Bərdə Rayon Mərkəzi Xəstəxanası

04/10/2026

4 Oktyabr Cəbrayıl Şəhəri Günüdür! 🇦🇿

6 il əvvəl rəşadətli Azərbaycan Ordusu Cəbrayıl şəhərini işğaldan azad edib.

Prezident İlham Əliyevin 31 iyul 2023-cü il tarixli Sərəncamına əsasən, hər il oktyabrın 4-ü Cəbrayıl Şəhəri Günü kimi qeyd olunur.

03/10/2026

Vətən müharibəsi iştirakçısı olan tibb əməkdaşlarımızın müharibə xatirələri

AzTV tərəfindən Bərdə Rayon Mərkəzi Xəstəxanasının Vətən müharibəsi iştirakçıları olan iki həkim və bir tibb bacısının müharibə xatirələri lentə alınıb.

Müsahibədə tibb əməkdaşlarımız Vətən müharibəsi zamanı yaşadıqları hadisələrdən, keçdikləri döyüş yolundan və həmin günlərin yaddaşlarında buraxdığı izlərdən bəhs ediblər.

02/10/2026

Tibb işçisinin peşəkar davranış qaydaları mövzusunda təlim keçirilib.

Təlimdə təlimçi qismində Bərdə Rayon Mərkəzi Xəstəxanasının direktoru Vüsal Məmmədov, baş tibb bacısı Zərif Teymurova, Pərvanə Paşayeva və Xanım Cababrova, iştirakçı qismində isə müxtəlif şöbə və bölmələrin əməkdaşları iştirak edib.

Təlim pasiyentlə ünsiyyətin əsas prinsipləri, tibb personalının etik davranış qaydaları, komanda işi, tibb işçisinin geyim qaydası, pasiyentlə ünsiyyətin əsas prinsipləri, pasiyentə necə müraciət etməli, pasiyentə qulluq alqoritmi, inyeksiyadan əvvəl pasiyentlə necə ünsiyyət qurmalı, fiziki məxfiliyin qorunması, tibbi etika və deontologiyanın əsas prinsipləri və s. mövzuları əhatə edib.

Təlimlər sual-cavab sessiyası ilə yekunlaşıb.

02/10/2026

01/10/2026

1 Oktyabr Beynəlxalq Ahıllar Günüdür.

Ahıl insanların sağlamlığının qorunması, onların tibbi və sosial ehtiyaclarına diqqət göstərilməsi cəmiyyətin hər bir üzvünün məsuliyyətidir.

01/10/2026

🎗️ Oktyabr "Süd vəzi xərçənginə qarşı mübarizə ayı"dır.

Süd vəzi xərçəngi erkən mərhələdə aşkarlandıqda müalicə imkanları əhəmiyyətli dərəcədə artır. Ən vacib addım vaxtında müayinədən keçməkdir.

✅ Ayda bir dəfə süd vəzilərinizi özünüz yoxlayın;
✅ Süd vəzilərində şiş, ölçü və ya formasında dəyişiklik, döş ucundan ifrazat və ya dəridə dəyişiklik, çökükləşmə, qalınlaşma və ya "portağal qabığı" görüntüsü kimi əlamətlərə diqqət yetirin;
✅ Belə əlamətləri görsəniz, gecikmədən həkimə müraciət edin;
✅ 40 yaşdan sonra müntəzəm olaraq mammoloq müayinəsindən keçin.

Özünüzün və yaxınlarınızın sağlamlığına biganə qalmayın! Erkən aşkarlanma və zamanında müdaxilə həyat xilas edir💗

01/10/2026

Respublika Klinik Xəstəxanasında 91 yaşlı qadın uğurla əməliyyat olunub

TƏBİB-in tabeliyindəki Respublika Klinik Xəstəxanasında 1935-ci il təvəllüdlü qadın pasiyent üzərində sol bud sümüyünün sınığının cərrahi yolla bərkidilməsi və sabitlənməsini nəzərdə tutan osteosintez əməliyyatı uğurla icra olunub.

Tibb müəssisəsinin müvafiq şöbəsində müalicəsi davam etdirilən pasiyentin vəziyyəti qənaətbəxş qiymətləndirilib və ambulator müalicə üçün evə buraxılıb.