Njësia Vendore e Kujdesit Shëndetësor Gjirokastër

09/09/2026

Në vijimësi të ofrimit të kujdesit shëndetësor nga QSH-të e NJVKSH Gjirokastër, personeli shëndetësor, mjekë dhe infermierë, po tregon gjithnjë e më shumë gatishmëri dhe përgjegjësi profesionale në lidhje me aplikimin e kujdesit parandalues (kontrollit shëndetësor falas) për popullatën mbi moshën 35 vjeç, me qëllim zbulimin e hershëm të formave të fshehta të:

* Dislipidemive dhe sindromës metabolike;
* Hipertensionit dhe diabetit tip II;
* Sëmundjeve të tjera kardiovaskulare;
* Sëmundjeve kronike të mëlçisë dhe veshkave;
* Sëmundjeve të aparatit tretës dhe anemive;
* Çrregullimeve të shëndetit mendor, etj.

Rëndësi i kushtohet bashkëpunimit të ngushtë të personelit shëndetësor të QSH-ve në KSHP me popullatën mbi 35 vjeç, duke garantuar aksesin në ofrimin e këtij shërbimi, i cili fokusohet në ruajtjen e mirëqenies shëndetësore të individëve që kryejnë kontrollin shëndetësor falas, si dhe në përmirësimin e indikatorëve të shëndetit publik në nivel komunitar.

JE MBI 35 VJEÇ?

Mos prit të kesh simptoma për t’u kujdesur për shëndetin.

Check-Up-i ndihmon në identifikimin e hershëm të faktorëve të riskut dhe problematikave që mund të kërkojnë ndjekje të mëtejshme.

Nga 35 vjeç e lart, Check-Up-i është falas.

📍 Drejtohu te Qendra Shëndetësore ku je i regjistruar.

08/09/2026

📌Përmirësimi i cilësisë së shërbimit në Kujdesin Shëndetësor Parësor

Në kuadër të përmirësimit të cilësisë së shërbimit në Kujdesin Shëndetësor Parësor (KSHP), sot, në ambientet e NJVKSH Gjirokastër, nën drejtimin e Drejtorit, z. Ermir Mahilaj, u zhvillua një takim pune me kryeinfermierët dhe përfaqësuesit e shërbimit të kujdesit infermieristik të Qendrave Shëndetësore (QSH) të rrethit.

Gjatë takimit u diskutua mbi një sërë çështjesh të rëndësishme që lidhen me organizimin, ofrimin dhe monitorimin e shërbimeve shëndetësore, me fokus rritjen e cilësisë dhe garantimin e aksesit të popullatës në shërbimet e KSHP.

Ndër temat kryesore të trajtuara ishin:

* Respektimi i orarit, disiplinës dhe prezencës në punë nga personeli infermieristik në QSH dhe ambulanca.

* Planifikimi, organizimi, koordinimi dhe menaxhimi i ofrimit të kontrollit shëndetësor falas për personat 35+, në bashkëpunim me OSHIKSH.

* Ofrimi me cilësi dhe në përputhje me standardet i kujdesit mjekësor në banesë për personat që, për arsye shëndetësore, e kanë të pamundur të marrin shërbimin në QSH.

* Ndjekja dhe kontrolli në vazhdimësi i pacientëve kronikë, si dhe zbatimi korrekt i sistemit të referimit te mjekët specialistë.

* Dokumentimi korrekt i të dhënave në sistemin e informacionit shëndetësor dhe respektimi i afateve për raportimin e të dhënave biostatistikore që lidhen me aktivitetin profesional të QSH-ve.

* Ofrimi i kujdesit parandalues për vajzat dhe gratë mbi 35 vjeç, përfshirë kontrollet e gjirit, aplikimin periodik të mamografisë dhe kryerjen e testit depistues HPV për evidentimin e pranisë së virusit të papillomës humane, faktor i rëndësishëm në zhvillimin e kancerit të qafës së mitrës.

* Marrja e masave për përgatitjen e QSH-ve për stinën e vjeshtës dhe problematikat shëndetësore shoqëruese, si dhe sigurimi i medikamenteve të listës së urgjencës.

* Organizimi, monitorimi dhe kontrolli higjieno-sanitar i institucioneve arsimore, si dhe marrja e masave të posaçme për realizimin e programeve depistuese të shikimit dhe skoliozës te fëmijët e moshës 6–15 vjeç.

* Garantimi i menaxhimit dhe ofrimit në çdo kohë të shërbimit të KSHP për popullatën, nga personeli infermieror, për çdo nevojë shëndetësore të paraqitur.

Në fokus të takimit ishte gjithashtu forcimi i bashkëpunimit dhe koordinimit ndërmjet të gjitha strukturave shëndetësore në rreth, me qëllim rritjen e efektivitetit të shërbimeve, përmirësimin e cilësisë së kujdesit shëndetësor dhe ruajtjen e përmirësimin e vazhdueshëm të indikatorëve të shëndetit publik në nivel komunitar.

NJVKSH Gjirokastër vijon të mbetet e angazhuar për garantimin e një shërbimi shëndetësor cilësor, të aksesueshëm dhe në përputhje me standardet për të gjithë komunitetin.

18/08/2026

Në kuadër të marrjes së masave mbrojtëse dhe parandaluese për lehtësimin dhe reduktimin e efekteve dhe pasojave negative shëndetësore që vijnë si pasojë e ekspozimit të zgjatur në temperaturat e larta të stinës së verës 🌡️, specialistët e edukimit shëndetësor dhe promocionit të NJVKSH Gjirokastër janë duke punuar me grupet e ndryshme të popullatës,te qytetit ,duke i informuar ata ,mbi rreziqet dhe pasojat që sjell ekspozimi ndaj të nxehtit stinor

✅ Kujdes i veçantë po i kushtohet:
• Kujdesit personal në këto ditë të nxehta 🔥
• Menaxhimit të situatave emergjente që mund të ndodhin si pasojë e qëndrimit të gjatë në temperatura të larta, të cilat mund të shfaqen me:
🔸 Dhimbje të forta koke
🔸 Gjendje të fikti
🔸 Djersitje të tepruar 💦

🩺 Për çdo rast me ankesa shëndetësore, qytetarët udhëzohen të paraqiten pranë qendrave shëndetësore, tek personeli mjek–infermier, për të vlerësuar situatën dhe për të kontrolluar parametrat jetësorë si:
• Tensioni arterial
• Ritmi i zemrës ❤️
• Ritmi i frymëmarrjes 🌬️
• Niveli i vetëdijes dhe reagimeve 🧠

🚑 Në çdo moment, për çdo rast specifik, do të ofrohet ndihma e parë dhe rastet më serioze do të transportohen me autoambulancë drejt spitalit për ndihmë të specializuar.

📞 Po ashtu, komuniteti informohet dhe instrukohet që për çdo rast urgjent, mund të telefonojnë numrin pa pagesë 127 për ndihmë urgjente mjekësore.

👵👶 Kujdes i veçantë duhet të tregohet ndaj:
• Personave të moshuar 👴👵
• Të sëmurëve kronikë ❤️‍🩹
• Grave shtatzëna 🤰
• Fëmijëve të vegjël 👶

Të gjithë duhet të bashkëpunojmë ngushtë me mjekët e familjes për çdo problematikë shëndetësore apo komplikacion të mundshëm.

⸻

📌 Masa personale mbrojtëse dhe parandaluese:

1️⃣ Evitoni lëvizjet nga ora 11:00 deri në 18:00 ☀️. Nëse është e domosdoshme, përdorni veshje të lehta pambuku, kryesisht të bardha 👕, kapele 👒 dhe syze dielli 🕶️.

2️⃣ Konsumoni ujë të pijshëm në sasi të mjaftueshme 💧 për të zëvendësuar lëngjet e humbura nga temperaturat e larta dhe djersitja.

3️⃣ Qëndroni në ambiente të freskëta, ose në hije, ose në dhoma me ajër të kondicionuar në temperatura 18–22°C ❄️.

-Konsumoni ushqimet jo me shume se 2 ose 3 ore mbas gatimit dhe ruajni ato, ne kushte frigoriferike...

4️⃣ Shmangni konsumimin e pijeve alkoolike 🍷, pijeve me kafeinë ☕ dhe atyre energjike, të cilat rrisin rrezikun për:
🔸 Aritmi të zemrës
🔸 Tension të lartë
🔸 Dehidrim
🔸 Kolaps hipovolemik
🔸 Pika dielli dhe insult cerebral, sidomos te pacientët kronikë.

5️⃣ Diskutoni me mjekun tuaj për çdo modifikim të mundshëm të dozave të medikamenteve që përdorni për sëmundjet kronike 💊.

06/08/2026

NJOFTIM

Duke marrë shkas nga njoftimet mediatike, të cilat i referohen situatës epidemiologjike në fshatin Golem, NJVKSH Gjirokastër ju bën me dije se:

1. Pasi u mor njoftimi nga personeli shëndetësor, Sektori i Shërbimit të Epidemiologjisë dhe Shëndetit Mjedisor mori masa të menjëhershme, duke ngritur një grup pune për menaxhimin e situatës.
Më datë 03.08.2026, grupi i punës mori mostra në 9–10 pika të dyshuara për kontaminim, me qëllim verifikimin e ndotjes hidrike.
Komuniteti u njoftua të mos konsumonte ujin dhe disa familjeve iu sigurua ujë i pijshëm nga ana jonë.

2. Deri në marrjen e përgjigjeve të analizave të ujit, u kryen analiza hematologjike (gjaku) për personat që shfaqnin simptoma gastrointestinale.

3. Duke qenë se rezultatet e analizave hematologjike rezultuan negative, ndërsa analizat e ujit evidentuan kontaminim të freskët, u bashkëpunua ngushtë me autoritetet përkatëse nëpërmjet komunikimit të vazhdueshëm.
Si rezultat, situata shëndetësore gjatë tre ditëve të fundit është përmirësuar ndjeshëm, pa u shfaqur raste të reja dhe me shërimin e personave të prekur.

4.Duke parë se masat e marra nga autoritetet që prej datës 3.8.2026 do të vijohet vlerësimi i indikatorëve fiziko-kimik dhe bakterologjik të ujit në vazhdimësi .

Falënderojmë institucionet për bashkëpunimin dhe angazhimin në zgjidhjen e shpejtë të situatës:

* Bashkia Gjirokastër
* Prefektura Gjirokastër
* Ujësjellës Kanalizime
* ISHSH
* si dhe institucionet e tjera të përfshira.

06/08/2026

Në vijmësi të dhënies të shërbimit të KSHP nga Qsh prej personelit shëndetësor mjek - infermier, po tregohet gjithmon e më shumë ,gadishmëri dhe përgjegjësi profesionale në lidhje me :

• Vlerësimin e problematikave shëndetësore të cilat hasen me frekuencë të shtuar në stinën e nxehtë të verës në popullatë ..
• Ofrimi me cilësi dhe sipas standardeve i kujdesit mjekësor në banesë për personat që e kanë të pamundur ta marrin këtë shërbim në QSH.
• Kujdesi dhe kontrolli në vazhdimësi për të sëmurët kronikë gratë shtatzëna fëmijët e vegjel dhe zbatimi i sistemit të referimit te mjekët specialistë për çdo rast që ka nevojë për ndërhyrje dhe konsulta të specializuara
• Dokumentimi korrekt i të dhënave në sistemin e informacionit shëndetësor dhe biostatistikor, i lidhur me aktivitetin profesional të mjekëve dhe infermierëve në çdo Qsh dhe ambulancë
• Aplikimi i kujdesit parandalues për vajzat dhe gratë mbi moshën 35 vjeç, me qëllim kryerjen e testit depistues të tipizuar HPV, për evidentimin e pranisë ose jo të virusit të papilomës humane në rrugët gjenitale, shkaktar i kancerit të qafës së mitrës.
• Marrja e masave mbrojtëse dhe parandaluese dhe vijimi i përgatitjeve specifike të QSH-ve për stinën e verës dhe problematikat shëndetësore shoqëruese, si dhe furnizimi me medikamente të listës së urgjencës.
• Menaxhimi dhe ofrimi në çdo kohë i shërbimit KSHP për popullatën nga personeli shëndetësor për çdo nevojë të paraqitur sidomos ato të karakterit emrgjent.

Rëndësi i kushtohet bashkëpunimin të ngushtë të të gjitha strukturave shëndetësore në rreth, me qëllim ruajtjen dhe përmirësimin e indikatorëve të shëndetit publik në nivel komunitar.

04/08/2026

NJVKSH Gjirokastër po i kushton rëndësi të veçantë monitorimit të aksesit në shërbimet mjekësore për komunitetin dhe, në veçanti, për turistët që vizitojnë qytetin. Këta të fundit mund të paraqesin problematika shëndetësore me frekuencë të shtuar, të lidhura me stinën e nxehtë të verës dhe ekspozimin e zgjatur në diell, me ndërlikimet bashkëshoqëruese të sëmundjeve kronike, pickimet nga insektet dhe alergjitë, virozat stinore, intoksikacionet alimentare etj.

E vendosur në qendër të Pazarit Karakteristik të qytetit, Qendra Shëndetësore Verore Gjirokastër po zhvillon një aktivitet profesional, duke ofruar kujdes shëndetësor 24/7 nga stafi i mjekëve dhe infermierëve.

Specialistët e shërbimit KSHP të NJVKSH Gjirokastër, në çdo kohë, ndjekin dhe monitorojnë periodikisht aktivitetin e kësaj qendre, duke kontrolluar zbatimin e protokolleve të shërbimit dhe kujdesit shëndetësor, listën e medikamenteve në dispozicion, disponueshmërinë e mjeteve dhe pajisjeve mjekësore, si dhe informacionin shëndetësor e biostatistikor.

Evidentimi i problematikave dhe përcaktimi i zgjidhjeve adekuate përbëjnë thelbin e bashkëpunimit për menaxhimin efikas, efektiv dhe të koordinuar të tërësisë së shërbimeve shëndetësore të ofruara për turistët që vizitojnë qytetin tonë.

03/08/2026

https://youtu.be/yugl1DQ4FxA?si=e2B5vMxpHXS_M0Jc

Enjoy the videos and music that you love, upload original content and share it all with friends, family and the world on YouTube.

16/07/2026

Në kuadër të marrjes së masave mbrojtëse dhe parandaluese për lehtësimin dhe reduktimin e efekteve dhe pasojave negative shëndetësore që vijnë si pasojë e ekspozimit të zgjatur në temperaturat e larta të stinës së verës 🌡️, specialistët e edukimit shëndetësor dhe promocionit të NJVKSH Gjirokastër organizuan me nje grup femijësh pjesë e kampit veror ,pranë QKF- Bashkia Gjiokastër ,duke i informuar ata ,mbi rreziqet dhe pasojat që sjell ekspozimi në diell ndaj të nxehtit stinor .

✅ Gjatë bashkëbisedimit dhe informimit shëndetësor ju kërkua fëmijëve të tregojnë kujdes personal në këto ditë të nxehta dhe të aplikojnë masa personale mbrojtëse dhe parandaluese si:

1️⃣ Evitoni lëvizjet nga ora 11:00 deri në 18:00 ☀️. Nëse është e domosdoshme, përdorni veshje të lehta pambuku, kryesisht të bardha 👕, kapele 👒 dhe syze dielli 🕶️.

2️⃣ Konsumoni ujë të pijshëm në sasi të mjaftueshme 💧 për të zëvendësuar lëngjet e humbura nga temperaturat e larta dhe djersitja.

3️⃣ Qëndroni në ambiente të freskëta, ose në hije, ose në dhoma me ajër të kondicionuar në temperatura 18–22°C ❄️.

-Konsumoni ushqimet jo me shume se 2 ose 3 ore mbas gatimit dhe ruajni ato, ne kushte frigoriferike.

4️⃣ Shmangni konsumimin e pijeve energjike.

Për të gjithë fëmijët pjesmarrës në takim,u shpërndanë flet-palosje me informacion specifik, për kujdesin që duhet treguar në stinën e nxehtë të verës.