08/06/2026
Ky vit ka qenë sfidues për mua.
Pas një kapitulli 10-vjeçar te suksesshëm në sektorin farmaceutik, hapa një faqe të re, në një ambient të ri dhe në një lokacion të ri,duke patur gjithmonë pranë Familjen!
Ajo që më emocionoi më shumë ishte të gjeja aty pacientë të vjetër.
Ata bënin rrugë për të ardhur tek unë, ndërsa sot jam unë që kam ardhur pranë tyre.
Shumë të tjerë më kanë ndjekur përtej distancës dhe mundësive fizike, duke më dëshmuar se askush nuk ka qenë thjesht kalimtar në rrugetimin tim! Së bashku kemi ndërtuar një marrëdhënie të bazuar në besim,korrektesë dhe përkushtim.
Gjatë këtij viti fituam edhe shumë pacientë të rinj, të cilët na besuan shëndetin e tyre falë kujdesit dhe cilësise që përpiqemi të ofrojmë çdo ditë.
Ky është shpërblimi më i madh për mua. Një vlerë që nuk matet me shifra monetare, por me besimin që kam mbjellë dhe kam marrë në këmbim gjatë gjithë këtyre viteve.
Për ta kompletuar sa më shumë shërbimin farmaceutik, së shpejti do të sjellim edhe kryerjen e analizave laboratorike, analizave mikrobiologjike dhe ndjekjen profesionale të terapive.
Kjo ka qenë një tjetër ëndërr e imja, e cila tashmë po bëhet realitet.
Faleminderit nga zemra për mbështetjen, besimin dhe dashamirësinë tuaj.
Me mirënjohje,
Antigona
