Neftçala Rayon Mərkəzi Xəstəxanası

05/06/2026

05/06/2026

🌳 Ətraf mühitin qorunması sağlam cəmiyyətin və dayanıqlı inkişafın vacib şərtidir.

🌱Gələcək nəsillər naminə təbiətə qayğı ilə yanaşaq.

01/06/2026

Ağciyər Xəstəlikləri Mərkəzinin Salyan Regional Xəstəxanası tərəfindən Neftçala Rayon Mərkəzi Xəstəxanasında tibb işçiləri üçün “Vərəm xəstəliyinin ötürülmə yolları və profilaktikası” mövzusunda maarifləndirmə tədbiri keçirilib

Tədbirdə Neftçala Rayon Mərkəzi Xəstəxanasının və Ağciyər Xəstəlikləri Mərkəzinin Salyan Regional Xəstəxanasının rəhbərləri, eyni zamanda tibb müəssisəsinin kollektivi iştirak ediblər.

Tədbir çərçivəsində müasir müayinə metodları barədə məlumat verilib, mövzu barəsində suallar cavablandırılıb.

Tədbirdən sonra yoluxma riski daha yüksək olan 30 nəfər tibb işçisinə diaskintest sınağı aparılıb. Növbəti mərhələdə risk qrupundan olan pasiyentlərin, uşaq və yeniyetmələrin diaskintest müayinəsinə cəlb edilməsi işi xəstəxana rəhbərliyi ilə müzakirə edilib.

01/06/2026

1 İyun – Uşaqların Beynəlxalq Müdafiəsi Günü münasibətilə bütün uşaqları təbrik edirik!

Uşaqların sağlam, təhlükəsiz və xoşbəxt böyüməsi cəmiyyətimizin prioritet məsələlərindəndir. Onların sağlamlığının qorunması, keyfiyyətli tibbi xidmətlə əhatə olunması və parlaq gələcəyinin təmin edilməsi hər birimizin ortaq məsuliyyətidir.

Bütün uşaqlara sağlam, qayğısız və sevinc dolu bir ömür arzulayırıq!

01/06/2026

Əziz övladlar! 1 İyun - Uşaqların Beynəlxalq Müdafiəsi Günü münasibətilə hər birinizi təbrik edir, hamınıza cansağlığı və xoşbəxtlik arzulayıram.

31/05/2026

Tütün məhsullarının istifadəsi ürək-damar, tənəffüs sistemi və onkoloji xəstəliklərin yaranma riskini əhəmiyyətli dərəcədə artırır. Hətta siqaret tüstüsünə passiv məruz qalmaq belə sağlamlıq üçün ciddi təhlükə yaradır.

🚭 Tütündən uzaq hər gün daha sağlam nəfəs, daha keyfiyyətli həyat və daha uzun ömür deməkdir.

Sağlam gələcək naminə tütündən imtina edin, özünüzün və yaxınlarınızın sağlamlığını qoruyun!

30/05/2026

30 May – Beynəlxalq Dağınıq Skleroz Günüdür. 🧠

Dağınıq skleroz mərkəzi sinir sisteminin (baş və onurğa beyninin) xroniki iltihabi xəstəliyidir. Xəstəlik sinir liflərini qoruyan mielin qişasını zədələyərək sinir impulslarının ötürülməsini çətinləşdirir.

Nəticədə hərəkət və müvazinət pozğunluqları, görmə problemləri, hissiyyat dəyişiklikləri və digər nevroloji əlamətlər meydana çıxa bilər.

ℹ️ Erkən diaqnoz və vaxtında başlanılan müalicə xəstəliyin gedişatını nəzarətdə saxlamağa və ağırlaşmaların qarşısını almağa kömək edir.

Dağınıq sklerozla mübarizədə ən vacib addım vaxtında həkimə müraciətdir.

Sağlamlığınızı diqqətdən kənarda qoymayın!

28/05/2026

Müstəqilliyimiz 108 yaşında!

28/05/2026

27/05/2026

28 May - Azərbaycanın Müstəqillik Günü