Mingəçevir Şəhər Mərkəzi Xəstəxanası

26/06/2026

Bayramın mübarək, Azərbaycan əsgəri! 🇦🇿

Vətənin müstəqilliyi və suverenliyi naminə daim keşiyimizdə dayanan, lazım gəldikdə canını belə fəda etməyə hazır olan qəhrəman hərbçilərimiz!

Sizin şücaətiniz, qətiyyətiniz və vətənə sədaqətiniz xalqımızın qürur mənbəyidir.

Bayramın mübarək, Azərbaycan əsgəri! 🇦🇿

24/06/2026

TƏBİB bütün tabeli tibb müəssisələrində vətəndaş məmnuniyyətinin qiymətləndirilməsi məqsədilə sorğu tətbiq etməyə başlayıb

TƏBİB bütün tabeli tibb müəssisələrində vətəndaş məmnuniyyətinin qiymətləndirilməsi məqsədilə sorğu tətbiq etməyə başlayıb

TƏBİB-in tabeliyində fəaliyyət göstərən tibb müəssisələrində göstərilən xidmətlərin keyfiyyətinin qiymətləndirilməsi, əks-əlaqə mexanizmlərinin təkmilləşdirilməsi və vətəndaş məmnuniyyətinin artırılması istiqamətində həyata keçirilən tədbirlər davam etdirilir.

Bu çərçivədə tibb müəssisələrində vətəndaşların rəy, təklif və şikayətlərinin operativ şəkildə toplanması məqsədilə QR kod əsaslı sorğu sistemi tətbiq olunub. Artıq sistemin tətbiqi TƏBİB tabeliyindəki bütün tibb müəssisələrində başa çatıb.

Vətəndaşlar tibb müəssisələrində yerləşdirilən QR kodu mobil cihaz vasitəsilə skan edərək göstərilən tibbi xidmətlərlə bağlı fikirlərini rahat və sürətli şəkildə bölüşə bilrlər.

TƏBİB tabeliyindəki bütün tibb müəssisələrini əhatə edən sorğu tibbi xidmətlərlə bağlı vətəndaş rəyinin yerindəcə öyrənilməsini təmin edir, əldə edilən rəylərin çevik və müvafiq həllinə şərait yaradır.

Qeyd edək ki, sorğu nəticəsində əldə olunan məlumatlar xidmət proseslərinin təhlilinə, mövcud ehtiyacların müəyyənləşdirilməsinə və operativ şəkildə aradan qaldırılmasına, nəticədə tibb müəssisələrində xidmət keyfiyyətinin davamlı təkmilləşdirilməsinə və vətəndaş məmnuniyyətinin artırılmasına yönəlir.

22/06/2026

İnsan orqanizmində hər bir toxuma və orqan özünəməxsus hərəkətliliyə malikdir. Sağlam bədəndə bu hərəkətlər bir-biri ilə əlaqələnir və orqanizmin normal fəaliyyətini təmin edir.

Osteopatiya ağrısız və dərmansız müalicə üsulu olaraq, yalnız simptomların deyil, problemin əsas səbəbinin aradan qaldırılmasına yönəlir. Bu yanaşmada həm diaqnostika, həm də müalicə həkimin əlləri vasitəsilə həyata keçirilir.

Xəstəliyin yaranma səbəbi müəyyən edilərək orqanizm bütöv bir sistem kimi qiymətləndirilir və müalicə olunur.

18/06/2026

Yaqut Qarayeva “Tərəqqi” medalı ilə təltif edilib

Azərbaycan Respublikasının Prezidenti cənab İlham Əliyevin 17 iyun 2026-cı il tarixli Sərəncamı ilə TƏBİB-in Tibbi xidmətlərin inkişafı departamentinin rəhbəri Yaqut Fəxrəddin qızı Qarayeva səhiyyə sahəsində səmərəli fəaliyyətinə görə “Tərəqqi” medalı ilə təltif edilib.

Yaqut xanımı bu münasibətlə təbrik edir, fəaliyyətində yeni uğurlar arzulayırıq.

18/06/2026

Gender bərabərliyi: bərabər hüquqlar və imkanlar

Gender bərabərliyi qadın və kişilərin cəmiyyət həyatında bərabər hüquqlara, məsuliyyətlərə və imkanlara sahib olması prinsipinə əsaslanır.

Azərbaycanda gender bərabərliyinin hüquqi əsasları 10 oktyabr 2006-cı ildə “Gender (kişi və qadınların) bərabərliyinin təminatları haqqında” Azərbaycan Respublikasının Qanunu ilə müəyyən edilib.

Qanun qadınlarla kişilər arasında hüquq və imkan bərabərliyinin təmin edilməsini, cinsi ayrı-seçkiliyin aradan qaldırılmasını, cəmiyyətdə ədalətli münasibətlərin formalaşdırılmasını hədəfləyir.

17/06/2026

Prezident İlham Əliyev səhiyyə işçilərinin təltif edilməsi haqqında Sərəncam imzalayıb.

Tibb işçilərinə göstərilən diqqətə görə Azərbaycan Respublikasının Prezidenti İlham Əliyevə dərin təşəkkürümüzü bildiririk.

Ətraflı: 🔗 https://president.az/az/articles/view/72758

17/06/2026

17 İyun – Tibb İşçilərinin Peşə Bayramı Günü münasibətilə Mingəçevir Şəhər Mərkəzi Xəstəxanasında təntənəli tədbir keçirilib.

Tədbirdən əvvəl Mingəçevir Şəhər Mərkəzi Xəstəxanasının direktoru Ülfət Qurbanov və xəstəxananın kollektivi Ümummilli Lider Heydər Əliyevin abidəsini ziyarət edərək önünə gül dəstələri düzüb, Ulu Öndərin əziz xatirəsini dərin ehtiramla yad ediblər.

Xəstəxananın akt zalında davam edən tədbirdə Mingəçevir Şəhər İcra Hakimiyyətinin başçısı İlham İsmayılov, ictimaiyyət nümayəndələri, səhiyyə işçiləri və xəstəxananın kollektivi iştirak edib.

Əvvəlcə Azərbaycan xalqının Ümummilli Lideri Heydər Əliyevin, Vətənimizin azadlığı və ərazi bütövlüyü uğrunda canlarından keçmiş qəhrəman şəhidlərimizin, eləcə də peşə fəaliyyətləri zamanı həyatlarını itirmiş səhiyyə işçilərinin əziz xatirəsi bir dəqiqəlik sükutla yad edilib. Daha sonra Azərbaycan Respublikasının Dövlət Himni səsləndirilib.

Tədbiri giriş sözü ilə açan Mingəçevir Şəhər Mərkəzi Xəstəxanasının direktoru Ülfət Qurbanov tibb işçilərini peşə bayramı münasibətilə təbrik edərək onların cəmiyyət üçün əhəmiyyətli fəaliyyətindən, ölkəmizdə səhiyyə sahəsinə göstərilən dövlət qayğısından və əldə olunan uğurlardan bəhs edib.

Tədbirdə çıxış edən Mingəçevir Şəhər İcra Hakimiyyətinin başçısı İlham İsmayılov səhiyyə işçilərinin fədakar əməyini yüksək qiymətləndirərək onları peşə bayramı münasibətilə təbrik edib, ölkədə səhiyyənin inkişafı istiqamətində həyata keçirilən tədbirlərdən danışıb.

Sonra xəstəxananın baş həkimi Mətanət Əliyeva, Səhiyyə İşçiləri Həmkarlar Şurasının sədri Allahverdi Alıyev və gənc həkim Nicat Abbaszadə çıxış edərək tibb işçilərinin cəmiyyət həyatındakı mühüm rolundan, peşənin məsuliyyətindən və səhiyyənin inkişaf perspektivlərindən söz açıblar.

Bayram münasibətilə səhiyyə sahəsində səmərəli fəaliyyət göstərən əməkdaşlar təltif ediliblər. Belə ki, Mingəçevir Şəhər İcra Hakimiyyətinin başçısı İlham İsmayılov tərəfindən iki əməkdaş fəxri fərmanla təltif olunub.

Həmçinin Mingəçevir Şəhər Mərkəzi Xəstəxanasının direktoru Ülfət Qurbanov tərəfindən bir qrup əməkdaş uzunmüddətli və nümunəvi fəaliyyətlərinə, səhiyyənin inkişafına verdikləri töhfəyə görə fəxri fərman və təşəkkürnamələrlə mükafatlandırılıb.

17/06/2026

17 İyun – Tibb İşçilərinin Peşə Bayramı Günü münasibətilə həyatımızın və sağlamlığımızın keşiyində dayanan bütün tibb işçilərini təbrik edirik.

İnsan sağlamlığının keşiyində dayanan tibb işçiləri öz peşəkarlıqları, məsuliyyətləri və fədakar əməkləri ilə cəmiyyətin rifahına mühüm töhfə verirlər. Onların gecə-gündüz göstərdikləri xidmət insanların sağlamlığının qorunmasına, həyat keyfiyyətinin yüksəldilməsinə və gələcəyə inamın möhkəmlənməsinə xidmət edir.
Sizin sağlamlığınız və rifahınız minlərlə insanın sağlamlığı, ümidi deməkdir.

Peşə bayramınız mübarək!

16/06/2026

💉 Məxmərəklə mübarizənin ən effektiv yolu vaxtında peyvənd olunmaqdır.

Məxmərək (alman qızılcası) – virus tərəfindən törədilən və uşaqlarda yüngül keçən, lakin hamiləlik dövründə son dərəcə təhlükəli ola bilən infeksion xəstəlikdir.

Xəstəliyin əlamətləri bəzi hallarda özünü büruzə verməsə də, yoluxmuş şəxslər virusu başqalarına ötürə bilirlər. Məxmərək xüsusilə peyvənd olunmamış hamilə qadınlar üçün böyük təhlükə yaradır: İnfeksiya dölə keçərək onun inkişafına ciddi zərər vura bilər.

Məxmərəyin ağırlaşmaları, əsasən, aşağıdakılardır:

🔹 Beyin zədələnməsi;
🔹 Qanaxmalar və immun sistemin zəifləməsi;

Məxmərək infeksiyasının ən ciddi ağırlaşmaları hamilə qadınların yoluxması zamanı baş verir. Peyvənd olunmamış hamilə qadının məxmərək virusuna yoluxması düşük və ya ölü doğuşla nəticələnə bilər. Eyni zamanda virus körpəyə keçərək ürək, eşitmə və görmə problemləri, əqli qüsur kimi anadangəlmə xəstəliklərə səbəb ola bilər.

Qadın məxmərəyə hamiləliyin erkən dövründə, xüsusilə də ilk 3 ayında yoluxarsa, körpəsində ciddi anadangəlmə qüsurlara rast gəlmə riski daha yüksəkdir.

Məxmərək uşaqlarda adətən 2-3 gün davam edən və yüngül formada keçən aşağıdakı əlamətlərə səbəb olur:

🔹 Qırmızı səpgilər (ilk növbədə üz nahiyəsində görünür, sonra bədənin qalan hissəsinə yayılır);
🔹 Yüngül qızdırma;
🔹 Limfa vəzilərinin böyüməsi;
🔹 Öskürək, burun axması, gözlərin qızarması və şişməsi;
🔹 Oynaq ağrıları.

İnfeksiyaya yoluxmuş insanların təxminən yarısında isə əlamətlər özünü büruzə vermir.

💉 Məxmərəklə mübarizənin ən effektiv yolu vaxtında peyvənd olunmaqdır.

15/06/2026

🇦🇿15 İyun – Milli Qurtuluş Günüdür.

Milli Qurtuluş Günü xalqımızın birlik, həmrəylik və güclü dövlətçilik ənənələrinin təcəssümüdür. Bu gün münasibətilə bütün Azərbaycan xalqını təbrik edir, ölkəmizə davamlı inkişaf, rifah və tərəqqi arzulayırıq.