02/09/2024
علبالي عندكم قراية بزاف لازم تسهرو بش تكملوها و بش تسهرو لزملكم تشربو كؤوس من القهوة 😅 و علبالي كاين بزاف منكم لي يعانيو من حموضة المعدة بعد شرب القهوة ، المهم المشكل مشي فيكم لانو هاذا شي طبيعي ، علاه ؟
1️⃣القهوة تحتوي على كمية من الحموضة التي يمكن ان تزيد من حموضة المعدة و الشعور بالحرقة
2️⃣القهوة تحتوي كميات كبيرة من الكافيين الذي يعمل على استرخاء sphincter oesophagien ( حاجز موجود بين البداية تاع المعدة و النهاية تاع المرء يتقلص و يسترخي ) الكافيين يستعد على استرخاءه و صعود الحموضة من المعدة
تقولولي علاه صاحبي يشرب القهوة عادي و مديرلو والو بالمختصر المفيد انت فراجيل و فرويتي 😅 ، المهم الإحساس بالحموضة بعد شرب القهوة يختلف من شخص لشخص حسب الجسم تاع كل واحد
المهم الحل وش هو ذرك ؟
الحلول المقترحة علميا :
✨نوع القهوة تقدرو تشريو قهوة اقل حموضة كاين زوج اصناف اساسية من القهوة ارابيكا و روبيستا ، بالنسبة لي يعانيو من الحموضة قهوة ارتبيكا هي الإختيار الافضل
✨متشربوش القهوة على الفراغ ، اشربوها بعد الماكلة
✨اشربو كاس ما وولا أكثر بعد متشربو القهوة تاعكم
✨زيدو للكاس تاع القهوة تاعكم شوية بيكاربونات تاع الماكلة راني قلت شوية برك رشة برك ولا تروحو تحطو مغرف 😅
✨ و إذا كنتو من عشاق الأدوية 😁 اشربو الدواء تاع لوماك Lomac نظن مكانش لي ميعرفوش
