08/09/2026
حسب تجربتي بالريجيم و تجربتي كمان بالتخبيص :
اكبر مشكلة عند شعبنا هي السكر والدقيق الابيض و كلشي بيتصنع منهم ( خبز ، معجنات ، حلويات ، مشروبات ، تسالي ونقرشات )
بيتم استهلاكهم بكميات كبيرة ، متوفرين بكثرة وبسهولة وبكل مكان وزمان، ما بيعطو شعور بالشبع ،بتجوع بعد ساعتين، مافيهم مغذيات جيدة ، طيبين و بينبلعو بسهولة ، بتاخد ٢٠٠٠ حريرة منهم بدون ما تحس .
الشريك الثاني بالجريمة هو الدهون ، طبعا ارخص واسهل دهن هو الزيت النباتي ، حضوريا عن طريق الطهو به او غيابيا عن طريق ادخاله بمئات المنتجات المغلفة والجاهزة او الوجبات السريعة او السناكات بشكل ظاهر احيانا و مخفي غاليا .
مصيبة الزيت هي ان عالي الحريرات ، اعلى محتوى حروري من بين كل الكلات ،ملعقة وحدة فيها ١٠٠ حريرة ، كل ١٠٠ مل فيها ٧٠٠ حريرة، العالم مابستعمل الملعقة بالسكب ،بل بيسكبو بالعلبة ، واحيانا بالعلبة الكبيرة .....والمصيبة انو الاكل بدون زيت مو طيب ، فبيتم اضافة كميات كبيرة منه للمنتجات مشان زيادة المبيعات ، طبعا ارخص زيت هو زيت النخيل السئ السمعة....
هدول التلاتة رح تلاقيهم دائما مجتمعين بكل علبة تشتريها من السوق ، بكل وجبة جاهزة ، بكل طبخة طيبة .
التخلي عن هالثلاثي او التخفيف منهم كافي ووافي للحفاظ على صحتك ولياقتك......
الباقي تفاصيل.....
