Azerbaijan Thalassaemia Federation

19/06/2026

1 iyun tarixində keçirilən tədbirimizin təlimçilərindən biri Azərbaycan Talassemiya Federasiyasının sədr müavini Gülgün Abbasova oldu.
Gülgün xanım “Motivasiya və pasiyent hüquqları” mövzusunda təqdimatla çıxış etdi.
Təlim zamanı iştirakçılar pasiyent hüquqları, onların cəmiyyət həyatında fəal iştirakı, öz hüquqlarını bilməyin və müdafiə etməyin vacibliyi barədə məlumat əldə etdilər. Gülgün xanım həmçinin gəncləri özlərinə inanmağa, qarşılarına məqsəd qoymağa, çətinliklərə baxmayaraq həyata nikbin yanaşmağa və arzularından vaz keçməməyə çağırdı.
İştirakçılar mövzuya böyük maraq göstərərək müzakirələrdə fəal iştirak etdilər, onları maraqlandıran suallara cavablar aldılar. Səmimi və motivasiyaedici atmosferdə keçən görüş gənclərə özlərinə daha çox inanmaq, fəal olmaq və gələcəyə ümidlə baxmaq üçün əlavə stimul verdi.
Gülgün Abbasovaya maraqlı və faydalı təqdimata görə təşəkkürümüzü bildiririk. Layihənin həyata keçirilməsinə göstərilən dəstəyə görə Qeyri-Hökumət Təşkilatlarına Dövlət Dəstəyi Agentliyi -a təşəkkür edirik. Gülgün Gündüz AR Səhiyyə Nazirliyi Talassemiya Mərkəzi

17/06/2026

17/06/2026

AR Səhiyyə Nazirliyi Talassemiya Mərkəzi AR Səhiyyə Nazirliyi Respublika Qan Bankı AR Səhiyyə Nazirliyi

16/06/2026

1 iyun tarixində təşkil etdiyimiz Talassemiya Pasiyentləri Məktəbindən qısa videoçarx.
Bu video həmin günün maraqlı, öyrədici və unudulmaz anlarını əks etdirir. İştirakçılarımızın sevincini, fəallığını və birlik ruhunu sizinlə bölüşürük. Layihənin həyata keçirilməsinə göstərdiyi dəstəyə görə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinə təşəkkür edirik. Qeyri-Hökumət Təşkilatlarına Dövlət Dəstəyi Agentliyi Thalassaemia Intl Federation AR Səhiyyə Nazirliyi Talassemiya Mərkəzi

14/06/2026

14 iyun – Ümumdünya Qan Donoru Günü münasibətilə Respublika Qan Bankının təşkilatçılığı ilə keçirilən tədbirdə Azərbaycan Talassemiya Federasiyasını sədr müavinləri Gülgün Abbasova və Sitara Sərdarova təmsil etdilər.
Tədbir zamanı Azərbaycan Talassemiya Federasiyası ölkəmizdə qan donorluğunun təşviqi istiqamətində uzunmüddətli fəaliyyətinə görə Respublika Qan Bankı tərəfindən Təşəkkürnamə ilə təltif olundu.
Eyni zamanda, 1 iyun tarixində keçirilmiş Talassemiya Pasiyentləri Məktəbində pasiyentlərimizin hazırladıqları və Ümumdünya Qan Donoru Gününə həsr olunmuş rəsmlər tədbir iştirakçılarına təqdim edildi. Bu rəsmlər talassemiyalı uşaqların və gənclərin qan donorlarına olan minnətdarlığının səmimi ifadəsi idi.
Azərbaycan Talassemiya Federasiyası uzun illərdir ki, ölkəmizdə könüllü və korporativ qan donorluğunun təşviqi istiqamətində fəaliyyət göstərir. Talassemiya pasiyentləri və onların ailələri olaraq donor qanının dəyərini hər kəsdən daha yaxşı anlayırıq. Məhz donorların sayəsində minlərlə pasiyent yaşayır, təhsil alır, arzular qurur və gələcəyə ümidlə baxır.
Bu əlamətdar gündə bütün qan donorlarına dərin minnətdarlığımızı bildirir, onları Ümumdünya Qan Donoru Günü münasibətilə ürəkdən təbrik edirik. AR Səhiyyə Nazirliyi Respublika Qan Bankı AR Səhiyyə Nazirliyi Talassemiya Mərkəzi Thalassaemia Intl Federation

10/06/2026

Daha çox pasiyent üçün sümük iliyi transplantasiyası imkanı yaradılıb

İcbari tibbi sığorta üzrə Xidmətlər Zərfində mühüm dəyişiklik edilib. Bu barədə Azərbaycan Respublikasının Nazirlər Kabineti müvafiq qərar verib.

Qərara əsasən, təqvim ili ərzində icbari tibbi sığorta fondunun vəsaiti hesabına maliyyələşdirilən sümük iliyi və ya hematopoetik kök hüceyrələrin transplantasiyasının say həddi artırılıb. Belə ki, əvvəllər 20 transplantasiya əməliyyatına sığorta təminatı verildiyi halda, bundan sonra bu göstərici 50-yə yüksəldilib.

Bu addım mürəkkəb və yüksək ixtisaslaşmış tibbi xidmətlərə əlçatanlığın genişləndirilməsi, eləcə də pasiyentlərin müalicə imkanlarının artırılması baxımından mühüm əhəmiyyət daşıyır.

Yeni qərarın sümük iliyi transplantasiyasına ehtiyacı olan şəxslərin vaxtında və keyfiyyətli tibbi yardım almasına müsbət töhfə verəcəyi gözlənilir.

🔗 Daha ətraflı: https://nk.gov.az/az/senedler/qerarlar/azerbaycan-respublikasi-nazirler-kabinetinin-2020-9539

21/05/2026

Azərsun Holdinq artıq 15 ildən çoxdur ki, hər ilin may ayında talassemiya pasiyentlərinə dəstək məqsədilə qanvermə aksiyası təşkil edir.
Azərbaycan Talassemiya Federasiyası və talassemiya pasiyentləri adından şirkət rəhbərliyinə bu nümunəvi sosial təşəbbüsə və illərdir göstərilən davamlı dəstəyə görə dərin minnətdarlığımızı bildiririk.
Eyni zamanda, qanvermə aksiyalarının təşkilində və donor qanının toplanmasında göstərdikləri əmək və dəstəyə görə Qan Bankına da təşəkkür edirik. Respublika Qan Bankı Talassemiya Mərkəzi

16/05/2026

Bu gün, mayın 16-da Azərbaycan Talassemiya Federasiyası İctimai Birliyi Qeyri-Hökumət Təşkilatlarına Dövlət Dəstəyi Agentliyinin təşkilatçılığı ilə keçirilən Türk Dövlətləri Təşkilatına üzv ölkələrin qeyri-hökumət təşkilatlarının II Həmrəylik Forumunda iştirak edib.
Azərbaycan Talassemiya Federasiyasını forumda İdarə Heyətinin üzvü Samirə Sərkarova təmsil edib.

14/05/2026

Bu gün, 14 may tarixində Azərbaycan Talassemiya Federasiyası “Bakı Şəhərsalma Həftəsi” çərçivəsində Gülüstan Sarayında keçirilən Qlobal Cənub QHT Platformasının I Baş Assambleyasında iştirak edib.
Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin təşkilatçılığı ilə keçirilən tədbirdə Latın Amerikası, Afrika, Asiya və Sakit okean hövzəsi regionlarını təmsil edən 110-dan çox ölkədən QHT nümayəndələri iştirak ediblər.
Azərbaycan Talassemiya Federasiyasını tədbirdə İdarə Heyətinin üzvü Samirə Sarkarova təmsil edib.
Tədbir beynəlxalq əməkdaşlığın gücləndirilməsi, humanitar təşəbbüslərin inkişafı və vətəndaş cəmiyyətləri arasında təcrübə mübadiləsinin aparılması baxımından mühüm əhəmiyyət daşıyıb.

08/05/2026

8 May Beynəlxalq Talassemiya Günü münasibətilə Azərbaycan Talassemiya Federasiyası tərəfindən bir sıra sosial və maarifləndirici tədbirlər həyata keçirilib.

Gün İctimai TV-də təşkil olunan qanvermə aksiyası ilə başlayıb. Talassemiya pasiyentlərinə dəstək məqsədilə keçirilən aksiyada çoxsaylı könüllü donorlar iştirak ediblər.

Azərbaycan Talassemiya Federasiyası uzun illərdir qanvermə aksiyalarına və sosial layihələrə göstərilən dəstəyə görə İctimai TV-yə və bütün tərəfdaş qurumlara təşəkkürünü bildirir.

Daha sonra talassemiya pasiyentləri və onların ailələri Gənclik Mall-da yerləşən Cinemastercard kinoteatrında “Super Mario” filmini izləyiblər.
Azərbaycan Talassemiya Federasiyası uşaqlara bu gözəl günü yaşatdığı və filmi izləmək imkanı yaratdığına görə “CineMastercard” kinoteatrlar şəbəkəsinə təşəkkürünü bildirir.
Tədbir çərçivəsində uşaqlara qida paketləri təqdim olunub. Federasiya tədbirin təşkilinə dəstək göstərən bütün sponsor və tərəfdaşlara minnətdarlığını bildirir.
Beynəlxalq Talassemiya Günü münasibətilə həyata keçirilən “Talassemiyanı işıqlandır” layihəsi çərçivəsində isə bu gün saat 20:00-dan etibarən Qız Qalası və SOCAR Tower qırmızı rənglə işıqlandırılacaq. Bununla Azərbaycan talassemiya ilə bağlı qlobal həmrəylik təşəbbüsünə qoşularaq pasiyentlərə dəstək mesajı verəcəkdir.
Talassemiya qan xəstəliyidir. Hazırda Azərbaycanda minlərlə talassemiya pasiyenti müalicə alır.
Azərbaycan Talassemiya Federasiyası ölkəmizdə talassemiya sahəsinə göstərilən diqqət və qayğıya görə Azərbaycan Respublikasının Prezidenti cənab İlham Əliyevə, Birinci vitse-prezident hörmətli Mehriban xanım Əliyevaya, bütün dəstəkçi qurumlara, qan donorlarına, həkimlərə və əməyi olan hər kəsə təşəkkürünü bildirir.
Dəstəyiniz və qayğınız üçün təşəkkür edirik.