Elmi-Tədqiqat Mamalıq və Ginekologiya İnstitutu

14/09/2026

Səhiyyə Nazirliyi Elmi-Tədqiqat Mamalıq və Ginekologiya İnstitutunun mama-ginekoloqu Zinyət Muradova izah edir:

Doğuşun başladığını əvvəlcədən necə müəyyən etmək olar?

Bu və digər vacib məlumatlar üçün videoya baxa bilərsiniz. 🌸

11/09/2026

Hamiləliyin inkişafı 🤰✨

Hər həftə körpənizin inkişafında yeni bir dəyişiklik baş verir. 🌸

̇

09/09/2026

Səhiyyə Nazirliyi Elmi-Tədqiqat Mamalıq və Ginekologiya İnstitutunun mama-ginekoloqu Xanım Adıgözəlova izah edir:
Hamiləliyin ilk əlamətləri nə vaxt başlayır?

Daha ətraflı məlumat üçün videoya baxa bilərsiniz. 🌸

07/09/2026

Azərbaycan Respublikası Səhiyyə Nazirliyinin Elmi-Tədqiqat Mamalıq və Ginekologiya İnstitutunda uşaqlıqda ikiqat çapıq, placenta accreta diaqnozu ilə izlənilən riskli pasient hamiləliyin 37-ci həftəsində keysəriyyə əməliyyatına alındı.

Peşəkar tibbi yanaşma və komanda işinin nəticəsində həm ana, həm də körpənin sağlamlığı qorunaraq əməliyyat uğurla tamamlandı. 🤍

̇

29/07/2026

29/07/2026

Enjoy the videos and music you love, upload original content, and share it all with friends, family, and the world on YouTube.

28/07/2026

Bu gün Səhiyyə Nazirliyi Elmi-Tədqiqat Mamalıq və Ginekologiya İnstitutunda uzun illər peşəkarlıqla çalışan dəyərli tibb bacımızı hörmət və minnətdarlıq hissi ilə təqaüdə yola saldıq.
Direktor vəzifəsini müvəqqəti icra edən Xuraman Bağırova uzun illər tibb bacısı işləmiş Cəmilə Cəfərovaya vicdanlı və fədakar əməyinə görə təşəkkürnamə təqdim etdi. Həmçinin şöbə əməkdaşları həmkarlarının peşəkarlığını, məsuliyyətini və kollektivimizə verdiyi dəyərli töhfələri xüsusi vurğulayaraq ona gələcək həyatında və fəaliyyətində uğurlar arzuladı.
Əziz həmkarımıza İnstitutumuzun inkişafına verdiyi töhfələrə görə təşəkkür edir, yeni həyat mərhələsində möhkəm cansağlığı, xoşbəxtlik və yeni uğurlar diləyirik.

28/07/2026

Elmi Şuranın növbəti iclası keçirilib
Azərbaycan Respublikası Səhiyyə Nazirliyi Mamalıq və Ginekologiya İnstitutunda Elmi Şurasının növbəti iclası keçirilib.
İclasa Direktor vəzifəsini müvəqqəti icra edən Xuraman Bağırova sədrlik edib. İclasda Direktorun elmi işlər üzrə müavini İlham Qafarov, Elmi Şuranın üzvləri və institutun elmi əməkdaşları iştirak ediblər.
Gündəlikdə İnstitutun elmi şöbələri tərəfindən icra olunan elmi-tədqiqat işlərinin 2026-cı ilin ilk yarımili üzrə hesabatları dinlənilib.
İclas çərçivəsində "Uşaqlıq boynunun xəstəlikləri və hamiləlik: rastgəlmə tezliyi, erkən diaqnostika, proqnoz və aparma taktikası"; "Yenidoğulmuşlarda Mərkəzi Sinir Sisteminin perinatal posthipoksik zədələnmələri (diaqnostika, müalicə, proqnoz)"; "Hipoplastik endometriumun müasir bərpa üsullarının araşdırılması". mövzular üzrə təqdimatlar edilib.
Məruzələr ətrafında geniş müzakirələr aparılıb, görülən işlər qiymətləndirilib, elmi-tədqiqat fəaliyyətinin növbəti mərhələsi ilə bağlı təklif və tövsiyələr səsləndirilib.

14/07/2026

Azərbaycan Respublikası Səhiyyə Nazirliyinin Elmi-Tədqiqat Mamalıq və Ginekologiya İnstitutu ilə Qazaxıstan Respublikasının "Rudnıy Şəhər Çoxprofilli Xəstəxanası" Dövlət Müəssisəsi və "Medikara Rayon Xəstəxanası" Dövlət Müəssisəsi arasında ikitərəfli əməkdaşlıq haqqında memorandumlar imzalanıb.

Memorandumlar çərçivəsində tərəflər mama-ginekologiya və reproduktiv sağlamlıq sahəsində elmi-praktik əməkdaşlığın genişləndirilməsi, müasir tibbi bilik və təcrübənin qarşılıqlı paylaşılması, mütəxəssis hazırlığı, birgə elmi tədqiqatların aparılması, konfrans, seminar və təlimlərin təşkili, həmçinin innovativ tibbi texnologiyaların tətbiqi istiqamətində əməkdaşlıq edəcəklər.

Bu əməkdaşlıq beynəlxalq elmi əlaqələrin möhkəmləndirilməsinə, tibbi xidmətlərin keyfiyyətinin daha da yüksəldilməsinə və qadın sağlamlığı sahəsində qabaqcıl təcrübələrin paylaşılmasına mühüm töhfə verəcək.

Elmi biliklərin paylaşılması, peşəkar əməkdaşlığın inkişafı və ortaq layihələrin həyata keçirilməsi naminə atılan bu addım tərəflər arasında uzunmüddətli və səmərəli tərəfdaşlığın əsasını təşkil edir.

14/07/2026

03 - 05 iyul 2026-cı il tarixlərində Cin Xalq Respublikasının Şensi əyalətinin inzibati mərkəzi olan Sianda "Uşaq və Cəmiyyət: Sağlamlıq, İnkişaf və Qidalanma Problemləri"nə həsr olunmuş XIII Pediatrların Avrasiya Konqresi keçirilmişdir. Konqresdə Azərbaycan Respublikası Səhiyyə Nazirliyi Elmi-Tədqiqat Mamalıq və Ginekologiya İnstitutunun həkim neonatoloqları Gülnarə Məmməd-zadə, Lalə Rzayeva və Şəbnəm Qəhrəmanlı iştirak etmişlər. ETMGİ-nin “Neonatologiya” üzrə elmi şöbəsinin müdiri, t.e.d., dos. Gülnarə Məmməd-zadə 03.07.2026-cı il tarixində konqresin “Gənc Alimlər Müsabiqəsinin münsiflər heyətinin üzvü, 04.07.2026-cı il tarixində “Neonatologiya – Neonatal praktika: təcrübə mübadiləsi” sessiyasının moderatoru olmuşdur. ETMGİ-nin “Neonatologiya” üzrə elmi şöbəsinin müdiri, t.e.d., dos. Gülnarə Məmməd-zadə 04.07.2026-cı il tarixində “Neonatologiya – Neonatal praktika: təcrübə mübadiləsi” sessiyasında “Azərbaycanda yenidoğulmuşların anadangəlmə inkişaf qüsurları” mövzusunda məruzə ilə çıxış etmişdir. Bundan əlavə ETMGİ-nin əməkdaşlarının 3 tezisi konfrans materiallarında çap olunmuşdur.