06/10/2026
🎉 Azərbaycanda Köməkçi Məhsullara Əlçatanlığın Gücləndirilməsi
ÜST-nin komandası yenidən bölgədədir — bu dəfə Gəncədə - ilkin səhiyyə səviyyəsində çalışan həkim və tibb bacıları üçün Köməkçi Məhsullar üzrə Təlimləri davam etməkdədir. Proqram ÜST-nin Azərbaycan Ofisi, Səhiyyə Nazirliyi, TƏBIB və Əmək və Əhalinin Sosial Müdafiəsi Nazirliyi ilə əməkdaşlıq çərçivəsində və Irlandiya Hökümətinin dəstəyi ilə həyata keçirilir.
Təlimlər ÜST-nin Learning on TAP rəqəmsal platforması üzərindən Köməkçi Texnologiyalar Kursu vasitəsilə keçirilir və artıq tam olaraq Azərbaycan dilində mövcuddur 👉 https://www.gate-tap.org/course-list/assistive-technology/.
Gəncə şəhərində 335,000 nəfər əhaliyə xidmət göstərən ilkin səhiyyə həkim və tibb bacılarından ibarət yeni qrup, funksional məhdudiyyətləri müəyyən etmək, köməkçi məhsullara olan ehtiyacları qiymətləndirmək və müvafiq məhsul və xidmətlərə yönləndirmək üzrə bilik və praktiki bacarıqlarını gücləndirir.
Bu təşəbbüs Azərbaycanda daha inklüziv və dayanıqlı köməkçi texnologiyalar sisteminin qurulmasına doğru mühüm addım hesab olunur — ilkin səhiyyədə erkən aşkarlama və vaxtında yönləndirmə standart təcrübəyə çevrilir. Bu təşəbbüs Hamı üçün Sağlamlıq yanaşmasına töhfə verərək, funksional məhdudiyyətləri olan insanların müvafiq dəstəyi almasını təmin edir və heç kəsin kənarda qalmamasını təmin edir.
Açılış nitqlərində Səhiyyə Nazirliyinin Səhiyyə siyasəti şöbəsinin müdiri Dr Ramik Quliyev, Gəncə Şəhər Birləşmiş Xəstəxanasının direktoru vəzifəsini müvəqqəti icra edən Dr Sabuhi Həsənov və ÜST-nin nümayəndəsi Dr Turanə Əliyeva Azərbaycanda keyfiyyətli köməkçi məhsul və xidmətlərə çıxışın yaxşılaşdırılmasına yönəlmiş həyata keçirilən islahatların əhəmiyyətini vurğuladılar. Onlar köməkçi məhsulların sosial inklüzivliyin təşviqində və onlara ehtiyacı olan insanların həyat keyfiyyətinin yaxşılaşdırılmasında mühüm rolunu qeyd etdilər. Həmçinin vurğulandı ki, köməkçi məhsullara çıxışın genişləndirilməsi səhiyyə xidmətlərinin keyfiyyətinin artırılması və rəqəmsal səhiyyə həllərindən istifadənin genişləndirilməsi üzrə Azərbaycanın milli prioritetləri ilə uyğundur.
Dr Ramik Quliyev həmçinin qeyd etdi ki, köməkçi texnologiyalar Universal Tibbi Təminata (UHC) nail olmaq üçün zəruri olan səhiyyə məhsullarının mühüm komponentlərindəndir. Bu baxımdan, müvafiq, əlçatan, münasib qiymətli və keyfiyyəti təmin olunmuş köməkçi məhsullara bərabər çıxışın təmin edilməsi Universal Tibbi Təminatın inkişaf etdirilməsinin mühüm elementidir.
Bu təlimlər Azərbaycanda dayanıqlı və inklüziv köməkçi texnologiya sistemlərinin qurulması istiqamətində mühüm mərhələ təşkil edir. Tədbir səhiyyə və sosial müdafiə sahələrindəki milli tərəfdaşları və beynəlxalq qurumu bir araya gətirərək bilik mübadiləsi və birgə öyrənmə üçün dəyərli platforma yaradıb. Bu təşəbbüs həmçinin ölkədə aparılan rəqəmsal səhiyyə islahatlarını və inklüziv səhiyyə xidmətlərinin inkişafını dəstəkləyir.
