Dr Safeerullah Malakzai

Dr Safeerullah Malakzai Psychology & Pharm.D

28/04/2026

له کنړ پوهنتون (سيدجمال الدين افغاني پوهنتون) سره مو د پنځه کالو خاطرې تړلي.

د تور پنجاب دا کړنې به هيرې نشي.

شینوارو ولسوالۍ کې ۵ روغتیايي تاسیسات دروغتيايي قوانينو نه مراعات په وجه مهر او لاک شول . دوشنبه – ۱۴۰۵/۰۱/۳۱دننګرهار عا...
22/04/2026

شینوارو ولسوالۍ کې ۵ روغتیايي تاسیسات دروغتيايي قوانينو نه مراعات په وجه مهر او لاک شول .

دوشنبه – ۱۴۰۵/۰۱/۳۱
دننګرهار عامه روغتيارياست دخوړودرملو اوصحي خدماتو دڅارني اوپلټنی آمريت دخصوصي سکتور د څارنې او پلټنې ټیم د شینوارو ولسوالۍ د غني خېلو او پله سره بازارونو کې له بېلابېلو روغتیايي تاسیساتو څخه نظارت ترسره کړ.
نظارت شوي تاسیسات:
▪️ (۲) د غاښونو کلینیکونه
▪️ (۳) لابراتوارونه
▪️ (۵) کتنځي
▪️ (۲) روغتیايي کلینیکونه
▪️ (۳) د اکسری خونې
پایلې:
▪️ (۳) د اکسری خونې، (۱) لابراتوار او (۱) کتنځی د اصولو د نه مراعت له امله مهر او وتړل شول.
پاتې مسؤلینو ته نيمګړتياوې وښودل شوې او د اصلاح په موخه ترې تعهد واخیستل شو.

جلال اباد پنځمه ناحیه کې د دوه بابه غاښونو کلينيکونو، يو بابه لابراتوار او يو باب درملتون چې پکې دولسم پاس زده کوونکي نا...
19/04/2026

جلال اباد پنځمه ناحیه کې د دوه بابه غاښونو کلينيکونو، يو بابه لابراتوار او يو باب درملتون چې پکې دولسم پاس زده کوونکي ناروغان معاینه کول او درمل ورکول څارنه ترسره کړه، چې په پايله کې يو باب لابراتوار او يو باب درملتون چې پکې غير مسلکي شخص لخوا او پي ډي کيدله مهرلاک شوو.
پاتې نورو اشخاصو ته نيمګړتياوې په نښه شوې او د حل په موخه ترې تعهد واخستل شو
زمونږ څارني اوپلټنی په ټول ننګرهار کې دوام لري ترڅو ولس ته معياري صحی خدماتو څخه برخمن شي.

دننګرهار عامه روغتيارياست دخوړودرملو اوصحي خدماتو دڅارني اوپلټنی آمريت دخصوصي سکتور څار او پلټنې عمومي مديريت
1405/01/29 شنبه

د کارمندني خبرتیا!په کابل کې د معيار او کیفیت اداری اعلان شوی بستونه ډاکټر صاحبان، انجنير صاحبان او فارمسستان کولاي شي د...
10/04/2026

د کارمندني خبرتیا!
په کابل کې د معيار او کیفیت اداری اعلان شوی بستونه ډاکټر صاحبان، انجنير صاحبان او فارمسستان کولاي شي د ازادي سيالۍ له لاري ګډون وکړي.

تازه راګرځيدلي کډوالو ته لومړيتوب ورکول کیږي

په جلال اباد ښار کې يو درملتون په لوړه بيه د درملو پلورلو لامله مُهر او لاک 🔒 شو.جمعه ۱۴۰۵/۰۱/۲۱د ننګرهار عامې روغتیا ری...
10/04/2026

په جلال اباد ښار کې يو درملتون په لوړه بيه د درملو پلورلو لامله مُهر او لاک 🔒 شو.
جمعه ۱۴۰۵/۰۱/۲۱

د ننګرهار عامې روغتیا ریاست د څارنې او پلټنې امریت د خصوصي سکتور د څارنې او پلټنې ټیم چې مشري یې ډاکټر اول ګل خادم کوله؛ د يو هيوادوال چې د لغمان ولايت څخه يې ناروغ جلال آباد ښار ته د درملنې په موخه راوستلی و، عامې روغتیا ریاست ته د يو درملتون د قیمت فروشي لامله عارض شوی و.

موضوع وپلټل شوه، په پايله کې څرګنده شوه، چې په درملتون کې د فارمسست په ځای، دوه کسان چې د اقتصاد پوهنځي زده کړيالان و، ناروغانو ته درمل ورکول، او په يوه نخسه درملو کې يې د ناروغ څخه *۴۶۰* افغانۍ او په بله کې ۶۰ افغانۍ د خپل قانوني ګټې څخه پورته اخستې وې، په پاي کې درملتون وتړل شو.

همدارنګه هغه د درملو شرکتونه چې نوموړي درملتونونو ته يې فرمايشي بلونه جوړ کړي و، تعقیب به شي.

يادونه: د عامې روغتيا وزارت لایحې لمخې درملتون تر شل فيصده پورې قانوني ګټه کولی شي، نوموړي درملتون څښتن ۷۰٪ فيصده ګټه کړې وه

خبرتیا!د سنوفارما د ټولو درملو قیمتونه ثابت دي!وروسته له دې چي په بازار کي د سنوفارما د درملو د قیمتونو د لوړولو په اړه ...
09/04/2026

خبرتیا!
د سنوفارما د ټولو درملو قیمتونه ثابت دي!

وروسته له دې چي په بازار کي د سنوفارما د درملو د قیمتونو د لوړولو په اړه بېلابېلي اوازې خپرې سوي دي، موږ د وضاحت لپاره لاندي موضوع له خپلو قدرمنو هیوادوالو سره شریکوو:

۱. د سـنوفارمـا ټـول درمل ثابـت او ټـاکل سـوی قیـمت لري، چي د قـطـۍ پر شا واضح لیکل سوي دي، په دې قیمت کي کمپنۍ د دواخانې ګټه په نظر کي نیولې ده.
۲. مهرباني وکړئ د درملو د اخیستلو پر وخت د قطۍ پر شا لیکل سوی قیمت حتماً وګورئ او د ټاکلي قیمت څخه یې په لوړ قیمت مه پیرئ.
۳. سنوفارما د خپل توان او کوښښ مطابق تل هڅه کوي چي په بازار کي د درملو د کمښت مخه ونیسي او نیولې ده.

!
#سنوفارما #افغانستان #صحت #روغتیا #ټولنه #هیله #کیفیت #قیمت #مناسب #پلور #درملتون #خبرتیا #اطلاعیه #هڅه #کمښت #بازار #توان #وضاحت #خبر #درمل #ثابت

!

د ګمارنې خبرتیا!ختیځ زون د معیار او کیفیت ریاست خپل ۱۹ مسلکي خالي بستونه اعلان ته سپاري.د ختیځ زون د معیار او کیفیت ریاس...
11/03/2026

د ګمارنې خبرتیا!

ختیځ زون د معیار او کیفیت ریاست خپل ۱۹ مسلکي خالي بستونه اعلان ته سپاري.
د ختیځ زون د معیار او کیفیت ریاست د خپلو کارونو د لا ښه والي او د مسلکي کادرونو د پرځای کولو په موخه، هغه ځوانانو ته چې د لیسانس او ماسټرۍ په کچه لوړې زده کړې لري، د کار کولو بلنه ورکوي.
د بستونو جزیات:
• د بستونو شمېر: ۱۹ خالي بستونه.
• تحصیلي کچه: ماسټري او یا لیسانس (په اړونده څانګو کې).
• ځای: جلال اباد ښار، ننګرهار.

د نوم لیکنې مهال وېش:
• د پیل نېټه: ۱۴۰۴/۱۲/۲۱ هـ ش
• د پای نېټه: ۱۴۰۵/۱/۱۰ هـ ش

د کاري وختونو مهالوېش:
• د روژې په میاشت کې: د سهار له ۹:۰۰ بجو څخه د غرمې تر ۲:۰۰ بجو پورې.
• له روژې وروسته: د سهار له ۸:۰۰ بجو څخه د مازدیګر تر ۴:۰۰ بجو پورې.

د نوم لیکنې لارښوونه:
هغه مینه وال چې په شرایطو برابر وي، کولای شي د نوم لیکنې فورمې په حضوري ډول د ختیځ زون د معیار او کیفیت ریاست د مالي او اداري عمومي مدیریت له څانګې یا په آنلاین ډول د معیار او کیفیت ادارې له ویب سایټ (https://tinyurl.com/3nw9pftf) څخه ترلاسه کړي.
پته: ننګرهار، جلال اباد ښار، څلورمه ناحیه، د زړې څارنوالۍ دویمه کوڅه، اتم نمبر کور.
د اړیکو شمېرې: 0708451997 | 0767349130 | 0787520174

د معیار او کیفیت اداره؛ د خوندي او معیاري ژوند ضمانت

دوشنبه ۱۴۰۴/١٢/۱٨یو (٤٥) کلن ناروغ چې د کونړ ولایت د دره پیج ولسوالۍ اوسېدونکی دی، د نشتر د پښتورګو درملنې ملي روغتون ته...
10/03/2026

دوشنبه ۱۴۰۴/١٢/۱٨
یو (٤٥) کلن ناروغ چې د کونړ ولایت د دره پیج ولسوالۍ اوسېدونکی دی، د نشتر د پښتورګو درملنې ملي روغتون ته مراجعه کړې وه. د کلینیکي معایناتو او ټستونو له مخې معلومه شوه چې د ناروغ په چپ پښتورګه کې شاوخوا ٤١ وړې او غټې تیږې شتون لري.

د روغتون د یورولوژۍ متخصصینو او د جراحي ژمن ټیم لخوا، وروسته له تشخیصه، د ناروغ عملیات په بریالیتوب سره ترسره شول. عملیات له ډیر دقت، مهارت او عاجلې طبي پاملرنې سره سرته ورسېدل، چې پکې ناروغ له یادو تیږو خلاص شو.

دا عملیات د نشتر د پښتورګو درملنې ملي روغتون د جراحي ټیم لپاره یو مهم بریا بلل کېږي. د روغتون مسؤلین وایي چې اوس مهال د ناروغ روغتیایي حالت قناعت‌بښونکی او د ډاډ وړ دی.

په سره رود ولسوالۍ کې درې بابه روغتیايي کلینیکونه وتړل شول۱۴۰۴/۱۲/۱۲ – سه شنبهد ننګرهار عامې روغتیا ریاست د خوړو درملو ا...
04/03/2026

په سره رود ولسوالۍ کې درې بابه روغتیايي کلینیکونه وتړل شول
۱۴۰۴/۱۲/۱۲ – سه شنبه
د ننګرهار عامې روغتیا ریاست د خوړو درملو اوصحي خدماتوڅارني اوپلټنی آمريت دخصوصي سکتور د څارنې او پلټنې ټیم له لوري په سره رود ولسوالۍ کې د څلور (۴) بابه روغتیايي کلینیکونو او دوه (۲) بابه لابراتوارونو څخه څارنه او پلټنه ترسره شوه.
د ترسره شوې ارزونې په پایله کې درې (۳) بابه روغتیايي کلینیکونه د لاندې نیمګړتیاوو له امله مهرلاک شول:
په غیر معیاري او نامناسبو ځایونو کې فعالیت
د مسلکي پرسونل نشتون
د قانوني جواز نه درلودل
د حفظ الصحې اصولو نه مراعات
یاد اقدام د عامې روغتیا د قوانینو او طرزالعملونو له مخې ترسره شوی، او مسؤلینو ته لازمې سپارښتنې وشوې تر څو د معیارونو له پوره کولو وروسته خپل فعالیتونه بېرته پیل کړي.
د ننګرهار عامې روغتیا ریاست ژمن دی چې د روغتیايي خدمتونو د کیفیت د لوړوالي او د ولس د روغتیا د خوندیتوب په موخه به خپلې څارنې ته دوام ورکوي.

Address

Jalalabad Afghanistan
Shinwari
4545

Website

Alerts

Be the first to know and let us send you an email when Dr Safeerullah Malakzai posts news and promotions. Your email address will not be used for any other purpose, and you can unsubscribe at any time.

Shortcuts

Share

Category