03/06/2026
📌 Ապրիլի 27-ից մայիսի 8-ը «Նորք-Մարաշ» բժշկական կենտրոնի բժիշկներ Էդուարդ Պետրոսյանը («Նորք-Մարաշ» ԲԿ-ի Վերակենդանացման և ինտենսիվ թերապիայի ծառայության ղեկավար, անեսթեզիոլոգ և ինտենսիվ թերապիայի մասնագետ), Հասմիկ Մինասյանը (մանկական սրտաբան, ստացիոնարում գտնվող նորածինների և մինչև 1տ. երեխաների վարող մանկական սրտաբան, ՀՀ ԱՆ խորհրդատու մանկական սրտաբանության գծով) և Անի Մանուկյանը (մանկական սրտաբան, մեծահասակների սրտի բնածին արատով զբաղվող մասնագետ) վերապատրաստման նպատակով (observership) մեկնել էին ԱՄՆ Տեխաս նահանգի Հյուսթոն քաղաքի Texas Children’s Hospital:
🏥🫀Այս կենտրոնը աշխարհի լավագույն կենտրոններից մեկն է, որը նաև այս պահին առաջատարն է ԱՄՆ-ում մանկական սրտաբանության և սրտային վիրաբուժության ոլորտում (ըստ US NEWS-ի): Այստեղ զբաղվում են սրտի բնածին արատների ախտորոշմամբ, բուժմամբ և հսկողությամբ, ինչպես նաև կատարում են սրտի փոխպատվաստում և այդ հիվանդների հսկողություն:
👨⚕️👩⚕️ Մեր բժիշկները, վերազինված նոր գիտելիքներով ու փորձով, արդեն Հայաստանում են՝ պատրաստ իրենց փորձով կիսվելու գործընկերների հետ, ինչպես նաև ավելի բարելավելու մեր կենտրոնում բուժում ստացող հիվանդների բուժման արդյունքները:
😊 Շնորհակալ ենք մեր հայրենակցուհուն՝ Լառա Շեքերդեմյանին, ով վերոնշյալ կենտրոնի մանկաբուժության գծով տնօրենն է (Pediatrician in-Chief at Texas Children’s Hospital), Պատրիսիա Բաստեռոյին՝ նորածնային սրտային ԻԹԲ-ի կլինիկական ղեկավարին (Clinical Director, NeoCICU), ինչպես նաև Մէկ Սիրտ (Meg Sird, megsird.org) բարեգործական հիմնադրամին այս բացառիկ և կարևոր վերապատրաստումը հնարավոր դարձնելու համար:
