبي معایناتو او دقیق تشخیص وروسته، د بُست تدریسي روغتون د عمومي جراحۍ متخصص ډاکټر مدثر لورین له لوري پر ناروغ بریالی عملیات ترسره سول، چي په پایله کي یې روغتیايي ستونزه په بشپړ ډول حل سوه.

د ناروغ د کورنۍ د معلوماتو له مخي، ماشوم تر دې وړاندي ګڼو روغتونونو ته وړل سوی و، خو د ناروغۍ سم تشخیص نه و سوی. په پای کي د بُست تدریسي روغتون د متخصصینو په دقیق تشخیص او مؤثرې درملنې سره نوموړی په بریالیتوب سره روغ سو.
بُست د روزني او درملني کور.

24/06/2026

د بُست تدریسي روغتون څخه د مراجعینو خوښي

د بُست تدریسي روغتون ته راغلي مراجعین د روغتیايي خدمتونو له کیفیت، د ډاکټرانو او روغتیاپالانو له چلند او د درملني له بهیر څخه خوښي څرګندوي. دوی وایي چي په روغتون کي د ناروغانو ستونزو ته پر وخت رسېدنه کېږي او د اړتیا وړ روغتیايي خدمتونه په ښه او مسلکي ډول وړاندي کېږي.

17/06/2026

د بُست تدریسي روغتون د تلوېزیوني معایناتو څانګه؛ د عصري وسایلو او مسلکي کارکوونکو په مرسته دقیق او باوري تشخیص وړاندې کوي.

بُست د روزني او درملني کور!🩺🥼

14/06/2026

په بُست تدریسي روغتون کي د نورو پرمختللو طبي خدماتو تر څنګ، هورموني او کیمیاوي معاینات هم د عصري او معیاري لابراتواري ماشینونو په وسیله، په لوړ دقت او غوره کیفیت ترسره کېږي.

د دقیقو او باوري پایلو په موخه، بُست تدریسي روغتون د مجهزو لابراتوارونو او مسلکي کادرونو په مټ د ناروغانو د روغتیايي اړتیاوو د پوره کولو لپاره معیاري خدمات وړاندي کوي.

له بُست سره پاته سئ!

09/06/2026

د بُست تدریسي روغتون د روغتیايي خدمتونو له برکته یو بل ناروغ په بریالیتوب سره تر عملیاتو وروسته د ښه کېدو په حال کي دی.

د نوموړي ناروغ پایواز د روغتون له معیاري خدمتونو، مسلکي ډاکټرانو، روغتیايي کارکوونکو او مناسبو اسانتیاوو څخه خپله خوښي څرګنده کړه.

بُست د روزني او درملني عالي انتخاب!

26/05/2026

د لوی اختر د مبارکۍ پيغام!

د نیکمرغه لوی اختر د را رسیدو په مناسبت د بست تدريسي روغتون رهبري درنو هلمندوالو، هيوادوالو، خپلو کارمندانو او د نړۍ ټولو مسلمانانو ته د زړه له کومي مبارکي وړاندې کوي.

خدای تعالی مو عبادتونه، دعاګاني او قربانۍ په خپل لوی دربار کي قبول او مقبول وګرځوه.
بست تدريسي روغتون به د اختر په مبارکو ورځو او شپو کي هم د خپلو درنو هيوادوالو لپاره خپلي روغتيايي چوپړتیاوي وړاندې کوي.

په درنښت
د بست تدريسي روغتون اداره

19/05/2026

16/05/2026

بُست تدریسي روغتون د محصلانو د عملي زده‌کړو او مسلکي روزني لپاره هر ډول اړین امکانات او معیاري چاپېریال برابر کړی دی، تر څو زده‌کوونکي وکولای سي خپلي نظري زده‌کړي په عملي ډول تجربه او لا پیاوړي کړي.

تاسو وینئ چي د بُست د روغتیایي علومو انستیتیوت محصلانو ته د روغتون په ځانګړو تدریسي اطاقونو او عملي څانګو کي د تجربه لرونکو استادانو او روغتیايي کارکوونکو تر لارښووني لاندي عملي زده‌کړي ورکول کېږي، چي دا چاره د هغوی د مسلکي وړتیاوو په لوړولو کي مهم رول لري.

مه هېروئ چي بُست تدریسي روغتون یوازي د ناروغانو درملنه نه ترسره کوي، بلکي د راتلونکو روغتیايي کدرونو د روزني، ظرفیت لوړوني او معیاري طبي خدمتونو د پیاوړتیا لپاره هم دوامداره هڅي کوي، تر څو ټولني ته مسلکي او با استعداده روغتیايي کارکوونکي وړاندي کړي.

09/05/2026

بُست تدریسي روغتون د خپلو معیاري روغتیايي خدماتو، مسلکي ډاکټرانو او غوره چلند له امله د ناروغانو او ټولو مراجعینو باور خپل کړی دی.

هره ورځ لسګونه ناروغان په بېلابېلو څانګو کي د یاد روغتون له عصري او باکیفیته خدماتو څخه ګټه اخلي او د درملني له بهیر څخه خوښي څرګندوي.

یاد روغتون هڅه کوي څو د نوي طبي ټکنالوژۍ، تجربه لرونکو متخصصینو او مناسب چاپېریال په برابرولو سره خلکو ته اغېزناک او باوري روغتیايي خدمات وړاندي کړي، چي همدې چارو د مراجعینو رضایت نور هم زیات کړی دی.