31/10/2022
Gripi i Stinës
Gripi sezonal karakterizohet nga fillimi i menjëhershëm i etheve, kollës (zakonisht e thatë), dhimbje koke, dhimbje muskujsh dhe kyçesh, dhimbje fyti dhe rrjedhje hundësh. Kolla mund të jetë e rëndë dhe mund të zgjasë 2 ose më shumë javë. Shumica e njerëzve shërohen nga ethet dhe simptomat e tjera brenda një jave pa kërkuar kujdes mjekësor. Por gripi mund të shkaktojë sëmundje të rënda ose vdekje veçanërisht te njerëzit në rrezik të lartë.
Mund të preken të gjitha grupmoshat, por ka grupe që janë më të rrezikuara se të tjerët si:
• gratë shtatzëna
• fëmijët nën 59 muajsh
• të moshuarit
• individët me sëmundje kronike mjekësore (si sëmundjet kronike kardiake, pulmonare, renale, metabolike, neurozhvillimore, të mëlçisë ose hematologjike).
• individët me kushte imunosupresive (të tilla si HIV/AIDS, marrja e kimioterapisë ose steroideve, ose sëmundje malinje).
• punonjësit e kujdesit shëndetësor janë në rrezik të lartë për t'u infektuar me virusin e gripit për shkak të ekspozimit të shtuar ndaj pacientëve dhe rrezikut të përhapjes së mëtejshme.
