23/08/2026
قريت وحد الحكمة تقول " إن فقدت مكان بذورك التي بذرتها يوما ما فسيخبرك المطر أين زرعتها "
المقصود من هاد الحكمة أنو الجهد الطيب والعمل الصادق اللي راك تدير فيه محاش يضيع مهما مر عليه الوقت ولا خفي عن الأنظار حتى لو كان تنسى وين حطيت هاديك البذور (أعمالك الطيبة، أفكارك الجيدة، مساهماتك في حياة الآخرين...وغيرها) حا يجي المطر (الظروف المناسبة، الوقت المناسب، أو لحظة الحق) وتثمر نوعا ما على نتائج هاديك الجهود
زوج حوايج جامي تنساهم : الحاجة الأولى ربي جامي يضيعلك مجهود درتوا بنيتك مهما كان صغير ويجي نهار ويشوف هاداك المجهود الضوء
اما الحاجة الثانية: تقوى الله يجلب الرزق والتقوى ماشي عبادة وماشي صلاة برك .. إنما التقوى حالة وعي تمشي بيها وين روحت وفي اي مكان حطيت رجلك فيه .. وفي اي موقف صرالك تتفكر ربي وتوزن بالعقل وتحكم بالعدل ...
