Naturheilpraxis Monika Linder

Startseite
Schweiz
Solothurn
Naturheilpraxis Monika Linder

Monika Linder, eidg. dipl. Naturheilpraktikerin/Naturärztin TEN mit EMR-Anerkennung, Langendorf

06/09/2026

Mi nöchscht Birkehäxliworkshop findet am Mittwuch 30.9.26 vo 19.00 - ca. 22.00 Uhr statt. Thema dasmol isch bi de Böim dr Öpfel, bi de Chrütter s Frauemänteli und bi de Stei dr Aventurin. Wie immer gits es usfüehrlichs Skript, Znüni, vil Infos, dasmol en Aventurin-Trommelstei und härstelle/bastle tüemer dasmol en Öpfelringli-Tröchnigsstab zum a d Vorhangstange hänke (siehe Foti). Dr Kurs choschtet 60.- Fr. inkl. obige Sache und wird am Kursobe bar oder per Twint zahlt. D Amäldig isch verbindlich. Hesch Luscht und Zyt zum derbi si, de mäld di grad aa. D Teilnähmerzahl isch beschränkt. I freu mi scho sehr! Gniesset afe dr beginnend Altwybersummer und vilich au scho bald s letschte Badiwätter für das Joor, dr Beginn vom farbige Herbstlaub, s Pilzle, Kürbisdeko, Cherzeliechtli, warme Tee... Liebi Grüessli Moni 🍂🍁🍄‍🟫🍄🦔😘❤️✨

05/08/2026

Mi nöchscht Birkehäxliworkshop findet am Donnschtig 20.8.26 vo 19.00 - ca. 22.30 Uhr statt. Thema dasmol isch bi de Böim dr Zwätschgebaum, bi de Chrütter dr Salbei und bi de Stei dr rosa Turmalin. Ihr bechömet näbscht eme Turmalinsplitterarmband und eme grosse Stück Zwätschgestreuselchueche (nähmet e Gutzidose oder es grosses Tuppergschirr füre Heimtransport mit) wie immer es usfüehrlichs Skript und Znüni, wie au zuesätzlich e huffe Infos über Naturheilkund allgemein. Wenn d Zyt längt und i gnueg Salbei zämebring, mache mer no Salbeimüsli (frittierti Salbeiblätter in Bierteig). Dr Kurs inkl. obe Erwähntem choschtet dasmol 70.- Fr. D Amäldig isch wie immer verbindlich. Zahlt wird am Kursobe bar oder per Twint. We derbi si möchtsch, mäld di grad aa, denn d Teilnähmerzahl isch uf 6 beschränkt und lauft nach Amäldeigang! Liebi Grüessli und e wundervolle, nümm z heisse Altwybersummer mit Sunne am Daag und Räge i dr Nacht... Moni ☺️😘🌸🌹❤️✨

01/07/2026

Mi nöchscht Birkehäxliworkshop findet am Mittwuch 15.7.26 vo 19.00 - 22.00 Uhr bi mir dehei statt. Thema dasmol isch bi de Böim d Lärche, bi de Chrütter dr Lavändel und bi de Stei dr Bärnstei. Härstelle tüemer Insektestich-Rollon's us Lavändelöl und s git es Bärnsteiarmband. Au wieder es usfüehrlichs Skript und es Znüni. Dr Kurs isch bi Amäldig wie immer verbindlich, wird am Kursobe bar oder per Twint zahlt und choschtet dasmol 75.- Fr. Plätz hets dasmol nume 4! Dr Ender isch dr Gschwinder... Drum mäld di grad aa, wenn derbi si möchtsch. De afe allne schöni Ferie, gueti Abchüelig, tolli Festli, schöni Momänte am Wasser, Strand, i de Bärge, eifach e wundervolli Zyt! Moni ❤️😘🎉🌊🌞🌹🌸✨

14/06/2026

Mi nöchscht Birkehäxliworkshop findet am Donnschtig 25.6.26 vo 19.00 - ca. 22.00 Uhr statt. Thema dasmol isch bi de Böim dr Chirsibaum, bi de Chrütter d Melisse und bi de Stei dr Türkis. Härstelle tüemer Melissesirup und ihr bechömet es Türkissplitterarmband wie ufem Foti. Dr Kurs (inkl. Skript, Melissesirupzuetate und Fläsche, Türkisarmband, Znüni und ganz vil naturheilkundliche Informatione...) choschtet dasmol 65.- Fr., wird am Kursobe diräkt bar oder per Twint zahlt und d Amäldig isch wie immer verbindlich. I wür mi sehr freue, wenn au du derbi bisch! Mäld di doch grad aa... E wunderbari, sunnigi Zyt und liebi Grüessli. Moni ☺️😘❤️🌿🌹🌸✨

03/05/2026

Mi nöchscht Birkehäxliworkshop findet am Mittwuch, 20.5.26 vo 19.00 - ca. 22.00 Uhr statt. Thema dasmol isch bi de Böim dr Thuja, bi de Chrütter d Gundelräbe/dr Gundermann und bi de Stei dr Achat. Härstelle tüemer us Gundelräbe und Melisse es Lippebalsam, wo gäge Lippeherpes/Fieberblotere hilft und drzue no es Gundelräbesalz (uf Wunsch vonere Teilnehmerin ☺️). D Azahl Kursteilnehmer isch wie immer beschränkt, drum mäld di grad aa, we derbi si möchtsch! S Kursgäld isch dasmol inkl. Material für d Sache härzstelle, Skript, Znüni und zwei Achattrummelstei 60.- Fr. und wird am Kursobe bar oder per Twint zahlt. D Amäldig isch wie immer verbindlich. I freu mi uf en tolle Obe mit euch! Bis denn gniesset die chraftvolli, spriessendi, sattgrüeni Natur und blibet froh und munter! ❤️Moni 😘🌸🌷🌼🌱🏵️💮🌿

14/04/2026

Mi nöchscht Birkehäxliworkshop findet am Donnschtig 23.4.26 vo 19.00 - ca. 22.00 Uhr statt. Thema dasmol isch bi de Böim d Fichte/Rottanne, bi de Chrütter dr Löwezahn und bi de Stei dr Moosachat. Mir stelle e Tannschösslisirup (natürlich us Fichtetrieb☺️) här und ihr bechömet e Moosachatrummelstei für Steiwasser z mache und es Chügeliarmband us Moosachat wie ufem Foti. Au es usfüehrlichs Skript und Znüni gits wie immer. Dasmol choschtet dr Kurs alles inkl. 70.- Fr. D Amäldig isch verbindlich, dr Kurs wird am Kursobe bar oder per Twint zahlt und d Teilnähmerzahl isch beschränkt. Mäld di grad aa, we derbi si möchtsch! I freu mi scho sehr uf euch und dr Kurs! Hebet bis denn e gueti Zyt und gniesset das chraftvolle, ufkeimende Grüen uf de Wiese und i de Wälder! 😘Moni 🌿🌲🍀🌳🌱🌼💪🌸😍❤️✨

09/03/2026

Mi nöchscht Birkehäxliworkshop findet am Donnschtig, 26.3.26 vo 19.00 - ca. 22.30 Uhr statt. Thema dasmol isch bi de Böim d Bueche, bi de Chrütter dr Rosmarin und bi de Stei dr roti Jaspis. Härstelle tüemer Sbrinz-Rosmarin-Sablés und bim Jaspis bechömet ihr en Trummelstei und es Splitterarmband wie ufem Foti. Nähmet e grossi Gutzidose mit zum d Sablés heinä. Dr Kurs choschtet dasmol 60.- inkl. Skript, Znüni, Steisache, vil Infos und Sablészuetate. Zahlt wird diräkt am Kursobe bar oder per Twint. Nach Amäldig isch dr Kurs verbindlich. I freu mi uf en stärkende Obe mit euch! Wötsch derbi si, denn mäld di grad aa, d Teilnämerzahl isch wie immer beschränkt. Gniesset inzwüsche afe die früehligshafte Temperature, Sunnestrahle und farbefroh spriessende Blueme! 😘Moni 🌷🌹☀️🌸🌿

11/02/2026

Mi nöchscht Birkehäxliworkshop findet am Donnschtig, 26.2.26 vo 19.00 - ca. 22.00 Uhr statt.Thema dasmol isch bi de Böim d Esche, bi de Chrütter dr Kümmel und bi de Stei dr Aquamarin. Härstelle tüemer dasmol Apero-Kümmelstange und es Kümmelöl für Buchmassage bi Buchweh und Blähige. Derzue bechömet ihr es Aquamarinarmband wie ufem Foti und wie immer es Skript, Znüni, vil zuesätzlichi Infos und s Material zum die obige Sache mache. D Teilnähmerzahl isch beschränkt, drum mäld di grad gli aa, wenn derbi si möchtsch! D Amäldig isch verbindlich und dr Kurs wird am Kursobe diräkt bar oder per Twint zahlt. Dasmol choschtet dr Kurs inkl. obig erwähnte Sache 70.- Fr.
I freu mi uf en wieder wunderschöne Obe mit dir/euch! Hebet afe e wunderschöni Fasnacht... Liebi Grüessli Moni 😘🎉🍄❤️✨

11/01/2026

Mi nöchscht Birkehäxliworkshop findet am Mittwuch, 28.1.26 vo 19.00 - ca. 22.00 Uhr statt. Thema dasmol sind bi de Böim dr Mammutbaum, bi de Chrütter dr Schachtelhalm und bi de Stei dr Bärgkristall. Mir stelle es Amulett usem Mammutbaum här (siehe Bild = mis Birkeamulett und s rohe Holz unde dra wär de Mammutbaum), au s Läderband bechömet ihr grad derzue. Bim Bärgkristall bechömet ihr es Säckli mit 2-3 Trommelstei, wie ufem Bild. D Kurschoschte sind dasmol 60.- und wärde am Kursobe bar oder per Twint diräkt zahlt. D Amäldig isch wie immer verbindlich und d Platzzahl beschränkt. Drum mäld di grad aa, wenn derbi si möchtsch... I freu mi sehr uf en stärkende, kreative Obe mit euch und wünsch euch afe vil Spass im Schnee! Liebi Grüessli Moni 🤗😘❤️❄️✨

20/11/2025

Mi nöchscht Birkehäxliworkshop findet am Donnschtig 18.12.25 vo 19.00 - ca 22.30 Uhr statt.Thema dasmol isch bi de Böim d Arve, bi de Chrütter dr Ingwer und bi de Stei dr Karneol. Ihr bechömet es Karneolchügeliarmband und mer bache Kokos-Limette-Ingwer-Makrönli. Bringet darum e grossi Gutzidose mit zum se chönne hei nä. Dr Kurs choschtet dasmol 70.- Fr. inkl. Skript, Armband, Gutzizuetate, Znüni und ganz vil Infos über Böim, Chrütter, Stei und Naturheilkund allgemein. Zahle chönder am Kursobe diräkt bar oder per Twint. D Kursamäldig isch wie immer verbindlich und Teilnehmerzahl beschränkt. Drum mäldet euch grad aa, we dr sicher derbi si wend... I freu mi scho wider sehr! Gniesset die erschte Schneeflocke bimne warme Tee und Cherzeschyn! Härzlichi Grüessli Moni 🍂🍁🌲❄️🔥🫖🤗😘❤️✨

Adresse

Bährenackerweg 21
Solothurn
4513

Telefon

+41326211939

Webseite

http://www.praxis-linder.ch/

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Naturheilpraxis Monika Linder erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.