Dr.Imane Ghezzal Pédiatre الدكتورة إيمان غزال طبيبة أطفال

30/08/2026

📏❤️ اليوم بدينا رحلة جديدة… رحلة العلاج والأمل
كاين أطفال يبانولنا عاديين يلعبو ويضحكو وما يبان حتى مشكل عليهم بصح النمو تاعهم يقدر يحكيلنا حكاية اخرى
الجميلة ربتاج بعد ما جاءت للعيادة بسبب بطء في النمو وقصر القامة وبعد متابعة الطول والوزن ومنحنى النمو فررت نديرلها تقييم لهرمون النمو والنتائج بينات بلي الاستجابة كانت ضعيفة وبعد جمع النتائج مع معطيات النمو والفحوصات الأخرى تم تأكيد نقص هرمون النمو
واليوم وصلنا لمرحلة مهمة ❤️
💉 بدينا العلاج بهرمون النمو تحت متابعتنا وهنا بغيت نقول لكل أم حاجة مهمة 👇
❌ ماشي كل طفل قصير عندو نقص في هرمون النمو
❌ وماشي كل طفل ما يطولش مليح يحتاج الحقن
❌ وحتى تحليل واحد لهرمون النمو ما يكفيش باش نشخصو المرض
هرمون النمو يخرج في الجسم على شكل دفعات ولهذا التشخيص يعتمد على متابعة منحنى النمو وسرعة زيادة الطول وأحيانًا اختبار تحفيز هرمون النمو وفحوصات أخرى حسب كل حالة
🌱 وعلاش التشخيص بكري مهم؟ خاطر النمو عند الطفل عندو وقت محدد ⏳ وكي نكتاشفو المشكل في الوقت المناسب نقدروا نتدخلو ونزيدو فرص الاستفادة من العلاج قبل ما يكمل نمو العظام
💗 لكل أم نقول: إذا لاحظتي بلي ولدك ما راهوش يزيد في الطول كيما كان ولا ولى أقصر بزاف من أقرانو ولا راه يهبط في منحنى النمو… ما نقولوش غير خليه يكبر ويلحقهم وحدو 😅📏 قيسي الطول… تابعي النمو… وإذا كان كاين شك استاشري طبيب الأطفال
لأن الطفل القصير ما يحتاجش بالضرورة دواء… بصح يحتاج نفهمو علاش راه قصير ❤️واليوم مع هذا الطفلة ريتاج ما بديناش غير علاج… بدينا رحلة جديدة باش نعطيوها فرصة تكبر وتحقق أقصى طول ممكن تسمح بيه طبيعتها 🌱❤️
ربي يشافي ويحفظ جميع أطفالنا ويكبرهم في صحة وعافية 🤲🏻❤️
Dr.I GHEZZAL

30/08/2026

✨ اليوم ثقّبنا ودنين الصغيرة الجميلة لجين صاحبة 08 شهور 👶🏻💗لجين جاية للعيادة باش تزيد شوية زين فوق زينها 😍🎀وبالمناسبة… لجين اسم عربي جميل ومعناه الفضة ✨🤍 يعني صغيرة باسم فضّي وودنين يلمعو أكثر من الفضة 😂🥰 ربي يحفظها ويكبرها في عز والديها ❤️
Dr.I GHEZZAL Pédiatre

29/08/2026

🎀 لِين الصغيرة… 7 شهور برك والستايل بدا بكري 😂❤️ اليوم جاتنا الأميرة الصغيرة لِين 👶🏻💕 باش تثقب وذنيها ما شاء الله عليها 😍👏🏻
اسمها لِين معناه الرقة، النعومة واللطف 🌸… وفعلاً اسم على مسمّى حنينة وناعمة كيما الورد 🌷 7 شهور برك وبدات تهتم باللوك تاعها 😂💎
ربي يحفظها ويكبرها في الخير وتبقى ديما فرحانة ومزيانة في عيون والديها ❤️
Dr.I GHEZZAL Pédiatre
#

25/08/2026

💕 الصغيرة الجميلة زارتنا اليوم في العيادة باش تدير فحوصات هرمون النمو 🧪🌱والحمد لله كانت شجاعة وما خافتش 😍👏 دخلت بكل ثقة درنالها الفحوصات اللازمة بكل هدوء وراحة وكانت متعاونة بزاف ❤️
👩‍⚕️ هدفنا ماشي غير نديرو التحاليل بصح نخلو الطفل يحس بالأمان وما يبقاش عندو خوف من الطبيب ولا من الفحوصات
🌱 لأنو الطفل الشجاع ماشي هو اللي ما يخافش… هو اللي يلقى اللي يطمنو ويشجعو ❤️ ربي يحفظها ويشافيها، وإن شاء الله تكون النتائج مطمئنة 🤲💕
🌱 اختبار هرمون النمو للأطفال في عيادتنا
👶 واش معناها نقص هرمون النمو؟ كاين أطفال يكون طولهم أقل من المعدل ولا ما يزيدوش في الطول بالسرعة اللي لازم… وهنا الطبيب يقدر يشك في وجود مشكل في النمو
⚠️ بصح حاجة مهمة بزاف ماشي كل طفل قصير عندو نقص في هرمون النموc كاين أسباب كثيرة لقصر القامة منها الوراثة، تأخر النمو، التغذية وبعض الأمراض 🔬 وحتى تحليل هرمون النمو العادي وحدو ما يكفيش باش نعرفو إذا كاين نقص ولا لا خاطر الهرمون ما يخرجش بنفس الكمية طول النهار في بعض الحالات الطبيب يقترح اختبار تحفيز هرمون النمو بعد دراسة منحنى نمو الطفل وسرعة زيادة الطول وقد يحتاج تحاليل وفحوصات أخرى
👩‍⚕️ إمتى لازم تستاشري الطبيب؟
• إذا كان الطفل أقصر بزاف من الأطفال في نفس العمر
• إذا لاحظتي بلي طولو ما راهوش يزيد مليح
• إذا راه يهبط تدريجيًا في منحنى النمو
• أو إذا كان كاين فرق واضح بين طولو وطول الأطفال في نفس السن
💡 نصيحة لكل أم: ما تقارنيش طفلك غير مع صحابو في القسم ولا مع أولاد العائلة الأهم هو منحنى النمو وسرعة نمو الطفل مع الوقت 📈
❤️ وحرصًا منا على أطفالنا وعلى تسهيل الفحوصات للعائلات وفرنا هذا الاختبار في العيادة بسعر مناسب وبأقل تكلفة ممكنة
🌱 الهدف ماشي نديرو التحليل لكل طفل قصير وإنما نطلبوه غير كي تكون عندو ضرورة طبية
Dr I Ghezzal pédiatre

23/08/2026

اليوم سجى أبرار زادت شوية حلاوة على حلاوتها وثقبت أذنيها 💕👂✨ واسمها وحدو حكاية جميلة… سَجى يعني سكن وهدأ وأبرار يعني الصالحين والطاهرين 🌸🤍 يعني اسمها يجمع بين الهدوء والطهارة والجمال… واليوم زادت عليهم زوج حلقات صغار زادوا الاسم نور 😍✨
كبرتي يا سجى أبرار ماشاء الله… بصح خليتي الودنين صغار والحلاوة كبيرة 😂💕
Dr I Ghezzal pédiatre

16/08/2026

🌸👶🏻اليوم صغيرتنا سدرة المنتهى ثقبت أذنيها الصغيرتين 👂🏻💕 ولبست أول حلقات في حياتها ✨😍 من اليوم ما بقاتش غير طفلة صغيرة ولات أميرة بالحلقات 😂👑💗 واسمها وحده حكاية جميلة 🌿
السِّدرة هي شجرة النَّبق وقد ورد ذكرها في القرآن الكريم في قوله تعالى:﴿عِندَ سِدْرَةِ الْمُنتَهَىٰ ۝ عِندَهَا جَنَّةُ الْمَأْوَىٰ﴾ 🌿🤍
أما المنتهى فتعني الغاية أو النهاية التي ينتهي إليها الشيء
وسدرة المنتهى اسم عظيم ارتبط بمقام رفيع في السماء لذلك يحمل الاسم معاني العظمة والرفعة والجمال ✨🤍 واليوم زادت سدرة المنتهى جمالًا بحلقتين صغيرتين 😍💎 ربي يحفظك يا سدرة المنتهى ويكبرك في الخير وتبقى ضحكتك أجمل زينة في الدنيا 🌸👶🏻💕
مبروك أول حلقات يا أميرة! 👑💎😂
Dr.I GHEZZAL Pédiatre
bébé

13/08/2026

ماشي طيرة… بصح شوية ستر ما يضرّش 😏😅👩‍⚕️
♥️وليدك يرقد الليل كامل؟ 😴 👈 … ما تحكيش! 🤫😂
♥️وليدك عاقل ؟ 👈 خبّي الخبر! 🤐
♥️الرضاعة جاتك ساهلة وقلتي: «الحمد لله ما تعبتش»؟ 🍼🤱👩‍🍼👈اسكتي… راهي تسمع! 😂
♥️التربية جاتك سهلة ووليدك يسمع الكلام من أول مرة؟ 😌 👈هذي ما تتقالش قدّام الناس! 😂
♥️وليدك وقف بكري، هدر بكري، مشى بكري وخرج سنانو بلا ما يحوسلك على النوم؟ 🦷👶👈 ما تزيديش...خليها بينك وبين روحك 😂
♥️وليدك يسمع الكلمة، عاقل، طايعك وما يقولكش «لا» على كل حاجة؟ 😭😂👈 ديري روحك عادي… ما كاش ما كاين!
♥️يقرا مليح، محبوب، مؤدب والناس كامل تحبو؟ 😍👈 هنا خلاص… سكّري الملف 😂🤐
♥️وإذا قالتلك وحدة: «وليدي ما يرقدش، ما ياكلش، راهو دوّخني» 😩 ما تروحيش تقوليلها: «آه أنا وليدي يرقد من الثمانية حتى الصباح» 😭😂 لااااا… كوني رحيمة شوية! 😂❤️ماشي «طيرة» ولا تشاؤم، والعين حق 👀بصح ثاني ماشي لازم كل نعمة نحطولها ستوري + منشور + 15 صورة + ريلز 😂😂افرحي بنعمتك، احمدي ربي عليها وكوني حريصة شوية ❤️ مش كل حاجة مليحة لازم العالم كامل يعرفها 😉
وتصبحوا على خير يا الماميات 🌙❤️
وخذي ليك سويعة راحة… لا طبيبة، لا ماما، لا طباخة، لا مربية، لا «وين راح فردة الصباط؟» 😂😂 سويعة ليك برك… ديري فيها واش تحبي 😏☕
Dr I Ghezzal pédiatre

12/08/2026

11/08/2026

🌙🤍 قمر أسيل 🤍🌙 صاحبة الـ 4 أشهر 🎀👶🏻اليوم زادت حلاوتها بثقب أذنيها والتزيّن بحلقة بيضاء جميلة 🤍✨ واسمها وحده حكاية… قمرٌ يضيء وأسـيلٌ في نعومته وجماله 🌙🥹🤍 ما شاء الله على قمرنا الصغيرة ربي يحفظها ويكبرها في الصحة والعافية وتبقى دائمًا منوّرة الدنيا بضحكتها 💕✨ قمر أسيل… اسم على مسمّى 🌙🤍
Dr.I GHEZZAL Pédiatre

08/08/2026

الأميرة الصغيرة أروى سلسبيل 💕 عمرها 10 أشهر وجاتنا باش تزيد لمستها الحلوة… بثقب أذنيها ✨👂🏻
أروى… من الرَّواء، يعني الجمال وحُسن المنظر واسمها يحمل أيضًا معنى الارتواء 🌸 سلسبيل… هو الماء العذب السهل الجميل 💧🤍 يعني
💦 اسمها ماء عذب…🌸 وملامحها ربيع… 🎀 واليوم زادتهم زوج حلقات صغار باش تكمل الحكاية 😂💕 ما شاء الله على أروى سلسبيل… 10 أشهر من الدلال واليوم أول زوج أقراط في أذنيها 👑✨ ربي يحفظها ويكبرها في عز والديها 🤲🏻💗
Dr.I GHEZZAL Pédiatre