23/10/2026
Adətən iştahanın artmasını çəki artımı ilə əlaqələndiririk. Lakin iştaha yaxşı olduğu halda səbəbsiz çəki itkisi varsa, bu vəziyyət bəzi hallarda hipertireozun əlaməti ola bilər. Hipertireoz zamanı qalxanabənzər vəz normadan artıq hormon istehsal edir və orqanizmdə bir sıra proseslər sürətlənir.
Çəki itkisinə ürəkdöyünmə, əl titrəməsi, tərləmə, istiyə dözümsüzlük, əsəbilik, yuxu pozğunluğu, əzələ zəifliyi və bağırsaq hərəkətlərinin artması da qoşula bilər. Ancaq bu əlamətlərin heç biri təkbaşına hipertireoz diaqnozu qoymaq üçün kifayət deyil.
Oxşar şikayətlər başqa səbəblərlə də yarana bilər. Buna görə simptomlar birlikdə müşahidə olunursa, qalxanabənzər vəzin funksiyası laborator müayinələrlə qiymətləndirilməlidir. Diaqnoz klinik əlamətlər və laborator nəticələrin birlikdə dəyərləndirilməsi ilə qoyulur.
📍Online şəkildə qəbula növbə ala bilərsiniz ❗️
📍Qəbula öncədən yazılmağınız tövsiyə olunur:
📞(+994)51 795 00 08
☎️ (02529) 5 00 08
