05/24/2026
إنتو ليه بتشربوا لبن!!؟ اقولكو ليه؟؟
١- موروثات و عادات من أجيال بعيدة كل جيل اتعلم من الجيل اللي قبل منه
٢- لأن اللبن يحمي من هشاشة العظام عند النساء
٣- منتج رخيص نغير بيه طعم الشاي والنسكافيه أو حتي القهوة
٤- تفتيح مخ الولاد الصغيرين يشربوه قبل مايروحو المدرسة
٥- كالسيوم طبيعي للي عنده نقص في الكالسيوم عشان تقوية العظام يطلع الواد عضمه ناشف
٦- اللبن بيدخل في عصائر الفاكهة مع الموز و الفراولة ماشي مع التمر ماشي حتي مع الارز كمان تاكله رز ب لبن.
كل واحد فيكم يسأل نفسه الأسئلة دي ولو جاوبت علي ٣ منهم ابقا كمل و اشرب لبن براحتك؟؟
١- أنا ليه بشرب لبن الجاموسة او البقرة او المعزة حتي
انتا ترضي علي نفسك يحصل العكس يعني و انتا طفل كنت بترضع لبن و اتفطمت و بطلت تشرب لبن من امك كذلك العجل الصغير لما يكبر ما بيشربش لبن خلاص لكن الانسان يفضل طول عمره يشرب لبن طب كان ربنا خلق الست طول عمرها تفضل تدي لبن من صدرها و صدرها دا ماينشفش من اللبن ما هوا الانسان مسك الجاموسة مص امها من اللبن 😂😂
٢- هل فعلا اللبن بيفتح مخ العيال ويخليهم يفهموا في المدرسة؟ كان العجل نفع نفسه
اللبن او عنصر الكالسيوم الموجود فيه ليس له علاقة بالذكاء. اللبن عبارة عن ٨٧ ٪ ماء و ٤٪ دهون و ٣,٥ ٪ بروتين و ٤,٥ ٪ لاكتوز (سكر الحليب) و ١٪ معادن وڤيتامينات يعني بلح 🤪🤪
٣- إسألي نفسك بقا عن خدعة ان اللبن يحمي من هشاشة العظام و إسألي نفسك كمان هل السمسم فيه كالسيوم اكتر ولا لأ من اللبن؟ عشان تاخدي منه الكالسيوم عشان هشاشة العظام. معلومة صغيرة: السمسم = ٨ أضعاف اللبن
٤- الموروثات و العادات هل يجب او مكتوب عليا ان امشي علي نفس خط أبائي و اجدادي وان لا أحيد عنه فالماذا خلق الله لي العقل و طبعا هتسألوا السؤال المعتاد طب ما اجدادنا كانوا بيشربوا اللبن و ياكلو السمنة بالمعلقة و كانوا زي الفل؟
معلش تعالي علي نفسك و شوف هما كان عدد البني آدمين كام و احنا دلوقتي كام؟ الدنيا اختلفت وعشان الانتاج يزيد و يكفي الناس بقا كل حاجة تتحقن هرمونات و لو البقرة او الجاموسة اتحقنت هيأثر علي كل انتاجها من اللبن و الزبدة و الخ الخ الخ لحد ما توصلك
٥- عمرك سألت نفسك ليه اشرب قهوة او شاي او نسكافيه احط عليه لبن و اغير طعمه الاصلي و دي تبقا عادة و تتعمل كل يوم و نتعود علي الطعم السئ الردئ
جرب القهوة بدون لبن و استمتع بطعمها الاصلي
اسأل نفسك هو ليه الانتفاخ اللي بيجيلي بعد كوباية النسكافيه باللبن من ايه؟
أجاوبك انا السبب اللاكتوز حضرتك الموجود في اللبن اللي معظم معدة البشر مش بتهضمه
٦- ليه تشرب عصير فراولة باللبن او موز باللبن او حتي الاتنين مع بعض باللبن انتا مثلا بتحب تزود سعرات حرارية ل جسمك مش محتاجها علي الفاضي ولا بيفرق في الطعم مثلا و لا قيمة غذائية اعلي ولا ايه مش فاهم.
ليه حاشرين اللبن في كل حاجة في حياتكم
٧- إسأل نفسك هل انا محتاج فعلا اشرب لبن؟ وهو فيه لاكتوز عاملي انتفاخات و قرف و حتي نسبة ضئيلة جدا من الفيتامينات والمعادن.
شوف كام حد حواليك بطل يشرب لبن لأنه خلاص إتفطم عن اللبن الحمد لله …. وعقبالك انت كمان 💪💪💪
