الصحة في ليبيا Health in Libya

26/10/2026

26/10/2026

✊ اليوم وقفة عز وكرامة لقطاع الصحة
اليوم صوتنا واحد، وموقفنا واحد، وحقوقنا مش قابلة للتنازل.
وقفة احتجاجية من أجل المرتبات العادلة، وتحسين ظروف العمل، وضمان حياة كريمة لكل كوادر القطاع الصحي.
اليوم مش مجرد وقفة، اليوم موقف وكرامة وحق.
يد واحدة، كلمة واحدة، ومطلب واحد.
صوتوا عالي، وواصلوا المطالبة بحقوقكم بكل سلمية وثبات.
✊ كرامة كوادر الصحة من كرامة الوطن.

25/10/2026

#إذا كان ترامب قال إن ليبيا قذرة، علاش ما
سألناش أنفسنا: شن اللي وصل بلادنا للصورة هذي قدّام العالم؟

#قصدكم عجبكم لما يبيعوا في البحر المتوسط لتركيا؟
#ولا عجبكم كل يوم نسمعوا بحد قتلوه ورموه؟
#ولا الانقسام اللي قاعد بين الليبيين، شرق وغرب، من أكثر من 12 سنة؟
#ولا عجبكم السيارات المصفحة والعسكرية اللي تدور في الشوارع، وما تعرفش حتى لمن تتبع؟
#ولا عجبكم حال فئات الصحة والتعليم اللي ظلمتوهم، واضطروا يطلعوا قدّام الرأي العام باش يطالبوا بحقوقهم وتم تهميشهم؟
#ولا عجبكم كل يوم حكومة تطلع وتقول: أني بنحكمكم؟
#ولاه حتى التعليم الأساسي ما زال ما فتحش، والعالم كله بدا في الامتحانات والدراسة!
#ولاه عجبكم التجار اللي حارقين الأسعار في الأسواق، والدولار اللي كل يوم في مشوار جديد؟ #ولاه عجبكم تهريب البنزين والنافطة عبر الحدود والبحر، والشعب واقف في الطوابير؟
#ولاه عجبكم في الصيف ماذا فعلو بينا في انقطاع الكهرباء.
#ولاه عجبكم الدواء اللي يدخل لليبيا وتدور حول جودته مخاوف وشكوك، في الوقت اللي المفروض تكون فيه صحة المواطن خط أحمر؟
#ولا عجبكم الخضروات والفواكه اللي الناس خايفة من سلامتها وتأثير المبيدات على صحة لليبين ؟
#ولاه المخابز والدقيق من برومات البوتاسيوم مسرطنه.
#حتى فئات ذوي الإعاقة طلعوا في وقفات احتجاجية، وما زالوا يطالبوا بالعدل والإنصاف!
#وفئة بسيطة جدًا من الشعب طالبت بترحيل الأجانب المخالفين للقانون، وباقي الشعب يتفرج وساكت عن مشاكل بلاده، وكأن الأمر ما يخصّاش فيه!
#عجبكم حال البنية التحتية؟ الطرق والمستشفيات والمدارس والحدائق والفنادق، اللي المفروض تكون واجهة بلادنا، لكن بعضها يعاني من الإهمال والتدهور، وسط اتهامات بالفساد والنهب وسوء الإدارة؟
#عجبكم القتل في الشوارع، والاشتباكات والاغتيالات والتهديد والظلم؟ كل يوم مشكلة، وكل يوم اعتداء وضرب وشتم، حتى على مواقع التواصل الاجتماعي!
#وصلنا لمرحلة نشوفوا فيها مشاهد العار في شوارعنا، وتصويرها ونشرها على الفيسبوك، والعالم كله يتفرج علينا!
#يا شعب ليبيا، المشكلة مش في كلام ترامب هي تونس ومصر جنبكم تاكل من خيراتنا ويسبو فينا ، المشكلة في الواقع اللي وصلنا له، واللي لازم نواجهوه بكل شجاعة ومسؤولية.
#مش المطلوب إننا نرضوا بإهانة بلادنا من أي حد، لكن قبل ما نغضبوا من كلام الآخرين، لازم نسألوا أنفسنا: شن قدمنا لبلادنا؟ وشن درنا باش نحافظوا عليها؟
ليبيا مش ملك لحكومة، ولا لقبيلة، ولا لمدينة، ولا لشرق أو غرب. ليبيا ملك لكل الليبيين مافي حد منه وابن اصل يرضى فها ولكن تبي يخدملها .
#ضروري نرجعوا لصوابنا، ونحترموا أنفسنا، ونشدّوا في يدين بعضنا، ونعطوا كل صاحب حق حقه، ونحاسبوا الفاسد، ونرفضوا الظلم، ونبنوا دولة قانون وعدل ومؤسسات، دولة فيها الأمن والأمان، والصحة والتعليم والكرامة للجميع.
لأن العالم ما يحترمكش بالشعارات، العالم يحترمك لما تكون دولة قوية، وشعب واعي والمثقف وقانون يطبق على الجميع، وحقوق ما تضيعش.
ليبيا تستاهل الأفضل، وشعبها يستاهل يعيش بكرامة. لكن التغيير يبدأ منّا، من وعينا، ومن موقفنا، ومن رفضنا للفساد والانقسام والظلم.


.
طز طز طز في ترامب

25/10/2026

كيف يمكن للجنة النقابات بمجلس النواب إن تكلف مسير لنقابه العامه للمهن الطبيه المساعده ليبيا عليه قيود لدي مكتب النائب العام كما هو موضح لدي قرار رقم 178 لسنة 2026للمفوضيه الوطنيه العليا للانتخابات
أين شهادة البراء و شهادة الحاله الجنائيه كيف يحق له تسيير نقابات فرعيه والنقابه العامه...
وكيف انهم اسسوا نظام اساسي معيب علي مقاسهم و استبعدوا فيه بعض شرائح المهن المرتبطه.
والغوا فقره مهمه الا وهي سن التقاعد لكي تتيح لهم الاستمرار في النقابه حتي بعد التقاعد.
وهو مايخالف القانون لذا نطلب بتصحيح النظام الأساسي وبقوة

ان هذه احدي أسباب ضياع حقوق المهن الطبيه المساعده وتدهور الوضع الصحي والطبي للمؤسسات...
نعم لتصحيح المسار
وحسبنا الله ونعم الوكيل..

24/10/2026

شن قصة الحوادث والرصاص اللي صايرين الأيام هذي؟! شن اللي جاي في الليبيين؟ سبحان الله، الواحد ولى يمشي وهو خايف على روحه وعلى أهله، والناس كلها متوترة ومتعصبة، وكأننا نسينا إن أرواحنا غالية وإن الحياة ما تستاهلش لحظة غضب تضيّع مستقبل إنسان.

يا رب استر على ليبيا وأهلها، واحفظ شبابنا وأطفالنا، واهدِ النفوس، وابعد علينا الفتن والقتل، وارزقنا الأمن والأمان وراحة البال.

اللهم احفظ ليبيا من كل شر، وردّ عقول الناس للصواب، واجعل أيامنا الجاية خير وسلام، مش خوف ودم ورصاص. 🤲

24/10/2026

الواحد ينوض الصبح ويقول: الحمد لله على نعمتك وسترك، الحمد لله اللي ما خسفتش بينا الأرض.
لما تشوف اللي يصير في ليبيا من ، #وظلم ، #وزنا #وفساد #واحتكار #ونفاق #والكذب #وربا، #والدياثه #والتبرج #وسرقات #ورشوة #والزور والبعد عن دين الله، تقول: الحمد لله على ستره ورحمته بينا.
اللهم لا تؤاخذنا بما فعل السفهاء منا، ولا تهلكنا بذنوبنا، واهدِنا إلى طريق الحق، وأصلح أحوال بلادنا، وارزقنا العدل والأمان، وردّنا إليك ردًّا جميلًا.
قال الله تعالى:
﴿أَفَأَمِنتُمْ أَن يَخْسِفَ بِكُمْ جَانِبَ الْبَرِّ﴾ [الإسراء: 68].
وقال سبحانه:
﴿وَإِن نَّشَأْ نَخْسِفْ بِهِمُ الْأَرْضَ﴾ [سبأ: 9].
اللهم إنا نسألك العفو والعافية، ونستغفرك من كل ذنب، ونسألك أن تحفظ ليبيا وأهلها من الفتن ما ظهر منها وما بطن. 🤲

24/10/2026

🩺 مطالبة بدراسة علمية في ليبيا

نحتاج إلى دراسة علمية تبحث في أسباب وفيات أطباء التخدير والعناية المركزة في ليبيا، وتقيّم مدى تأثير التعرّض المهني لغازات وأدوية التخدير، والإجهاد والمناوبات الطويلة على صحتهم.

يجب أن تستند النتائج إلى بيانات طبية موثّقة، لتحديد عوامل الخطر الحقيقية واتخاذ الإجراءات اللازمة لحماية الكوادر الطبية.

حياة الأطباء تستحق البحث، والوقاية تبدأ بمعرفة السبب.