06/09/2026
နှစ် ၂၀ စာ ဘဝကနေ ခပ်ကြမ်းကြမ်း သင်ယူခဲ့ရတဲ့ အမှန်တရား ၁၀ ခုရှိတယ်။ တစ်မိနစ်အတွင်း အနှစ်ချုပ် ပြောပြမယ်။
၁။ ပျော်စရာကောင်းတဲ့ ဘဝဆိုတာ ရုန်းကန်ရမှုတွေ ကင်းစင်နေတဲ့ ဘဝမဟုတ်ဘူး။ အဓိပ္ပာယ်ရှိရှိ ရုန်းကန်နေရတဲ့ ဘဝမျိုးကို ခေါ်တာ။
၂။ အချစ်တစ်ခုတည်းနဲ့ ဘာမှမလုံလောက်ဘူး။ အချစ်ဆိုတာ ကောင်းနေတဲ့ relationship ကို ပိုကောင်းအောင် လုပ်ပေးနိုင်သလို၊ ဆိုးနေတဲ့ relationship ကိုကျ ပိုပြီး စုတ်ပြတ်သတ်သွားအောင် လုပ်ပစ်နိုင်တယ်။
၃။ တခြားသူတွေ ကိုယ့်ကို ဘယ်လိုမြင်မလဲဆိုတာ လိုက်ပူပန်နေတာကို ရပ်လိုက်တဲ့ အချိန်ကျမှ သူတို့ရဲ့ ဗီဇအစစ်ကို ခင်ဗျား စမြင်ရလိမ့်မယ်။
၄။ တခါတလေကျရင် အရာရာတိုင်းက စိတ်ညစ်စရာတွေချည်း ဖြစ်နေမှာပဲ။ ဖြစ်ခွင့်ပေးလိုက်၊ အတင်းကြီး လိုက်မပြင်နဲ့။
၅။ relationship တစ်ခုရဲ့ တကယ့်စမ်းသပ်ချက်ဆိုတာ အရာရာ အဆင်ပြေချောမွေ့နေချိန်မှာ ဘယ်လောက် ပျော်ဖို့ကောင်းလဲဆိုတာ မဟုတ်ဘူး။ ပြဿနာတွေ တက်လာတဲ့အခါ ဘယ်လောက်အထိ တောင့်ခံနိုင်လဲဆိုတာပဲ။
၆။ တော်တော်များများ ကိစ္စတွေမှာ တိုးတက်လာတယ်ဆိုတာ ကိုယ့်ပြဿနာတွေကို ဖြေရှင်းလိုက်နိုင်လို့ မဟုတ်ဘူး။ အဲဒီပြဿနာတွေနဲ့ ဘယ်လို အတူယှဉ်တွဲ နေထိုင်ရမလဲဆိုတာ သဘောပေါက်သွားတာကို ပြောတာ။
၇။ ခင်ဗျားအတွက် အဆင်ပြေဆုံးလူဆိုတာ ပြဿနာမရှိတဲ့လူ မဟုတ်ဘူး။ သူမှာရှိတဲ့ ပြဿနာတွေကို ခင်ဗျားက တကယ် သည်းခံပြီး လက်တွဲနိုင်တဲ့လူမျိုးကို ခေါ်တာ။
၈။ ဘဝဆိုတာ အရှိန်နဲ့ သွားတာ။ မလုပ်ဘဲ အချိန်ဆွဲ စောင့်နေလေလေ စလုပ်ဖို့ ခက်လေလေပဲ။ လှုပ်ရှားလုပ်ကိုင်လေလေ ဆက်လုပ်ဖို့ ပိုလွယ်ကူလာလေလေ ဖြစ်သွားတယ်။
၉။ မျှတတဲ့ဘဝ (balanced life) ဆိုတာ ဒီလောကမှာ မရှိဘူး။ ခင်ဗျား ဘယ်နေရာတွေမှာ မမျှမတ ဖြစ်ဖို့ ရွေးချယ်လိုက်လဲဆိုတဲ့ အချက်ကပဲ ခင်ဗျားဘယ်သူလဲ ဖြစ်လာစေတာ။
၁၀။ ဘဝမှာ အရာရာတိုင်းက တန်ရာတန်ကြေး ပေးရတာချည်းပဲ။ အဲဒီတော့ ခင်ဗျား ဘယ်အရာကို ပေးဆပ်စွန့်လွှတ်မလဲဆိုတာ ကိုယ်တိုင် သေချာ ရွေးချယ်လိုက်တာ အကောင်းဆုံးပဲ။
မာ့ခ်မန်စန်
(ဆရာချမ်းမြေ့ဝင်း ဘာသာပြန်သော ဂရုမစိုက်ခြင်းအနုပညာနှင့် မျှော်လင့်ခြင်းဖတ်စာ စာအုပ်များ၏ စာရေးသူ)
