Եվրոպացի մասնագետների նախագծով 2001 թ. հիմնադրված «Արփիմեդ» դեղագործական ընկերությունը ժամանակակից հայկական դեղարտադրող ընկերություն է՝ դեղագործական շուկայի զարգացման առաջադեմ միտումներով և հավաստագրված է Պատշաճ Արտադրական Գործունեության ու որակի կառավարման ստանդարտների միջազգային չափանիշներին համապատասխան: Առաջատար դիրք գրավելով ՀՀ-ում, ընկերությունն այսօր զբաղվում է ներարկման լուծույթների ու աչք
ի ստերիլ քսուքների, դեղահատերի, դեղապատիճների, քսուքների, նրբաքսուքների, դոնդողների (հելեր), ներքին և արտաքին օգտագործման լուծույթների արտադրությամբ:
«Արփիմեդ»-ի երկարաժամկետ ռազմավարությունը Հայաստանի և այլ երկրների բնակչությանը որակյալ, արդյունավետ, անվտանգ և մատչելի դեղերով ապահովելն է:
Արփիմեդը հայկական այն բացառիկ դեղարտադրողներից է, որը 2014 թ.-ին հաջողությամբ անցել է GMP միջազգային աուդիտը Ուկրաինայի բժշկական արտադրանքների Պետական վարչության կողմից և ստացել PIC/S պահանջներին, ԵՄ դիրեկտիվներին և ԱՀԿ պահանջներին համապատասխան միջազգային GMP հավաստագիր:
Ընկերությունն անցել է նաև ՀՀ ԱՆ Դեղերի և Բժշկական տեխնոլոգիաների փորձագիտական կենտրոնի հավաստագրման գործընթացը և ստացել է ՊԱԳ համապատասխանության ազգային հավաստագիր: «Արփիմեդ»-ն ունի նաև որակի կառավարման ISO 9001 հավաստագիր՝ շնորհված գերմանական “TÜV Rheinland” ընկերության կողմից:
«Արփիմեդ»-ի փաթեթն այսօր ներառում է ավելի քան 150 անուն պահանջված և մասնագետների ու սպառողների վստահությանն արժանացած դեղեր: Արտադրանքը կիրառվում է բժշկության գրեթե բոլոր ոլորտներում, այն արդյունավետությամբ ու անվտանգությամբ ոչ միայն չի զիջում արտասահմանյան ճանաչված ընկերությունների համանուն դեղերին, այլև առողջ մրցակցության լուրջ հիմքեր է առաջադրում:
«Արփիմեդ» դեղագործական ընկերությունը ՀՀ համար ունի նաև ստրատեգիական նշանակություն, քանի որ արտադրանքի ավելի քան 65 տոկոսն ընդգրկված է հիմնական դեղերի ցանկում, և իրականացվում է առաջնային նշանակության դեղորայքի արտադրություն՝ արտակարգ իրավիճակների դեպքում հանրապետությանն անհրաժեշտ ծավալի դեղորայքով ապահովելու համար:
Արփիմեդի աշխատակիցները պարբերաբար վերապատրաստվում են արտերկրում, ծանոթանում դեղագործական ոլորտի նորագույն ձեռքբերումներին և կիրառում իրենց փորձը գործնականում:
Ընկերությունը նաև ուսումնաարտադրական բազա է, որտեղ կատարելագործվում են երկրի տարբեր բուհերի ուսանողների գործնական հմտությունները:
«Արփիմեդի» տարեկան շրջանառության գրեթե կեսը կազմում է արտահանվող դեղորայքը: Ընկերության արտադրանքը հաջողությամբ ներկայացված է մի շարք երկրներում՝ Ուկրաինայում, Բելառուսում, Վրաստանում, Ուզբեկստանում, Ղրղզստանում, Ղազախստանում, ինչպես նաև Եմենում: Հարկ է նշել, որ դեղերի արտահանման ծավալը տարեցտարի մեծանում է, տեսականին՝ հարստանում:
