30/05/2026
Danke für unvergässlechi 5 Johr🤍
Danke für die intensivi, inspirierendi und vertrauensvoui Zämmearbeit🫶 Danke, hani über 5 Johr mit öich und bi öich dörfe wachse und mi wiiterentwickle. Danke, für so viu unvergässlechi Erinnerige - vom erschte Tag mit de erschte Chunde, über die erschti gmeinsami Convention z Marseille (womr dank mire Abchürzig quasi zmitz idr Nacht churz inere Psychiatrie igsperrt si gsi), die tolle Wiehnachtsässe und die schöne Begägnige. Danke hani dörfe Teil sii vo öichne grosse Visione und dassi immer mau wiedr mi Sänf ha dörfe drzue gäh🤪 es grosses DANKE und e feschti Umarmig - a öich, Jörg und Lorena, und genau so as ganze grosse tolle Team 🤍
Danke a aui Mönsche, woni i dene über 5 Johr ha dörfe a mim Plätzli begrüesse und mir ihres vouschte Vertraue hei gschänkt. I bi so happy, si so viu vo öich nid nur Stammchunde worde, sondern au zu bedingigslose Kolleg- und Fründschafte.
Danke au a aui tolle Ladebsitzer vodr ganze Judengasse - es isch mr sone Fröid gsi, öich kennezlerne und mi mit öich chönne ustusche und Päuseli verbringe.
Mis Härz isch vou🤍
