Quelles sont les heures d'ouverture ?

Lundi 09:00 - 17:00 Mardi 09:00 - 17:00 Mercredi 09:00 - 17:00 Jeudi 09:00 - 17:00 Samedi 09:00 - 17:00 Dimanche 09:00 - 17:00

Bioest Products

Page d'Accueil
Algérie
Batna
Bioest Products

أول متجر الكتروني مختص في بيع منتجات طبيعية صحية بدون حوافظ من طرف مهندسة في تكنولوجيا الصناعات الغذائية

21/08/2026

جربت جففت شوي من التين بالطريقة هاذي
غسلتو و قصيتو على زوج حطيتو في صينية البيتزا لي تجي مثقوبة و غطيتو بtulle وحطيتو للشمس مدة 5 ايام و النتيجة فالصورة كاين مناطق نظن يسميوه الشريحة يجي بنين تقدرو تغسلوه و تجففوه مليح داخل فرن مسخن جيدا و مطفي وتحطوه مباشرة في زيت الزيتون.. للعلم كيلو تين طازج راح يخرجلك من 200حتى 300غ تين مجفف

19/08/2026

قريبا ان شاء الله راح يتوفر تين بزيت الزيتون نوعية ممتازة بدون رائحة
هاذي كانت أول طلبية من نصيب أخي
الناس لي وصاتني ماشفيتش عليكم أسمحولي
لي بغاو يخليولي رسالة و نحكم قد الكمية المتوفرة مادرتش بزاف العام هذا بحكم عندي مسؤوليات أخرى
التين حنا لي جففناه و خدمناه حبة بحبة يعني تاكلوه نقي بلا ما ترميو حتى حبة

15/08/2026

🍅🍅 وصفة مركز الطماطم ( المصبرة)🍅 🍅
تبعوا الخطوات جيدا وراح تنجح معاكم باذن الله..
الناس لي طلبتها مني نوجد كمية مليحة و نحطلكم باذن الله
ملاحظة
صلصة الطماطم او بيوريه الطماطم ليس نفسه الطماطم المصبرة.. المصبرة نسبة الرطوبة فيها منخفضة اما الصلصة تجي سائلة كيما لي نخدمو بيها بيتزا 🍕

14/08/2026

من منشور الطماطم المجففة لاحظت بلي بزاف ناس مايعرفوهاش وماعلابالهمش بلي أمهاتنا و جداتنا في وقت الاستعمار ماكانش عندهم ثلاجات باه يحتفطوا بالخضر و الفواكه و حنى اللحم فكانوا يضطروا أنهم يجففوها.. وبحكم الظروف لي عاشوها كانو يضطروا أي حاجة يديرو منها عولة
وبالنسبة للناس لي تقول مرض و غبار وماش صحية راهي اي حاجة تتجفف لازم قبل استهلاكها تتنظف بالماء الساخن كيما كي نديروا طاجين حلو نغسلوا الزبيب و العينة و المشمش قبل مانطيبوا بيهم نفس الشي بالنسبة للطماطم المجففة و القديد.. ولي يقولي الملح الملح يستعمل كمادة تسرع من التجفيف وتخرج العصارة تاع الماء لي فيها بخاصية الاوسموز وين ينتقل الماء في الخضر المجففة من تركيز أقل الى تركيز أعلى وأيضا يعتبر مادة حافظة.. وراهو ينقص تركيزوا عند غسله كيما ذكرت سابقا...
و الناس لي تقولك تعب ماتعب أكيد ماعلابالهم بلي أي حاجة مجففة راهي المركبات لي فيها كامل تتركز مثلا الطماطم نلقاو فيها ليكوبين مركز، مضادات الأكسدة مركزة ،،الحديد البوتاسيوم والمغنيزيوم وحتى الالياف وبلا مانحكيو على البنة الهايلة لي فيها 😋

12/08/2026

طريقة تحضير الطماطم المجففة ((حمبوكم اقراو حتى للاخير))
جيبي طماطم بلادنا الطويلة و تكون حاكمة روحها وحمراء من داخل أغسليها و قطعي الحبة الى اربع قطع تفرشيلها حاجة تكون تاع كتان و تحطي القطع بعدها ترشي عليها كمية مليحة من الملح وكل يوم تفقديها لازم الشمس تكون مقابلتها يوم كامل فالليل غطيها بتيلو على جال ندى الصباح اذا كانت الشمس حارة أسبوع تنشف
طريقة حفظها
إذا كانت مجففة جيدا تحفظ في أكياس محكمة الغلق أو مرطبانات نظيفة وجافة، في مكان بارد ومظلم وجاف. الأفضل تعبئتها بعيدًا عن الرطوبة والحرارة. الناس لي ساكنين فالساحل مراحش تنجح معاكم بسبب الرطوبة
إذا كانت محفوظة في زيت الزيتون توضع في مرطبان نظيف ومعقم، وتُحفظ في الثلاجة
للحفظ لفترة أطول يمكن وضع الطماطم المجففة الجافة في الفريزر داخل أكياس محكمة.
⚠️ إذا ظهرت رائحة غير طبيعية، عفن، رطوبة أو تخمر فلا تستعمل
الطماطم المجففة بعد التجفيف تولي مركزة بزاف في الطعم، وكمية صغيرة منها تقدر تعطي نكهة و طعم قوي
استعمالات الطماطم المجففة
للمعجنات مثل المعكرونة و السباقيتي والبيتزا والمملحات( تتقطع قطع صغيرة )
السلطات: خصوصًا مع الجبن والزيتون وزيت الزيتون.
الخبز والفوكاشيا: تعطي نكهة مميزة للعجينة.
الدجاج واللحوم: تدخل في الحشوات والصلصات.
البيستو: ممكن نحضرو منها بيستو الطماطم
(القليل من الطماطم المجففة مع زيت زيتون و ثوم و توابل و تطحن تمد الذ بيستو)
محفوظة في زيت الزيتون: مع الأعشاب والتوابل، وتكون جاهزة للاستعمال.
(اذا كنت جافة جدا يمكن نقعها في ماء دافيء مدة 10دقائق و تجففوها بورق المطبخ و تستعملوها فلي ذكرتو سابقا)
مسحوق الطماطم: تطحن بعد التجفيف وتستعمل في الصلصات، الشوربات والتتبيلات.

12/08/2026

تكوني ساكنة في نڨاوس وتشوفي الحراير كامل يديرو عولة العام كاينة لي مدايرتها مشروع و كاينة لي تخبيها مؤونة للشتاء.. كيفاه ماتجينيش الدودة و تقولي شمري على ذرعيك و ديريها يا خاوتي ل 12تاع الليل و أنا و الزوج الكريم معاها
هي تبان خدمتها ساهلة بصح غير تحطي يدك فيها يبان تعبها
تعديل
الوصفة في منشور مفصل على الصفحة

09/08/2026

مربى التين
كيلو تين
700غ عسل التمر المطبوخ اذا استعملتو البارد ديرو 500غ
عصرة ليمون
نخلط الكل مع بعض يترك لمدة 3ساعات داخل ثلاجة
يطهى على نار هادئة حتى يصبح الخليط كثيف(عاقد)
يطحن حسب الرغبة (يمكن ترك قطع)
يعبأ وهو ساخن في عبوات زجاجية مغسولة و معقمة وتقلب على الوجه
وبالصحة و الراحة

09/08/2026

الحمد لله أكثر من 6 سنوات نحيت الطماطم المصبرة المصنعة نستعمل طماطم طازجة مع بودرة الفلفل الاحمر

07/08/2026

السلام عليكم
مارأيكم في توفير أنواع الفرينة كالحمص و العدس و الأرز...الخ

06/08/2026

كي يكون فطوركم من بيوآست هكذا تكون النتيجة صحي
وبنين بدون تأنيب ضمير

الطلبيات مفتوحة التوصيل كتوفر لجميع الولايات
أهلاً بالجميع

Adresse

نڨاوس
Batna
05000

Heures d'ouverture

Lundi	09:00 - 17:00
Mardi	09:00 - 17:00
Mercredi	09:00 - 17:00
Jeudi	09:00 - 17:00
Samedi	09:00 - 17:00
Dimanche	09:00 - 17:00

Téléphone

+213673142154

Site Web

http://www.instgram.com/bioest.products

Notifications

Soyez le premier à savoir et laissez-nous vous envoyer un courriel lorsque Bioest Products publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.