Azerbaijan Thalassaemia Federation

02/09/2026

Nəhayət, səhiyyəmizdə çox vacib və çoxdan gözlənilən müsbət dəyişiklik!

TƏBİB-in tabeliyində fəaliyyət göstərən tibb müəssisələrində çalışan tibb işçilərinin əməkhaqlarının artırılması, xüsusilə regionlarda çalışan həkimlər üçün əlavə stimulların nəzərdə tutulması çox sevindirici və vacib addımdır.

Həkim əməyi bütün dünyada yüksək qiymətləndirilir. Çünki bu peşənin arxasında böyük bilik və məsuliyyət, ən əsası isə insan sağlamlığı və həyatı dayanır. Tibb işçilərinin əməyinin layiqincə qiymətləndirilməsi güclü səhiyyə sisteminin əsas şərtlərindən biridir.

Xüsusilə regionlarda çalışan həkimlərin stimullaşdırılmasını çox vacib hesab edirik. Regionlarda müasir tibb mərkəzlərinin və yaxşı avadanlığın olması yetərli deyil. Orada savadlı və peşəkar həkimlərin çalışması üçün də real motivasiya yaradılmalıdır.

Azərbaycan Talassemiya Federasiyası olaraq biz uzun illərdir regionlarda hematoloqların olmaması problemini qaldırırıq. Təəssüf ki, regionlarda yaşayan pasiyentlərimiz hematoloq müayinəsi və konsultasiyası üçün Bakıda yerləşən Talassemiya Mərkəzinə gəlmək məcburiyyətində qalırlar və bu problem illərdir öz həllini tapmır. Buna görə də regionlarda ixtisaslı həkimlərin olmasının nə qədər vacib olduğunu çox yaxşı bilirik.

Ümid edirik ki, bu dəyişikliklər peşəkar həkimlərin regionlarda çalışmağa marağını artıracaq və hematologiya da daxil olmaqla, ixtisaslı tibbi kadr çatışmazlığının aradan qaldırılmasına real töhfə verəcək.

Bu mühüm addıma görə Birinci vitse-prezident Mehriban xanım Əliyevaya, təşəbbüsü dəstəkləyərək onun icrası ilə bağlı müvafiq tapşırıq verən Prezident İlham Əliyevə təşəkkürümüzü bildiririk.

Ümid edirik ki, səhiyyəmizdə belə müsbət dəyişikliklərin davamı gələcək! Mehriban Aliyeva Thalassaemia Intl Federation

30/08/2026

🩸 “SƏNİN QANIN — HƏYATA DAVAM!”
28 Mall-da üç gün davam edən könüllü qanvermə aksiyamız başa çatdı.
Aksiyanın keçirilməsinə göstərilən dəstəyə görə PAŞA Malls rəhbərliyinə və əməkdaşlarına, həftəsonu olmasına baxmayaraq bizimlə birlikdə çalışan Respublika Qan Bankının komandasına təşəkkürümüzü bildiririk.
Həmçinin aksiyanın təşkilində və keçirilməsində iştirak edən Azərbaycan Talassemiya Federasiyasının və Qan Donorları Assosiasiyasının könüllülərinə minnətdarıq. ❤️
Ən böyük təşəkkürümüz isə qan donorlarınadır! Yanımızdan keçməyib dayanaraq qan verən, vaxtını ayıraraq tanımadığı bir insana kömək edən hər kəsə ürəkdən təşəkkür edirik. Unutmayaq ki, aramızda mütəmadi olaraq qan köçürülməsinə ehtiyacı olan insanlar var. Sizin verdiyiniz qan onlar üçün həyatın davamıdır. ❤️
Şirkət və təşkilatları da iş yerlərində könüllü qanvermə aksiyaları təşkil etməyə dəvət edirik. Biz təşkilati məsələlərdə sizə dəstək göstərməyə hazırıq.
📱 WhatsApp: 050 607 88 66

Xatırladaq ki, qanvermə zamanı donorun arterial təzyiqi və hemoqlobin səviyyəsi ölçülür, verilən qan isə HİV, Hepatit B, Hepatit C və sifilisə görə ödənişsiz yoxlanılır.

Növbəti aksiyalarımız haqqında məlumat almaq üçün bizi izləyin! AR Səhiyyə Nazirliyi Respublika Qan Bankı

28/08/2026

Bugünkü “28 Mall”da keçirilən qanvermə aksiyamızdan bir neçə kadr!
Aksiyanın təşkilinə göstərilən dəstəyə və yaradılan şəraitə görə PAŞA Malls rəhbərliyinə və əməkdaşlarına təşəkkürümüzü bildiririk.
Aksiyanın təşkilində əməyi olan Azərbaycan Talassemiya Federasiyasına, Qan Donorları Assosiasiyasına, eləcə də gün ərzində bizimlə birlikdə çalışan könüllülərimizə təşəkkür edirik.
Xüsusi təşəkkürümüz Respublika Qan Bankının həkim və tibb personalınadır. Saat 14:00-dan axşam 21:00-dək donorları qəbul edən, onların müayinəsini və qanvermə prosesini həyata keçirən hər bir əməkdaşa fədakar əməyinə görə minnətdarıq.
Ən böyük minnətdarlığımız isə, əlbəttə ki, donorlarımızadır! ❤️
“28 Mall”a istirahətə, alış-verişə gələn, lakin qanvermə aksiyamızı görüb yanımızdan keçməyən, vaxt ayıraraq qan verən hər bir insana ürəkdən təşəkkür edirik. Sizin verdiyiniz qan kiminsə müalicəsinin davam etməsi, kiminsə sabaha ümidlə baxması deməkdir.

Xatırladırıq ki, qanvermə aksiyamız “28 Mall”da şənbə və bazar günləri də davam edəcək.
Əziz dostlar, unutmayaq ki, yanımızda hər ay donor qanına ehtiyac duyan insanlar var. Onların arasında talassemiyalı uşaqlar və gənclər də var.

Yanımızdan keçməyin. Gəlin, qan verin və bir insanın həyatına dəstək olun! ❤️

SƏNİN QANIN — HƏYATA DAVAM!

27/08/2026

❤️ “SƏNİN QANIN — HƏYATA DAVAM!”

Əziz dostlar, növbəti könüllü qanvermə aksiyamız bu həftəsonu 28 Mall-da keçiriləcək!

Sağlamlığı imkan verən 17–65 yaş arası hər kəsi qan donoru olmağa və aksiyamıza qoşulmağa dəvət edirik.

Talassemiyalı pasiyentlər mütəmadi olaraq qan köçürülməsinə ehtiyac duyurlar. Sizin verdiyiniz qan onlar üçün həyati əhəmiyyət daşıyır.

Bu həftəsonu bizə qoşulun. Qan verin, bir insanın həyatına dəstək olun!

Sizi 28 Mall-da gözləyirik! ❤️❤️❤️

26/08/2026

❤️❤️❤️ Bu gün çox hörmətli Mehriban xanım Əliyevanın doğum günüdür.
Azərbaycan Talassemiya Federasiyası olaraq, talassemiyalı bütün pasiyentlər və onların ailələri adından Mehriban xanımı doğum günü münasibətilə ürəkdən təbrik edirik!
Talassemiyalı pasiyentlərə göstərdiyi sonsuz qayğı, səmimi dəstək və böyük humanizm onların vaxtında müalicə almasına, həyata ümidlə bağlanmasına və gələcəyə inamla addımlamasına əvəzsiz töhfə verir. Mehriban xanımın diqqəti və xeyirxahlığı bir çox ailə üçün ümid, güvən və işıq deməkdir.
Çox hörmətli Mehriban xanıma möhkəm cansağlığı, xoşbəxtlik, ailə səadəti, firavanlıq və sevdikləri ilə birlikdə uzun, mənalı ömür arzulayırıq.

Ad gününüz mübarək, Mehriban xanım! Dərin hörmətimizi, sonsuz minnətdarlığımızı və ən xoş arzularımızı çatdırırıq!❤️❤️❤️
Mehriban Aliyeva Heydar Aliyev Foundation Thalassaemia Intl Federation

24/08/2026

21, 22 və 23 avqust tarixlərində Deniz Mall-da Azərbaycan Talassemiya Federasiyasının PAŞA Malls və Respublika Qan Bankı ilə birgə təşkil etdiyi könüllü qanvermə aksiyası keçirildi.
Bu üç gün ərzində, insanların çoxunun istirahət etdiyi həftəsonu günləri də daxil olmaqla, biz bir məqsəd üçün çalışdıq — daha çox qan donoru cəlb etmək və qan köçürülməsinə ehtiyacı olan pasiyentlərə dəstək olmaq.
Azərbaycan Talassemiya Federasiyası çağırışımıza dərhal reaksiya verərək aksiyanın təşkilinə və keçirilməsinə göstərdikləri dəstəyə görə PAŞA Malls rəhbərliyinə və əməkdaşlarına dərin təşəkkürünü bildirir.
Həmçinin istirahət günlərində bizimlə birlikdə çalışan Respublika Qan Bankının əməkdaşlarına, aksiyanın üç günü ərzində prosesə dəstək olan Azərbaycan Talassemiya Federasiyasının nümayəndələrinə və könüllülərinə xüsusi təşəkkür edirik.
Və əlbəttə, ən böyük təşəkkürümüz qan donorlarınadır. ❤️
Deniz Mall-a ailəsi və dostları ilə istirahət etməyə gəlib, qan verməklə xeyirxah bir addım atan və kiminsə həyatına ümid olan hər kəsə ürəkdən təşəkkür edirik.
Siz sadəcə qan vermədiniz — özünüzdən bir parça paylaşaraq uşaqlarımızın sağlamlığına və həyatına dəstək oldunuz.

Növbəti paylaşımlarımızı izləyin. Gələn həftənin sonunda Gənclik Mall-da keçirilməsi planlaşdırılan qanvermə aksiyası ilə bağlı ətraflı məlumatı növbəti paylaşımlarımızda təqdim edəcəyik. Dəniz Mall AR Səhiyyə Nazirliyi Respublika Qan Bankı AR Səhiyyə Nazirliyi Talassemiya Mərkəzi

Hər birinizə təşəkkür edirik!

22/08/2026

22/08/2026

🩸 SƏNİN QANIN — HƏYATA DAVAM!

Bu gün — 22 avqust və sabah — 23 avqust tarixlərində Dəniz Mall-da Azərbaycan Talassemiya Federasiyası, PASHA Malls və Respublika Qan Bankının birgə təşkilatçılığı ilə könüllü qanvermə aksiyası keçirilir.

📍 Dəniz Mall
📅 22–23 avqust
⏰ 15:00–21:00

Əgər çoxdan qan vermək istəyirdiniz, amma vaxt tapa bilmirdinizsə, bu gün və sabah bizə qoşula bilərsiniz.

Yay aylarında qan ehtiyatlarına ehtiyac xüsusilə artır. Talassemiya və digər xəstəliklərlə yaşayan pasiyentlər üçün donor qanı həyati əhəmiyyət daşıyır. Sizin verdiyiniz qan kiminsə müalicəsinin davam etməsinə, kiminsə həyatının xilasına kömək edə bilər.

Qan verə bilən hər kəsi aksiyamıza qoşulmağa dəvət edirik. Gəlin birlikdə həyat verək!

Sənin qanın — həyata davam! PASHA Malls AR Səhiyyə Nazirliyi Respublika Qan Bankı AR Səhiyyə Nazirliyi Talassemiya Mərkəzi Thalassaemia Intl Federation

21/08/2026

Bu gün, 21 avqust tarixində Azərbaycan Talassemiya Federasiyasının təşəbbüsü ilə MPAY QSC-də ilk dəfə könüllü qanvermə aksiyası keçirildi.
Bu aksiya ilə MPAY QSC korporativ qan donorluğu təşəbbüsünə ilk dəfə qoşuldu. Göstərilən dəstəyə və sosial məsuliyyətə görə MPAY rəhbərliyinə və kollektivinə, həmçinin Respublika Qan Bankının rəhbərliyinə və tibb heyətinə təşəkkürümüzü bildiririk.
Yay aylarında qan ehtiyatlarına ehtiyac xüsusilə artır. Talassemiyalı pasiyentlərin və qana ehtiyacı olan digər insanların həyatı üçün donor qanı son dərəcə vacibdir.
Qan verə bilən hər kəsə müraciət edirik: donor olun, qan verin, həyata dəstək olun!
SƏNİN QANIN — HƏYATA DAVAM! ❤️ MPAY AR Səhiyyə Nazirliyi Respublika Qan Bankı AR Səhiyyə Nazirliyi Talassemiya Mərkəzi

07/08/2026

❤️Bəzən bir insanın həyatını dəyişmək üçün saatlar deyil, cəmi bir neçə dəqiqə kifayət edir. Məhz qanverməyə sərf etdiyiniz o bir neçə dəqiqə…
Siz qan verdiyiniz insanı heç vaxt tanımayacaqsınız.
O da bəlkə heç vaxt sizin kim olduğunuzu bilməyəcək.
Amma sizin bu gün etdiyiniz seçim kiminsə müalicəsinin davam etməsinə, uğurlu əməliyyat keçirməsinə və yenidən ailəsinə qovuşmasına səbəb ola bilər.
7 avqust tarixində Azərbaycan Talassemiya Federasiyasının təşəbbüsü, Azərbaycan Kənd Təsərrüfatı Nazirliyinin təşkilatçılığı və Respublika Qan Bankının dəstəyi ilə növbəti qanvermə aksiyası keçirildi.
Bu nəcib təşəbbüsə göstərilən dəstəyə görə Azərbaycan Kənd Təsərrüfatı Nazirliyinin rəhbərliyinə, aksiyada iştirak edən bütün əməkdaşlara, Respublika Qan Bankına və ən əsası, könüllü olaraq qan verən bütün donorlarımıza səmimi təşəkkürümüzü bildiririk.
Bu gün Azərbaycanda 2000-dən çox talassemiya pasiyenti yaşayır. Onların hər biri müalicə almaq üçün hər ay müntəzəm qan köçürülməsinə ehtiyac duyur. Bununla yanaşı, qan və onun komponentləri ağır əməliyyatlar, yol-nəqliyyat hadisələri, onkoloji və hematoloji xəstəliklərin müalicəsi, eləcə də digər təxirəsalınmaz tibbi hallarda minlərlə insanın həyatını xilas edir.
Yay aylarında donorların sayı azalır. Lakin xəstəliklər məzuniyyətə çıxmır, əməliyyatlar təxirə salınmır və qana olan ehtiyac heç vaxt dayanmır. Buna görə də Respublika Qan Bankının ehtiyatlarının daim yenilənməsi hər birimizin dəstəyi ilə mümkündür.
Bu gün verdiyiniz qan sabah kiminsə həyatı üçün ən dəyərli hədiyyə olacaq.
Qan verin. Çünki bu gün məhz kimsə sizin köməyinizi gözləyir. ❤️