Quel est le site Web ?

https://www.facebook.com/1136191412903405/

Doc Remdani

Accueil
België
Charleroi
Doc Remdani

Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de Doc Remdani, Santé, Im 19, N 12, Rue Hassan Souktani Gauthier/Casablanca, Charleroi.

Dr Ibrahim Remdani
Gastroenterology And Digestive Oncology Specialist
Practiced at the University Hospital of Brussels, Belgium.
📍 Address: Im 19, N 12, Rue Hassan Souktani Gauthier - Casablanca

08/09/2026

⛔️ لتوعية الناس حول القولون أو ناس لكقولو مشكل نفسي⛔️

رابط الدراسة لي تعملت
https://pubmed.ncbi.nlm.nih.gov/11115817

✅ الملخص

الخلفية: غالبًا ما يشكو مرضى متلازمة القولون العصبي (IBS) من الغازات المفرطة، لكن حجم الغازات المعوية لديهم في حالة الصيام يبدو طبيعيًا. وقد افترضنا أن الآلية الفيزيولوجية المرضية الكامنة وراء ذلك قد تكون اضطرابًا في مرور الغازات المعوية.

الهدف: دراسة مرور الغازات المعوية والتحمل لدى مرضى متلازمة القولون العصبي مقارنةً بالأشخاص الأصحاء.

الطرق: تم ضخ خليط غازي (N₂، O₂، وCO₂ بنسب وريدية) في الصائم لـ 20 مريضًا يعانون من متلازمة القولون العصبي و20 شخصًا سليمًا من المجموعة الضابطة بمعدل 12 مل/دقيقة لمدة أربع ساعات. تم تسجيل إخراج الغازات بشكل مستمر، حيث بدأ إخراج الريح من فتحة الشرج (لمدة ساعتين) ثم عبر المستقيم (لمدة ساعتين). تم قياس الإحساس بالأعراض (على مقياس من 0 إلى 6) وانتفاخ البطن كل 10 دقائق.

النتائج: بعد ساعتين من جمع الغاز الخارجي (الغازات)، ظهرت لدى 18 من أصل 20 مريضًا مصابًا بمتلازمة القولون العصبي أعراض احتباس الغازات (>400 مل)، أو زيادة في الأعراض المعدية المعوية (درجة >3)، أو انتفاخ البطن (زيادة في محيط البطن تزيد عن 3 مم) مقارنة بأربعة فقط من أصل 20 شخصًا من المجموعة الضابطة. وأثناء جمع الغازات داخل المستقيم، لا يزال 13 مريضًا من أصل 17 يظهرون استجابات غير طبيعية.

الاستنتاج: يمكن إثبات أن نسبة كبيرة من مرضى متلازمة القولون العصبي يعانون من ضعف في مرور الغازات المعوية وتحمل أحمالها. وقد تمثل هذه الحالة الشاذة آلية محتملة لأعراض متلازمة القولون العصبي، وتحديدًا الألم والانتفاخ.

15/08/2026

معلومات للإفادة :

متلازمة القولون العصبي
الحريق والنفخة فالكرش شايعين بزاف عند الناس وغالباً كيتعتبروا مجرد "أعصاب فالمصران". التحدي الكبير هو تفهم باللي القولون العصبي ماشي غير مشكل نسيجي عابر، وإنما اختلال فالتواصل بين الدماغ والأمعاء (Axe cerveau-intestin) مع اضطراب فبيئة البكتيريا النافعة.

هاد المتلازمة تقدر تطرَى بسبب حساسية مفرطة فالأعصاب ديال الأمعاء، تقلبات فالحركة الدودية، وتخمر زائد ديال الماكلة.
الأعراض ديالها تقَدر تبان غير بسيطة فـ الأول؛ المريض يقدر يحساب ليه بلي غير كثر فالماكلة، فالوقت اللي كيكون فيه جدار الأمعاء فحالة تهيج دائم بسبب نقص الإنزيمات الهضميةاللي كتهضم السكريات والبروتينات، واضطراب فالتوازن ديال الميكروبيوم.

هنا كايجي الدور ديال جزيئات محددة باش نرجعوا النظام: استعمال ألياف هادئة ومسهلة للحركة بحال ألياف الأكاسيا اللي ما كتديرش غازات مفرطة، وتدعيم الفلورا المعوية بالبروبيوتيك خصوصاً السلالات المعتمدة بحال لاكتوباسيلوس أسيدوفيلوس و بيفيدوباكتيريوم بيفيدوم -، مع استقرار التراكيب بدعم ثانوِي منظم بحال ستيرات المغنيسيوم.

المريض يقدر ما يربطش بين التوتر العصبي اليومي وبين تغير القوام ديال الخروج ولا التنفاخ الشديد، ويقدر يحساب ليه بلي دوا الحريقة العادي كافي باش يحل المشكل.

داكشي علاش هاد الجوج أسئلة خاصهم يتسولوا لأي مريض جا كيتشكَى من ألم القولون:

واش الألم ديال الكرش كينقص ولا كيتغير ؟
واش لاحظتي تغير فعدد المرات ولا القوام ديال الخروج (تناوب بين الإسهال والإمساك) فـ الـ 3 أشهر الأخيرة؟

سول هاد الأسئلة يلا كان الشك فالقولون العصبي، خاص يتم استبعاد أي أعراض خطيرة بحال النزيف ولا نقص الوزن المفاجئ، ونظم الخطة الغذائية والعلاجية.

أغلبية الحالات ديال IBS كيتعالجوا بطريقة محافظة عبر تنظيم النظام الغذائي (Régime pauvre en FODMAPs)، إعادة توازن الميكروبيوم بالبروبيوتيك، وتوفير الألياف المناسبة والإنزيمات الهضمية.
النقطة الحاسمَة هي تقاد التواصل اللي بين الدماغ والمصران وترجع البيئة الطبيعية للأمعاء.

15/08/2026

معلومات للإفادة :

العياء المزمن، فقر الدم، والوجع فالأمعاء مشاكل كيتشكاو منهم بزاف ديال الناس.خاص المريض يفهم باللي البطانة ديال الأمعاء الدقيقة وقع فيها خلل فالنفاذية (Hyperperméabilité intestinale) الشيء اللي كيعيق امتصاص المغذيات المفصلية.

هاد المشكل يقدر يوقع بسبب التهابات خفيفة مزمنة فجدار الأمعاء. الأعراض تقدر تبدأ غير بتنفاخ خفيف بعد الأكل، فالوقت اللي كيكون فيه الجدار المعوي كيفقد القدرة ديالو على امتصاص المعادن الأساسية.
المريض كيدخل فحلقة مفرغة ديال نقص الحديد وما كينفع معاه حتى دوا ديال فقر الدم حيت الأمعاء ما قادراش تمتصو.

علماء التغذية والعلاج الهضمي كيركزوا فهاد الحالة على إعادة ترميم جدار الأمعاء. هادشي كيحتاج حماية للغشاء المخاطي باستعمال حمض الهيالورونيك اللي كيرطب ويسد الفجوات فمخاطية الأمعاء، ومضادات الأكسدة بحال السيلينيوم لحماية الخلايا المعوية من الإجهاد التأكسدي، بالإضافة لأنزيمات الهضمية باش تخفف العبء على الأمعاء وتسهل تكسير الماكلة قبل ما توصل لقمة التخمر.

المريض يقدر ما يربطش بين السخفة والطيح ديال الشعر وبين مشاكل فالهضم فالأمعاء الدقيقة، ويحساب ليه باللي غير ما كياكلش مزيان.

داكشي علاش هاد الأسئلة خاصهم يتسولوا لأي مريض كيتشكَى من مشاكل الهضم المزمنة:

واش عندك نقص متكرر فالحديد ولا فيتامينات أخرى وخا بتاكل مزيان وكتأخد مقويات؟
واش كتحس بألم ثقيل وغازات فوسط الكرش كيبداو مباشرة ساعة بعد الأكل؟

لا كان الشك فسوء الامتصاص ولا التهاب مخاطية الأمعاء، خاص يتقاد فحص مخبري شامل (Bilan sanguin, Ferritine, CRP) واستبعاد أمراض بحال السلياك (Maladie Cœliaque).

العلاج فهاد الحالة كيتطلب إعادة ترميم البطانة المخاطية بحمض الهيالورونيك، تعويض النقص بكبريتات الحديدوز والسيلينيوم، وتسهيل عملية الهضم بالإنزيمات.

13/08/2026

معلومات للإفادة :

جرثومة المعدة (H. pylori) - آلية العيش فالحمض

جرثومة المعدة عندها القدرة تعيش فوسط حامضي بزاف فـالمعدة بلا ما يقتلها الحمض (Acide gastrique). أشنو هو الأنزيم الرئيسي اللي كتنتجو هاد البكتيريا واللي كيحميها عن طريق تحويل اليوريا إلى الأمونيا ؟

أ. أنزيم البيتا لاكتاماز
ب. أنزيم اليورياز
ج. أنزيم الليباز
د. أنزيم الأبيلاز

الجواب الصحيح:
ب. أنزيم اليورياز (Uréase)

الشرح

بكتيريا جرثومة المعدة كتفرز أنزيم اليورياز، اللي كيحول اليوريا الموجودة فالمعدة لـ بيكاربونات وأمونيا (Ammoniac). الأمونيا مادة قاعدةكتعادل الحموضة فالمنطقة المباشرة المداورة بالبكتيريا Surtout dans la couche muqueuse، وهادشي كيشكل غلاف حماية كيعتقها من الهلاك بالحامض كيدير خرق لبطانة المعدة.

12/08/2026

معلومات للإفادة

مرض السلياك (Maladie Cœliaque) حساسية الغلوتين

مريض كيعاني من إسهال مزمن، فقر الدم بسب نقص الحديد، ونقص فالوزن. الخزعة من الاثني عشر (Duodénum) بينت وجود ضمور فالخملات المعوية.
أشنو هو التحليل فالدم الأكثر دقة لتأكيد تشخيص مرض السلياك (Celiac Disease)؟

أ. الأجسام المضادة لـ Transglutaminase النسيجي من نوع IgA
ب. الأجسام المضادة للنواة
ج. الأجسام المضادة للغدة الدرقية
د. تحليل مستوى CRP فـ الدم

الجواب الصحيح:
أ. الأجسام المضادة لـ Transglutaminase النسيجي من نوع IgA

الشرح

فحص Anti-tissue Transglutaminase IgA (Anti-tTG IgA) مع قياس IgA الكلي هو الاختيار الأول والأكثر دقة لتشخيص مرض السلياك.
هاد المرض هو حساسية ذاتية ضد الغلوتين (Gluten) كتدمر الخملات ديال الأمعاء الدقيقة ، الشيء اللي كيعيق امتصاص المغذيات والحديد وكيسبب هاد الأعراض.

10/08/2026

معلومات للإفادة

مريض كيعاني من متلازمة القولون العصبي (IBS) مع غازات وانتفاخ وآلام متكررة فـ الكرش بعد الأكل. أشنو هو النظام الغذائي الموصى به كخط أول لتخفيف هاد الأعراض حسب التوصيات الطبية؟

أ. نظام غذائي غني جداً بالسكريات السريعة
ب. نظام غذائي منخفض فـ الـ FODMAPs
ج. نظام غذائي يعتمد فقط على الدهون والبروتينات
د. القطع التام لجميع أنواع الألياف الغذائية

الجواب الصحيح:
ب. نظام غذائي منخفض فـ الـ FODMAPs

الشرح

نظام Low-FODMAP كينقص من تناول السكريات القابلة للتخمر فـ الأمعاء . هاد السكريات ملي ما كتمتصش مزيان، كتقوم بها البكتيريا فالقولون وكتنتج غازات كثيرة وك تجبد الماء للأمعاء، الشيء اللي كيدير التنفاخ والألم والإسهال. نقص هاد العناصر كينقص الأعراض بشكل كبير عند معظم مرضى IBS.

يمكنك طرح أي سؤال في التعاليق

09/08/2026

معلومات للإفادة

مريض تبين عندو تعفن بجرثومة المعدة مع قرحة فالاثني عشر (Ulcère duodénal) وكمل العلاج المضاد للجرثومة.
أشنو هو الفحص غير الجراحي الأكثر دقة لتأكيد القضاء التام على الجرثومة بعد الشفاء؟

أ. فحص الأجسام المضادة فـ الدم
ب. اختبار التنفس باليوريا
ج. تصوير البطن بالتلفزة
د. تحليل عينة البول

الجواب الصحيح:

ب. اختبار التنفس باليوريا (Test respiratoire à l'urée)

الشرح

اختبار التنفس باليوريا ولا تحليل المستضد فالخروج هما الفحوصات المعتمدة لتأكيد نجاح العلاج والقضاء النهائي على H. pylori.
أما تحليل الدم فكيقيس الأجسام المضادة اللي تقدر تبقى إيجابية فالدم لشهور ولا سنوات حتى بعد الشفاء، داكشي علاش ما كينفعش فتقييم الشفاء الحديث.

يمكنك طرح أي سؤال في التعاليق

08/08/2026

معلومات للإفادة

مريضة عندها ألم مزمن فالكرش مرتبط بتغيرات فـ الخروج (تتناوب بين الإسهال والإمساك) مع تنفاخ. أشنو هي النتيجة ولا العرض اللي كيدل على أن الحالة ماشي قولون عصبي وكتستدعي فحوصات إضافية؟

أ. ألم فالكرش كينقص بعد التبرز

ب. إحساس بالانتفاخ والغازات كيزيد مع القلق والاسترس

ج. نقص غير مبرر فالوزن وخروج معاه الدم ولا ألم كيقفز من النعاس فـ الليل

د. تغير فالقوام ديال الخروج

الجواب الصحيح:
ج. نقص غير مبرر فالوزن وخروج معاه الدم ولا ألم كيقفز من النعاس فالليل

الشرح

متلازمة القولون العصبي (IBS) هي اضطراب وظيفي (Trouble fonctionnel) ما كيتسببش فنزيف الدم، ولا نقص الوزن الحاد، ولا ألم ليلي يفيق المريض من النعاس. وجود هاد الأعراضكيتطلب ضروري فحوصات إضافية (بحال الكولونوسكوبي / Colonoscopie) لنفي أمراض أخرى بحال التهاب القولون التقرصي ولا أورام الجهاز الهضمي.

07/08/2026

معلومات للإفادة :

مريض عندو حريقة فالصدر (Pyrosis / Heartburn) كتزيد ملي كينعس على ظهره خصوصاً بعد الوجبات الدسمة. أشنو هو الخلل الفسيولوجي الرئيسي اللي كيتسبب فهاد الحالة؟

أ. ارتفاع الضغط فالعضلة العاصرة المريئية السفلى
ب. ارتخاء مؤقت ولا ضعف فالعضلة العاصرة المريئية السفلى
ج. زيادة غير طبيعية فإفراز أنزيم الببسين فالمريء
د. تسارع فالتفريغ المعدي

الجواب الصحيح:
ب. ارتخاء مؤقت ولا ضعف فالعضلة العاصرة المريئية السفلى

الشرح

السبب الرئيسي لـ GERD هو ضعف ولا ارتخاء غير طبيعي فالعضلة العاصرة اللي بين المريء والمعدة. هادشي كيسهل رجوع الحمض ديال المعدة للمريء وكيسبب الحرقة فالصدر. ارتفاع ضغط العضلة ولا تسارع تفريغ المعدة ما عندهمش علاقة بحدوث هاد المرض.

يمكنك طرح أي سؤال في التعاليق.

Adresse

Im 19, N 12, Rue Hassan Souktani Gauthier/Casablanca
Charleroi
20587

Site Web

facebook.com

Notifications

Soyez le premier à savoir et laissez-nous vous envoyer un courriel lorsque Doc Remdani publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.