Yardımlı Rayon Mərkəzi Xəstəxanası

11/09/2026

3–6 aylıq körpələrin peyvənd təqvimi

3 aylıq – Beşvalent peyvəndin II dozası (Difteriya, Tetanus, Göyöskürək, Hepatit B və B tipli hemofilik infeksiya)

* OPV (Ağızdan poliomielit vaksini) – II doza

4 aylıq – Beşvalent peyvəndin III dozası

* OPV (Ağızdan poliomielit vaksini) – III doza
* Pnevmokok (PCV) peyvəndinin II dozası

6 aylıq – Pnevmokok (PCV) peyvəndinin III dozası

✅ Peyvəndlər uşaqları difteriya, tetanoz, göyöskürək, hepatit B, Hib infeksiyası, poliomielit və pnevmokok infeksiyaları kimi ciddi xəstəliklərdən qorumağa kömək edir.

📌 Peyvəndlərin vaxtında və Milli Peyvənd Təqviminə uyğun vurulması körpənizin sağlam inkişafı üçün böyük əhəmiyyət daşıyır.

11/09/2026

10/09/2026

Yardımlı Rayon Mərkəzi Xəstəxanasında Ana və Uşaq Sağlamlığı mövzusunda tədbir keçirilib

Yardımlı Rayon Mərkəzi Xəstəxanasında ana və uşaqların sağlamlığının qorunması, hamilə qadınların vaxtında müşahidəyə cəlb olunması, profilaktik müayinələrin təşkili və uşaqlara göstərilən ilkin tibbi yardımın keyfiyyətinin yüksəldilməsi məqsədilə maarifləndirici tədbir keçirilib.

Tədbirdə İlkin Səhiyyə Xidməti Şöbəsinin müdiri Sahib Əliyev çıxış edərək ana və uşaq sağlamlığının qorunmasının səhiyyə sisteminin mühüm prioritet istiqamətlərindən biri olduğunu bildirib. O, hamilə qadınların erkən mərhələdə qeydiyyata alınmasının, mütəmadi antenatal müşahidənin aparılmasının, risk qruplarının vaxtında müəyyən edilməsinin və uşaqların profilaktik müayinələrə cəlb olunmasının əhəmiyyətindən danışıb.

Təlim zamanı ilkin səhiyyə xidməti müəssisələrinin bu sahədə məsuliyyəti, düzgün yönləndirmə, dispanser müşahidəsi və valideynlərlə maarifləndirici işin gücləndirilməsi məsələlərinə toxunulub.

Yardımlı Rayon Mərkəzi Xəstəxanasının direktoru Ravil Qənbərov çıxışında ana və uşaq sağlamlığının qorunmasının yalnız tibbi deyil, həm də sosial əhəmiyyət daşıdığını vurğulayıb. Direktor qeyd edib ki, sağlam ana və sağlam uşaq gələcək sağlam cəmiyyətin əsasını təşkil edir. O, bu istiqamətdə tibb işçilərinin peşəkar, məsuliyyətli və koordinasiyalı fəaliyyətinin vacibliyini diqqətə çatdırıb.

10/09/2026

08/09/2026

İnarə Mirhəsənova TƏBİB-in İcraçı direktorunun müşaviri vəzifəsinə təyin edilib

Maliyyə və sığorta sektorlarında 20 illik peşəkar və idarəetmə təcrübəsinə malik İnarə Vaqif qızı Mirhəsənova TƏBİB-in İcraçı direktorunun müşaviri vəzifəsinə təyin edilib.

İ.Mirhəsənova Bakı Dövlət Universitetində bakalavr və magistratura təhsilini fərqlənmə ilə başa vurub.

Peşəkar fəaliyyəti ərzində maliyyə və sığorta sektorlarında müxtəlif rəhbər vəzifələrdə çalışıb, maliyyə və risklərin idarə olunması, sığorta, investisiyalar, strateji planlaşdırma və korporativ idarəetmə istiqamətlərində geniş təcrübə qazanıb. Karyerasının son 10 ilini PAŞA Qrupunda davam etdirərək Qrupun müxtəlif şirkətlərində rəhbər vəzifələrdə fəaliyyət göstərib.

Yeni təyinatından əvvəl İnarə Mirhəsənova “PAŞA Sığorta” ASC-nin İdarə Heyətinin üzvü və Baş maliyyə inzibatçısı vəzifəsində çalışıb.

08/09/2026

🩺 8 Sentyabr Ümumdünya Fizioterapiya Günüdür.

Hər il 8 sentyabr tarixində qeyd olunan bu gün fizioterapiya sahəsinin insan sağlamlığındakı əvəzsiz rolunu diqqətə çatdırmaq məqsədi daşıyır.

Fizioterapiya travma və əməliyyatlardan sonra bərpa prosesini sürətləndirən, ağrı sindromlarını azaldan, hərəkət funksiyalarını bərpa edən və insanların keyfiyyətli həyata qayıdışına dəstək olan mühüm tibb sahəsidir.

Bu sahədə çalışan bütün mütəxəssisləri təbrik edir, onların peşəkarlığına və gündəlik zəhmətinə görə minnətdarlığımızı bildiririk! 🙏