Young wild & free Tattoo

13/11/2022

13/11/2022

Liebi Chunde, Fründe & Bekannte
Eh spannendi, intensivi aber au schöni Ära neigt sich nach 12 Jahr langsam am Endi zue.
Mis Tattoogschäft, Young, Wild & Free Tattoo, blibt es unvergesslichs Kapitel ii mim Lebe mit ganz villne, verschiedene & schöne Begegnige, Erfahrige und Kunstarbete wo mir für eui hend derfe mache, wie au s‘Steche vo diverse Piercings. Ich möcht mich au ah dere Stell bi jedem einzelne vo eui bedanke, für die Treui und das grosse Vertraue!
Es git es tränends und lachends Aug, was ich derf sege, Young, Wild & Free Tattoo wird erfreuerlichwis sin witere Lauf neh aber nüm im Name vo mir. Sind aber jetzt sicher bis ende November für eu do.

Für en neue Lebensabschnitt, eh neui Herusforderig und grossi Verwürklichung bruchts jedoch frischi Luft, Platz und Ruum.
Ich möcht eui no bitzli zapple lah, wasi aber eis schomal cha verrate, s‘wird uf alli Fäll HEISS also leged eui warm ah😉🔥
Über witeri Infos wärdet ihr ganz sicher benachrichtigt!
Es wunderschöns Weekend und hebed Sorg! Ville, herzliche Dank!
Eue Pascal

10/11/2022

Letzte Termine für das Jahr