Njësia Vendore e Kujdesit Shëndetësor Korçë

22/04/2026

📢 NJVKSH Korçë, në bashkëpunim me DRAP, organizon trajnim për mësuesit e edukimit fizik të shkollave në qytet dhe fshat, me fokus depistimin e hershëm të skoliozës tek nxënësit.

🎯 Qëllimi i këtij trajnimi është rritja e njohurive dhe aftësive për identifikimin në kohë të problemeve të shtyllës kurrizore, duke ndihmuar në parandalimin dhe trajtimin e hershëm.

🏫 Së bashku për një shëndet më të mirë të fëmijëve!

17/04/2026

17/04/2026

📌Takime me personelin shëndetësor, pacientë, familjarë të Rajoneve dhe 1,2,3,4 për planifikim të mamografive përgjatë gjithë vitit.
Ekzaminimi i mamografisë - Kujdes për shëndetin tuaj!
📌Mamografia një ekzaminim i rëndësishëm për zbulimin e hershëm të sëmundjeve të gjirit.

Mamografia rekomandohet veçanërisht për gratë mbi 40 vjeç, por edhe më herët nëse ka faktorë risku. Zbulimi në kohë rrit ndjeshëm mundësitë për trajtim të suksesshëm.

📍 Shërbimi kryhet pranë Poliklinikës Korçë
🕒 Procedurë e shpejtë, e sigurt dhe pa dhimbje

Mos e neglizhoni kontrollin – shëndeti juaj është prioritet! 💗

07/04/2026

📌Në kuadër të Ditës Botërore të Shëndetit,7 Prill,
përcjellim mesazhin se shëndeti është themeli i mirëqenies së çdo individi dhe komuniteti.
🔺Kujdesi për ushqyerjen,
🔺Aktiviteti fizik,
🔺Kontrollet periodike janë hapa të rëndësishëm për një jetë më të shëndetshme.
📌Le të punojmë së bashku për të rritur ndërgjegjësimin dhe për të promovuar kujdesin ndaj shëndetit për të gjithë.

01/04/2026

19/03/2026

🦷🌍 Dita Botërore e Shëndetit Oral

Shëndeti oral është një pjesë thelbësore e mirëqenies sonë të përgjithshme. Një buzëqeshje e shëndetshme nuk reflekton vetëm estetikë, por edhe kujdes dhe përgjegjshmëri ndaj vetes.

📌 Kujdesi i përditshëm për gojën ndihmon në parandalimin e:
✔️ Kariesit dentar
✔️ Sëmundjeve të mishrave të dhëmbëve
✔️ Infeksioneve orale

💡 Mos harroni:
🔹 Lani dhëmbët të paktën 2 herë në ditë
🔹 Përdorni fill dentar
🔹 Kufizoni sheqernat
🔹 Kryeni kontrolle periodike tek dentisti

Le të ndërgjegjësohemi së bashku për rëndësinë e shëndetit oral dhe të promovojmë zakone të shëndetshme që në moshë të vogël.

😊 Një buzëqeshje e shëndetshme, një jetë më e mirë!

04/03/2026

🌙💤 Rëndësia e gjumit për shëndetin fizik dhe mendor tek fëmijët..
Në kuadër të aktiviteteve promovuese të shëndetit në shkollat 9-vjeçare: Sevasti Qiriazi, shkolla 9-vjeçare Veliterne dhe Agimi Maliq , u theksua rëndësia e gjumit si një nga faktorët kryesorë për rritjen dhe zhvillimin e shëndetshëm të fëmijëve.
Gjatë gjumit:
✅ Trupi çlodhet dhe rigjenerohet
✅ Forcohet sistemi imunitar
✅ Përmirësohet kujtesa dhe përqendrimi
✅ Stabilizohet gjendja emocionale
✅ Ndihmohet rritja fizike dhe zhvillimi hormonal

Fëmijët e moshës shkollore kanë nevojë mesatarisht për 9–11 orë gjumë çdo natë. Mungesa e gjumit mund të sjellë lodhje, nervozizëm, vështirësi në përqendrim, ulje të performancës në mësime dhe dobësim të mbrojtjes imunitare.

📵 Rekomandohet:
• Të shmanget përdorimi i telefonit dhe pajisjeve elektronike para gjumit
• Të krijohet një orar i rregullt fjetjeje
• Të sigurohet një ambient i qetë dhe i errët për gjumë

Gjumë i mirë sot do të thotë fëmijë më të shëndetshëm, më të qetë dhe më të suksesshëm nesër! 🌟