Was ist die Webseite?

Mohamed Galal محمد جلال

Startseite
Deutschland
Essen
Mohamed Galal محمد جلال

🇩🇪الالماني🇩🇪

01/09/2026

طب سمعت نصيحتك ياشريف يا جندي ورجعت التمرين 🤓 ، قولي بقي اعمل ايه في ام الكرش بدل ملم عليك الدنيا انا بقولك اهه 🫣

01/09/2026

بعد معاناه سنين مع تساقط الشعر قررت اتخله عنه قبل ميتخلي عني ويقع لوحده 😔
مهو مش انا اللي يتلوي دراعه بقي وتقعد تتساقطلي كل شوية مع اني مهتم بيك 🥹
كل مهتم بيك اكتر كل متتساقط اكتر كانك بتدلع عليا وانا مبحبش الدلع ونفسي مش طويل 😒
هسيبك شوية كده يمكن تبطل تدلع وتتقل شوية ومتبقاش خفيف بس علي عيني والله 🥹
هتوحشني بقي ❤️
سلاااااااااام 🥺

31/08/2026

لما مصور الشارع يقابلك ويعملك سيشن تصوير وانت لسة صاحي من النوم ومستعجل 🤓

30/08/2026

مرة انا وصديقي محمد صلاح🫣
انا واحد طول عمري مليش في الكورة خالص لا لعب ولا فرجة ولا حتي بلايستيشن ومعرفش لعيبة غير اللي اسمهم بيتردد قدامي كتير زي ابو تريكة بركات شيكابالا ومن المحترفين كان زين الدين زيدان بسبب حواره المعروف وكارلوس اكتر من كدا معرفش حد وكل صحابي عارفين القصة دي 🤓
قام ايه بقي كنت شغال في المستشفي الجوي سنة 2015 وفي وسط المعجنة بتاعة الطوارئ لاقيت محمد صلاح داخل والمفروض اشتغل معاه واقيس العلامات الحيوية وهكذا😍
اتعاملت عادي والدنيا تمام وانا معرفش مين ده 🤓
لغاية لما بدات الاقي حركة غريبة وزحمة وكل رتب المستشفي جم يسلموا عليه 🤓
وازيك ياكابتن والف سلامة ياكوتش وهكذا 🥸
فانا شكلي بقي وحش وفي نص هدومي بصراحة وهو بيقولي انت ملكش في الكورة صح؟ 🫣🫣
فانا ضحكت وقولتله بصراحة انا زيرووو كورة بس شكلك ماشاء الله معروف يعني بتلعب فين ؟
فقام ضاحك وقالي فريق اوروبي بس مش ليفربول كان حاجة قبله ومكانش لسه بشهرة دلوقتي 🤓
فانا اتصلت علي ٣ صحابي اودة وعلي وبيسو ودول كرويين جدا حافظين ارقام اللعيبة 🤣
فبقولهم وبكل سذاجة ياجدعان انا معايا واحد اسمه محمد صلاح بيلعب كورة هو معروف ؟🤣🤣

قالولي صلاح مين تقصد بتاع روما او حاجة شكل كدا قولتلهم اه 🤣
فحد منهم بعتلي صورة قالي هو ده قولتله ااااااه هو ده 🤩
قالولي اتصور معاه ياجلال🤣🤣🤣
دا لعيب كبير وهداف ومشهور خالص 🤣🤣
فالمهم رجعتله تاني قولتله ايه ياعم 🤣
انت طلعت مشهور اهه دا صحابي في ههيا طلعوا عارفينك🤣🤣🤣
قام ضاحك وقالي فين ههيا دي 🤣🤣
المهم هزرنا شوية وكان رايح يعمل اشعة عشان في عمليه هيعملها وانا رايح معاه ، ف واحنا ماشيين قولتله اظن نتصور صورة بقي اذل بيها صحابي في البلد 🤓🤓
قالي اه طبعا متفوتناش دي 🤣
فالدنيا زحمت وكله عاوز يتصور معاه فان رجعت خطوة لورا عشان مقفش في الزحمة فلقيته شدني واتصورنا مع بعض الصورة دي 😍😍
ومشوفتوش يومها تاني بس بعدها بفترة جه يكشف وسلم عليا واتصورنا مع بعض تاني بس مش لاقي الصورة مع الاسف🥹
وتقييمي لشخصيته يومها كان شخص خجول وهادي جدا ومش مغرور اتمني يكون فضل كدا لاني بصراحة لازلت مش متابع كورة 🫣
سلااااااااام

29/08/2026

والله كارثة حرفيا 😳
هي حصلت ان حد ياخد كورس الماني كام شهر عشان يسافر المانيا ولما يلاقي نفسه فاضي فيسترزق من زمايله اللي لسه بيبدأوا 😳
باي حق تدرس الماني وانت مدرستش كويس ولا اتكلمت مع حد الماني ولا سافرت المانيا ولا اتخرجت من السن ولا لغات وترجمه ولا تعرف حاجة عن التدريس ؟؟
وكمان بياخد في المستوي 7000 يعني كمان بياخد اكتر من الاكاديميات المشهورة

ياجماعة الخير بالله عليكم ادرسوا الماني صح ومع حد متخصص دارس الماني وخريج السن او لغات وترجمة ويكون عنده خبرة ، يعتي لو لسه طالب بلاش .
فمتسيبوش الناس التقال دي وتروحوا لواحد واخد كورس كام شهر او حد لمجرد انه سافر المانيا كام شهر او كام سنه من غير شهادة اثبات انه مدرس اكاديمي .
يعني انا لو جيت قولتلكم تعالوا اديكم كورس متصدقونيش لاني مش مؤهل لده وفي مدرسين اشطر مني بكتير جدا جدا .
ربنا يوفقكم جميعاااا
سلااااااااام

29/08/2026

خير يامعلم لابس ثوب الفضيلة ورايح علي فين كدا ؟
تعالي كل درا احسن 🤓

28/08/2026

الشاب دا حرامي والناس مسكوه بيسرق فمثلوا بيه بطريقة صعبه اوي ، انا مش مع انه يسرق ولا مع انهم يسيبوه في حاله ويمشي من غير عقاب بس حرام الضرب دا والتكتيف والسحل في الشارع والرايح والجاي يضرب 😔
ياريت لو حد يعرف الحكاية يقول هو عمل ايه او سرق ايه او هل سرق وعمل حاجة تانيه تستدعي كل ده ؟
وهل انت مع او ضد التعامل مع الحرامي بالشكل ده؟

27/08/2026

ذكري التثبيتة اللي ثبتهالي موظف شركة الكهربة 🥹.
عندي مشكلة مع شركة الكهربا بسبب موظف كتب رقم العداد بتاعي غلط وبالتالي مبدفعش ايجار الكهربا من شهر مارس . فضلت اشتكي لغاية اغسطس واخيرا غيرت العقد والمفروض ادفع بقي قبل مالفلوس تتكوم اكتر من كدا واديتهم حسابي البنكي بحيث يتسحب اوتوماتيك لكن اللي حصل انهم بداوا يسحبوا من حسابي لكن من شهر اغسطس مش من مارس 🤓
رحت النهارده وانا متدايق بقي ودخلت للموظف وحكيتله القصة من الاول وقولتله انا عاوز حل عشان مدفعش غرامة مش انا السبب فيها. فقالي انه مقدر شعوري وان دا احساس صعب واني اينعم المفروض ادفع حوالي 500 يورو باثر رجعي لكن هيعملهالي تقسيط تاتا تاتا 🤓🤓
فانا قولتله شكراًلذوقك لكني مش مرضي ومستاء من الموقف ده واني كنت حابب ادفع في ميعاد الدفع بدل كل اللفه دي 😒
فهو عشان يراضيني جابلي هدية اداهالي ببص عليها لقيتها باكيت شاي ٢٤ ظرف وانا مبحبش الشاي 🥲

شكرا بجد علي ذوقك بس انا لسة متغدتش متاخد علبة الشاي دي وتطلبلي بيتزا 🥹

27/08/2026

لو عاوز تسافر اوروبا ياتتعلم لغة يا تتعلم مصارعة 😍😍
بالتوفيق يابو حميد 😍😍
انا بالنسبالي بحس بتعاطف مع المصارعين اللي بيهربوا لانهم مش متقدرين خالص ماديا ولا معنويا وبشوف ان حقهم يدوروا عالتقدير دا باي طريقه ❤️
ياتري انتوا رايكم ايه ؟
اكتبولي في الكومنتات 👇

26/08/2026

الحاجة الوحيدة اللي لو اشتريتها هتعتبرها قيمة مقابل سعر
هي دماغك

Adresse

Essen

Webseite

https://www.tiktok.com/@mogalal900?_r=1&_t=ZG-96zAwwSfB0y

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Mohamed Galal محمد جلال erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.