Pirallahı Tibb Mərkəzi

Call Directions Contact the business

Pirallahı Tibb Mərkəzi Tibb müəssisəsi TƏBİB-in tabeliyində fəaliyyət göstərir.

İnsan həyatına toxunmaq, sağlamlığı qorumaq və ən çətin anlarda ümid olmaq böyük məsuliyyət və fədakarlıq tələb edir.Həy...
05/10/2026

İnsan həyatına toxunmaq, sağlamlığı qorumaq və ən çətin anlarda ümid olmaq böyük məsuliyyət və fədakarlıq tələb edir.

Həyatını bu peşəyə həsr edən, gecə-gündüz yorulmadan çalışan, hər qərarında insan həyatını və sağlamlığını öndə tutan bütün həkimləri Beynəlxalq Həkimlər Günü münasibətilə təbrik edirik.

Həkim olmaq yalnız müalicə etmək deyil, ümid vermək, həyata inam yaratmaqdır! 💙

Pirallahı Tibb Mərkəzinin Poliklinika şöbəsinin müdiri, həkim-nevroloq Əliyeva Nəzakət Novruz qızı uzun illər davam edən...
01/10/2026

Pirallahı Tibb Mərkəzinin Poliklinika şöbəsinin müdiri, həkim-nevroloq Əliyeva Nəzakət Novruz qızı uzun illər davam edən əmək fəaliyyətini başa vurub.

Bu münasibətlə Pirallahı Tibb Mərkəzinin direktoru Şöhrət Söyziyev Nəzakət Əliyevanın uzun illər ərzində tibb sahəsində göstərdiyi səmərəli fəaliyyətindən, peşəkarlığından və kollektivin inkişafına verdiyi töhfələrdən bəhs edib. Direktor onun məsuliyyətli və vicdanlı əməyini yüksək qiymətləndirərək, uzunmüddətli fəaliyyətinə görə təşəkkürünü bildirib.

Direktorun müavini – baş həkim Fəranə Gözəlova çıxış edərək Nəzakət Əliyevanın öz işinə olan məsuliyyətli münasibətini, peşəkar fəaliyyətini və kollektivdə qazandığı hörməti xüsusi qeyd edib, ona uzun illər ərzində göstərdiyi xidmətə görə minnətdarlığını ifadə edib.

Sonda Əliyeva Nəzakət Novruz qızına uzunmüddətli və səmərəli əmək fəaliyyətinə görə Təşəkkürnamə təqdim olunub.

Pirallahı Tibb Mərkəzinin kollektivi olaraq Nəzakət Əliyevaya uzun illər ərzində tibb sahəsinə verdiyi töhfələrə görə təşəkkür edir, bundan sonrakı həyatında möhkəm cansağlığı, xoş günlər və bütün işlərində uğurlar arzulayırıq.

25.09.2026-cı il tarixində “Yanğın təhlükəsizliyi haqqında” Azərbaycan Respublikası Qanununun 25-ci maddəsinin 3-cü bənd...
28/09/2026

25.09.2026-cı il tarixində “Yanğın təhlükəsizliyi haqqında” Azərbaycan Respublikası Qanununun 25-ci maddəsinin 3-cü bəndinə və tərtib edilmiş plan-qrafikə əsasən Pirallahı Tibb Mərkəzində şərti yanğın həyəcan siqnalı verilməklə yanğın-taktiki təlim keçirilib

Təlim Fövqəladə Hallar Nazirliyinin Dövlət Yanğın Nəzarəti Xidməti 4-cü Ərazi Dövlət Yanğın Nəzarəti İdarəsinin əməkdaşları tərəfindən təşkil olunub.

Təlimin əsas məqsədi yanğın hadisəsi zamanı tibb müəssisəsinin əməkdaşlarının operativ və düzgün davranış qaydalarını mənimsəməsi, təxliyə prosesinin təşkili, yanğın təhlükəsizliyi tədbirlərinin tətbiqi və fövqəladə hallara hazırlıq səviyyəsinin artırılması olub.

Təlim zamanı şərti yanğın həyəcanı elan edildikdən sonra əməkdaşların təxliyəsi həyata keçirilib, yanğın zamanı görülməli olan ilkin tədbirlər və təhlükəsizlik qaydaları praktiki şəkildə nümayiş etdirilib.

Təlimin sonunda əməkdaşlara yanğınsöndürən balonlardan istifadə qaydaları praktiki şəkildə nümayiş etdirilib.

Bu cür təlimlərin keçirilməsi tibb müəssisəsində təhlükəsiz iş mühitinin təmin edilməsi, əməkdaşların fövqəladə hallara hazırlığının gücləndirilməsi və mümkün risklərin minimuma endirilməsi baxımından mühüm əhəmiyyət daşıyır.

Pirallahı Tibb Mərkəzində 6 yaşlı uşaqların vaksinasiyası həyata keçirilirAzərbaycanda profilaktik peyvənd təqviminə əsa...
28/09/2026

Pirallahı Tibb Mərkəzində 6 yaşlı uşaqların vaksinasiyası həyata keçirilir

Azərbaycanda profilaktik peyvənd təqviminə əsasən 6 yaşında uşaqlara DT və QPM vaksinləri tətbiq olunur:

💉DT vaksini– difteriya və tetanusa qarşı qorunmanı gücləndirir.

💉QPM vaksini– qızılca, epidemik parotit və məxmərək xəstəliklərinə qarşı immunitet yaradır.

Bu yaşda aparılan vaksinasiya əvvəlki dozalarla formalaşmış immun müdafiənin gücləndirilməsinə və uşağın məktəb yaşında yoluxucu xəstəliklərdən qorunmasına xidmət edir.

Peyvəndləri vaxtında almayan uşaqlar da müvafiq qaydalara uyğun olaraq vaksinasiya oluna bilərlər. Peyvənd statusunu dəqiqləşdirmək üçün uşağın sahə və ya ailə həkiminə müraciət etmək tövsiyə olunur.

Övladınızın peyvənd təqvimini yoxlayın – vaxtında vaksinasiya sağlam gələcəyə atılan mühüm addımdır.

🇦🇿Altı il əvvəl tariximizin ən şərəfli səhifələrindən biri yazıldı. Müzəffər Ali Baş Komandan İlham Əliyevin rəhbərliyi ...
27/09/2026

🇦🇿Altı il əvvəl tariximizin ən şərəfli səhifələrindən biri yazıldı. Müzəffər Ali Baş Komandan İlham Əliyevin rəhbərliyi ilə Azərbaycan Ordusunun göstərdiyi qəhrəmanlıq, xalqımızın sarsılmaz birliyi və hər bir sahədə nümayiş etdirilən fədakarlıq 44 günlük Zəfər yolunu tarixə yazdı.

Həkimlərimiz və tibb işçilərimiz də bu mübarizənin ön cərgəsində idi. Döyüş meydanında yaralanan hərbçilərimizin həyatını xilas etmək, onlara ilkin tibbi yardım göstərmək və müalicələrini təmin etmək üçün gecə-gündüz yorulmadan xidmət göstərdilər. Onların peşəkarlığı, cəsarəti və insan həyatına bağlılığı Zəfər yolunun mühüm hissəsinə çevrildi.

Bu şərəfli yolda Vətən uğrunda canından keçən şəhidlərimizin, o cümlədən şəhid həkim və tibb işçilərimizin əziz xatirəsini dərin ehtiramla yad edir, qazilərimizə möhkəm cansağlığı arzulayırıq.

Qəhrəman şəhidlərimizin əziz xatirəsi daim yaşayacaq!

Pirallahı rayonunda “27 Sentyabr – Anım Günü” ilə əlaqədar tədbir keçirilibTədbirdə Pirallahı Rayon İcra Hakimiyyətinin ...
26/09/2026

Pirallahı rayonunda “27 Sentyabr – Anım Günü” ilə əlaqədar tədbir keçirilib

Tədbirdə Pirallahı Rayon İcra Hakimiyyətinin başçısı Vasif İmanov, YAP Pirallahı rayon təşkilatının sədri Emil Abasov, hüquq-mühafizə orqanlarının rəhbərləri, Pirallahı Tibb Mərkəzinin direktoru Şöhrət Söyziyev, idarə, müəssisə və təşkilat rəhbərləri, şəhid ailələri və Vətən müharibəsi iştirakçıları iştirak ediblər.

Tədbir çərçivəsində ilk olaraq Gürgən qəsəbə qəbiristanlığında şəhidlərin məzarları ziyarət olunub. Şəhidlərin məzarları önünə gül dəstələri düzülüb, onların ruhuna dualar oxunub və əziz xatirələri dərin ehtiramla yad edilib.

Daha sonra tədbir iştirakçıları Pirallahı qəsəbəsində yerləşən “Vətən uğrunda” abidə kompleksinin qarşısına toplaşıblar. Burada Azərbaycanın ərazi bütövlüyü və suverenliyi uğrunda canlarından keçmiş şəhidlərin, eləcə də Azərbaycan xalqının Ümummilli Lideri Heydər Əliyevin əziz xatirəsi bir dəqiqəlik sükutla yad edilib. Ardınca Azərbaycan Respublikasının Dövlət Himni səsləndirilib və abidə kompleksinin önünə gül dəstələri qoyulub.

Şəhidlərimizin əziz xatirəsini dərin ehtiram və minnətdarlıq hissi ilə yad edirik.

Allah bütün şəhidlərimizə rəhmət eləsin!

6–12 aylıq dövr uşağın immun sisteminin möhkəmləndirilməsi baxımından mühüm mərhələlərdən biridir. Bu dövrdə peyvəndlər ...
24/09/2026

6–12 aylıq dövr uşağın immun sisteminin möhkəmləndirilməsi baxımından mühüm mərhələlərdən biridir. Bu dövrdə peyvəndlər uşaqların müxtəlif yoluxucu xəstəliklərdən qorunmasına və xəstəliklərin ağır gedişinin qarşısının alınmasına kömək edir.

6 aylıqda:

💉Pnevmokok vaksini (Pk)
💉Poliomielit vaksini (OPV)

12 aylıqda:

💉QPM vaksini – qızılca, epidemik parotit və məxmərəyə qarşı.

Peyvəndlərin vaxtında və milli immunizasiya təqviminə uyğun aparılması uşağın sağlamlığının qorunmasında mühüm əhəmiyyət daşıyır. Peyvənddən əvvəl uşağın həkim tərəfindən müayinəsi və sağlamlıq vəziyyətinin qiymətləndirilməsi vacibdir.

✅Valideynlərə tövsiyə:

Övladınızın peyvənd təqvimini izləyin və peyvəndlərin vaxtında aparılması üçün tibb müəssisəsinə müraciət edin.

Sağlam uşaq, təhlükəsiz gələcək!

18.09.2026-cı il tarixində Pirallahı Tibb Mərkəzində “Tibb işçisinin peşəkar davranış qaydaları” mövzusunda təlim keçiri...
21/09/2026

18.09.2026-cı il tarixində Pirallahı Tibb Mərkəzində “Tibb işçisinin peşəkar davranış qaydaları” mövzusunda təlim keçirilib

Təlim TƏBİB-in Təlim və tədqiqatlar departamentinin Təlimlərin idarəolunması şöbəsinin aparıcı məsləhətçisi Ağayev Sərxan Savadxan oğlu tərəfindən keçirilib.

Təlimdə Pirallahı Tibb Mərkəzinin direktoru Şöhrət Söyziyev, direktorun müavini–baş həkim Fəranə Gözəlova, baş və böyük tibb bacıları, eləcə də aidiyyəti üzrə əməkdaşlar iştirak ediblər.

Təlimin əsas məqsədi tibb işçilərinin peşəkar fəaliyyət zamanı etik və davranış normalarına riayət etməsi, pasiyentlərlə düzgün və effektiv ünsiyyətin qurulması, tibbi xidmət zamanı pasiyent hüquqlarına və ləyaqətinə hörmətlə yanaşılması, həmçinin əməkdaşların peşəkar məsuliyyət və davranış standartları barədə biliklərinin artırılması olub.

Ağayev Sərxan çıxışında tibb işçisinin yalnız peşəkar bilik və bacarıqları ilə deyil, eyni zamanda davranışı, ünsiyyət mədəniyyəti və etik prinsiplərə münasibəti ilə də pasiyent məmnuniyyətinin formalaşmasında mühüm rol oynadığını vurğulayıb. O, pasiyentlərlə ünsiyyət zamanı diqqətli dinləmənin, aydın və düzgün məlumatlandırmanın, səbirli və nəzakətli münasibətin vacibliyindən danışıb.

Bununla yanaşı, tibb işçilərinin fəaliyyət zamanı məxfilik, məsuliyyətlilik, obyektivlik, qarşılıqlı hörmət və peşəkar ünsiyyət prinsiplərinə əməl etməsinin vacibliyi qeyd olunub.

Sonda mövzu ilə bağlı müzakirələr keçirilib və tibb işçilərinin peşəkar davranışının tibbi xidmətin keyfiyyətinin yüksəldilməsində mühüm amillərdən biri olduğu vurğulanıb. Təlimin tibb işçilərinin peşəkar və etik davranış bacarıqlarının möhkəmləndirilməsinə, pasiyentlərlə sağlam kommunikasiya mühitinin formalaşdırılmasına və xidmət keyfiyyətinin daha da artırılmasına töhfə verəcəyi qeyd olunub.

20 Sentyabr – Azərbaycan Respublikasının Dövlət Suverenliyi Günüdür.Bu əlamətdar gün xalqımızın milli iradəsinin, ərazi ...
20/09/2026

20 Sentyabr – Azərbaycan Respublikasının Dövlət Suverenliyi Günüdür.

Bu əlamətdar gün xalqımızın milli iradəsinin, ərazi bütövlüyümüzün və dövlət suverenliyimizin təntənəsini ifadə edir. Qürurla yaşatdığımız bu tarix gələcək nəsillərə ötürəcəyimiz şanlı irsimizdir.

Dövlət suverenliyimiz əbədi olsun! 🇦🇿

10.09.2026-cı il tarixində Pirallahı Tibb Mərkəzində SESDA (Sinam Elektron Sənəd Dövriyyəsi və Arxiv) sistemi ilə bağlı ...
11/09/2026

10.09.2026-cı il tarixində Pirallahı Tibb Mərkəzində SESDA (Sinam Elektron Sənəd Dövriyyəsi və Arxiv) sistemi ilə bağlı təlim keçirilib.

Təlim Ümumi şöbənin kargüzarı Orucova Nərminə tərəfindən keçirilib. Təlimdə Pirallahı Tibb Mərkəzinin direktor müavini-baş həkim Fəranə Gözəlova, baş və böyük tibb bacıları, eləcə də digər əməkdaşlar iştirak ediblər.

Təlim zamanı Orucova Nərminə SESDA sisteminin müasir iş prosesində əhəmiyyəti barədə ətraflı məlumat verib. Bildirilib ki, elektron sənəd dövriyyəsi sənədlərin daha operativ şəkildə hazırlanmasına, göndərilməsinə, qəbul edilməsinə və icrasına nəzarətin təmin olunmasına imkan yaradır. Sistem vasitəsilə sənədlərin hərəkətinin elektron şəkildə izlənilməsi, onların vaxtında icraya yönləndirilməsi və arxivləşdirilməsi iş prosesinin daha səmərəli və çevik təşkilinə şərait yaradır.

Həmçinin SESDA sisteminin sənədlərin təhlükəsiz və sistemli şəkildə saxlanılması, kağız sənəd dövriyyəsinin azaldılması, vaxt itkisinə yol verilməməsi və əməkdaşlar arasında məlumat mübadiləsinin operativ həyata keçirilməsi baxımından mühüm əhəmiyyət daşıdığı qeyd olunub.

Təlim çərçivəsində əməkdaşlara sistemdən istifadə qaydaları, sənədlərin elektron formada göndərilməsi və qəbulu, sənədlərin icra vəziyyətinin izlənilməsi, elektron arxivləşdirmə və digər funksiyalar barədə praktiki məlumatlar təqdim edilib.

Sonda iştirakçıların SESDA sistemi ilə bağlı sualları cavablandırılıb, onları maraqlandıran məsələlər ətrafında fikir mübadiləsi aparılıb.

Address

Bakı şəhəri Pirallahı Rayonu Kamil Rzayev 22/13
Baku

Telephone

+994124570748

Website

Alerts

Be the first to know and let us send you an email when Pirallahı Tibb Mərkəzi posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Pirallahı Tibb Mərkəzi:

Shortcuts

Share

Category