Quelles sont les heures d'ouverture ?

Lundi 08:00 - 17:00 Mardi 08:00 - 05:00 Mercredi 08:00 - 17:00 Jeudi 08:00 - 17:00 Samedi 08:00 - 17:00 Dimanche 08:00 - 17:00

Quel est le site Web ?

https://www.facebook.com/677481952111971/

Neocardia Medical Center - Dr. Chekati

Page d'Accueil
Algérie
Guelma
Neocardia Medical Center - Dr. Chekati

Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de Neocardia Medical Center - Dr. Chekati, Santé, 53, Rue Didouche Mourad, Bloc 3, Guelma.
(4)

- الكشف المبكر وتشخيص أمراض القلب والشرايين
- المتابعة الدقيقة لحالات قصور القلب والاضطرابات المزمنة
- مرافقة المرضى قبل وبعد العمليات الجراحية القلبية
- تقديم الاستشارات الطبية الدقيقة

16/06/2026

نعلم زوارنا الكرام العيادة تعمل بشكل عادي وبأوقاتها المعتادة يوم الفاتح من محرم. سنكون في استقبالكم وتلقي اتصالاتكم لضمان استمرارية رعايتكم الطبية ومراقبة صحة قلوبكم في أحسن الظروف.

بمناسبة رأس السنة الهجرية الجديدة تتقدم لكم عيادة NEOCARDIA بأخلص التهاني وأطيب الأماني بمناسبة حلول العام الهجري الجديد، داعين الله أن يجعله عام خير، بركة، وصحة على الجميع

____________________________________
📞 للإستفســار أو الحجز: 0672.73.54.29 / 0781.02.35.06
☎️ الثابت: 030.48.88.89
📍 العنوان: شارع ديدوش مراد (لاڨار)، بجانب مسجد الإمام مالك، قالمة
⏰أوقات العمل: نستقبلكم يوميًا من صباح السبت إلى مساء الخميس، مع استقبال الحالات الاستعجالية في أي وقت.
#شكاتي

14/06/2026

🎉 الحمد لله الذي بنعمته تتم الصالحات.. منذر ابني ينال شهادة التعليم المتوسط (BEM)*🎓✨

ألف مبروك لك يا بني هذا التتويج وثمرة جهدك وسهرك، وعقبا لنجاحات أكبر وأعلى في مسيرتك الدراسية، وعلى رأسها شهادة البكالوريا إن شاء الله. 🌟

وفقك الله يا منذر لنيل أعلى المراتب، وجعلك قرة عين لنا. وعقبا لفرحة نجاح أولادكم جميعاً! 🤲❤️

13/06/2026

⚠️ علاش ارتفاع الكوليسترول خطر حقيقي على القلب والشرايين؟ 🤔🫀

بزاف يستهينو بالأمر كي يسمعوا بلي عندهم الكوليسترول طالع، بصح قليل اللي فاهم واش يدير لداخل في الجسم. ارواحو نفهمو واش يصرى للشريان (L'artère) تاعنا:

1️⃣ الشريان الطبيعي: يكون مرن (Élastique) وواسع، ويسمح للدم باش يجوز بكل سهولة ويوصل الأكسجين لكامل أعضاء الجسم.

2️⃣ بداية المشكل: مع الوقت، يبدا الكوليسترول الزايد يتراكم ويتلصق على الجدران الداخلية للشرايين، هاد الشي يغير طبيعتها وتفقد المرونة تاعها بالتدريج (تتصلب).

3️⃣ الانسداد المبرمج: مع استمرار تراكم الدهون، يبدا مجرى الدم يضيق ويضيق (الأمر اللي نشبهوه بالتييو تاع الما كي يتشقق أو يتغلق). هنا، القلب يولي لازم يدير مجهود مضاعف وقوي بزاف باش يقدر يضخ الدم ويجوزو بالسيف!

ارتفاع الكوليسترول في الدم ما عندوش أعراض واضحة! ما تحسش بيه وما يوجعكش.. وصعيب تفيق بيه حتى يصرا التأثير المباشر والضرر على القلب والشرايين (الجلطات أو الذبحة الصدرية لا قدر الله). 🛑

💡 من هم الأشخاص الأكثر عرضة للخطر؟
إذا كنت تعاني من أو عندك:
▪️ تاريخ عائلي في الدار تاع جلطات قلبية أو كوليسترول طالع وراثياً.
▪️ مرض السكري (Diabète) أو ارتفاع ضغط الدم (La tension).
▪️ التدخين أو زيادة معتبرة في الوزن (السمنة).

فإن فحص ونسبة الكوليسترول عندك هي أول خطوة لحماية حياتك.

🩺 نصيحة نيوكارديا:
حبيت تطمن على روحك وعلى سلامة قلبك؟ دير تحليل الكوليسترول الضار (LDL-Cholestérol)، وتقدر تشاركنا النتيجة أو تفضل بزيارتنا في العيادة لتقييم حالتك بدقة وتوجيهك للعلاج أو النظام الغذائي المناسب.

____________________________________
📞 للإستفســار أو الحجز: 0672.73.54.29 / 0781.02.35.06
☎️ الثابت: 030.48.88.89
📍 العنوان: شارع ديدوش مراد (لاڨار)، بجانب مسجد الإمام مالك، قالمة
⏰أوقات العمل: نستقبلكم يوميًا من صباح السبت إلى مساء الخميس، مع استقبال الحالات الاستعجالية في أي وقت.
#شكاتي

08/06/2026

👶🩺 رعاية دقيقة ومتخصصة لقلوب أطفالكم في عيادة NEOCARDIA! 💖

لأن قلب الصغير ماشي كيما قلب الكبير، ويحتاج دقة، خبرة، وعناية من نوع خاص.. يسرنا أن نعلمكم بتوفر :

🔬 فحص صدى القلب (الإيكوكارديو) المخصص للأطفال، الرضع، وحديثي الولادة (Échocardiographie pédiatrique et néonatale).

الدكتورة شكاتي سامية متحصلة على شهادة تكوين معمق في إيكوغرافي التشوهات الخلقية القلبية لدى الأطفال حديثي الولادة والرضع، مما يضمن لكم تشخيصاً دقيقاً واحترافياً لأدق الحالات والتشوهات الخلقية (Cardiopathies congénitales) في مراحل مبكرة جداً.

وقتاش تحتاجو تديرو هاد الفحص لولادكم؟
- إذا كان كاين شك أو تاريخ عائلي لوجود تشوه خلقي في القلب عند الزيادة.
- إذا لاحظتو على الرضيع علامات كيما: النهجة، زروقية في الشفايف أو الأطراف (Cyanose)، تعب شديد، أو صعوبة كبيرة في الرضاعة.
- إذا طلب منكم طبيب الأطفال الفحص بعد سماع "صوت أو نفخة قلبية" (Souffle au cœur) خلال الفحص العادي.

قلوب الملايكة الصغار راهي أمانة، ورانا هنا باش نسهروا عليها ونقدمولها أحسن رعاية طبية. 🥰

____________________________________
📞 للإستفســار أو الحجز: 0672.73.54.29 / 0781.02.35.06
☎️ الثابت: 030.48.88.89
📍 العنوان: شارع ديدوش مراد (لاڨار)، بجانب مسجد الإمام مالك، قالمة
⏰أوقات العمل: نستقبلكم يوميًا من صباح السبت إلى مساء الخميس، مع استقبال الحالات الاستعجالية في أي وقت.
#شكاتي See less

06/06/2026

تتفكرو منشور "القلب المنكسر"؟ اليوم من عيادتنا نحكولكم على "القلب المجبور"

في عالم الطب، ديما نركزو على الأدوية والتحاليل، بصح كاين مواقف تخلينا نتأكدو بلي "الراحة النفسية والفرحة" هوما أقوى دواء يقدر ياخدو المريض.

هاد ليامات، جاتنا مريضة للعيادة باش دير Contrôle. المريضة هادي في زياراتها السابقة كانت تعاني من ضعف كبير في عضلة القلب، ومقياس كفاءة ضخ الدم (FE : Fraction d'Ejection) كان هابط بزاف وتحت الحد الأدنى.

بصح في الكونترول الأخير، صرات مفاجأة فرحتنا بزاف! درنالها فحص الإيكو، ولقينا بلي هاد المقياس زاد بشكل كبير والحمد لله، والقلب استرجع نسبة ممتازة من العافية تاعو! 📈🫀

واش هو السر؟ واش تبدل في حياة المريضة؟ 🤔

أكيد، الالتزام التام بالأدوية واتباع النصائح الطبية والغذائية اللي قدمناهالها كان هو الأساس. بصح الجديد فهاد الفترة كان "دواء سحري" ما ينباعش في الصيدليات: لمّة الأحفاد في العطلة! 👧👦👶

ولاد ولادها جاو عمرو عليها الدار باللعب، والضحك. هاديك البهجة والفرحة اللي جابوها معاهم جبرت خاطرها.. والأهم أنها جبرت قلبها بالمعنى الحرفي والطبي.

🔬الطب واش يقول؟
بعيداً عن العاطفة، هاد الشي عندو تفسير علمي. السعادة، الضحك، والجو العائلي الدافئ يهبطو من هرمونات التوتر (كيما الكورتيزول والأدرينالين)، ويفرزو هرمونات السعادة اللي توسع الشرايين، تريّح عضلة القلب، وتخلي الجسم يستجيب للعلاج بفعالية مضاعفة.

____________________________________
📞 للإستفســار أو الحجز: 0672.73.54.29 / 0781.02.35.06
☎️ الثابت: 030.48.88.89
📍 العنوان: شارع ديدوش مراد (لاڨار)، بجانب مسجد الإمام مالك، قالمة
#شكاتي

03/06/2026

الناس تروح لـ Gym لتضخيم العضلات وهو شيء صحّي .. بصح عبالكم بلي تضخم عضلة القلب حاجة أخرى تماماً ؟!

تضخم القلب معناه أن "اللحمة" تاع القلب تزيد في الخشونة تاعها (السُمْك). وهادا الشي يقدر يصرا لعدة أسباب:

✅ نتيجة ضغط زائد ومستمر (la tension طالعة ومهملة).
✅ مشكل يخلي القلب يخدم بمجهود فوق طاقتو.
✅ وأحياناً تكون أسباب وراثية (génétique).

⚠️ المشكل وين راهو؟
مع الوقت، هاد الزيادة في السمك تقدر تأثر على مرونة القلب والقدرة تاعو باش يضخ الدم للجسم بكفاءة.

💡 بصح، لازم نعرفو حاجة مهمة:
ماشي كل تضخم "مرضي" وخطر. كاين حالات وين يصرا فيها تضخم فسيولوجي (طبيعي)، كيما عند الرياضيين الكبار وخصوصاً صحاب كمال الأجسام (Bodybuilders). القلب تاعهم يكبر باش يكافأ المجهود العضلي الكبير.

🤔 كيفاش نفرقو بين التضخم الطبيعي والمرضي؟
هنا تجي خدمة الطبيب والخبرة تاعه. نفرقو بيناتهم بدقة عن طريق فحص إيكو القلب (Échocardiographie) والتحاليل اللازمة.

لهادا ديما نقولو:
❌ ماشي كل تضخم سببو لاطونسيو.
❌ وماشي كل تضخم نستهينو بيه ونقولو معليش.

التشخيص الصح = علاج صح. ✅

إذا كنت تمارس رياضة قوية، أو إذا كنت تحس بـ:
1️⃣ النهجة مع أقل مجهود.
2️⃣ خفقان القلب (القلب يخبط خبطات زايدين).
3️⃣ عياء وتعب غير مبرر.
فـ أنت محتاج تقييم دقيق وفحص شامل للحالة تاعك.

____________________________________
📞 للإستفســار أو الحجز: 0672.73.54.29 / 0781.02.35.06
☎️ الثابت: 030.48.88.89
📍 العنوان: شارع ديدوش مراد (لاڨار)، بجانب مسجد الإمام مالك، قالمة
#شكاتي

01/06/2026

☀️ إعلان هام: التوقيت الصيفي للعيادة ☀️
تماشياً مع فصل الصيف، تم تعديل أوقات العمل في عيادة NEOCARDIA

⏰أبواب العيادة ستبقى مفتوحة لاستقبالكم إلى غاية الساعة الخامسة والنصف مساءً (17:30)، من السبت إلى الخميس.

على بالنا بلي السخانة فهاد ليامات، على بيها ماذا بينا تنظموا مواعيدكم باش تجيو تفوتو في غرضكم وبكل أريحية 🫀✨
____________________________________
📞 للإستفســار أو الحجز: 0672.73.54.29 / 0781.02.35.06
☎️ الثابت: 030.48.88.89
📍 العنوان: شارع ديدوش مراد (لاڨار)، بجانب مسجد الإمام مالك، قالمة

#شكاتي

27/05/2026

✨ عيدكم مبارك وكل عام وأنتم بألف خير! 🐑🌙

بمناسبة حلول عيد الأضحى المبارك، تتقدم الدكتورة شكاتي سامية وكافة طاقم عيادة NEOCARDIA بأحر التهاني وأطيب الأماني لكل مرضانا، متابعينا الكرام، وكافة الأمة الإسلامية.

نسأل الله تعالى أن يتقبل منا ومنكم صالح الأعمال، وأن يعيده علينا وعليكم بالصحة، الهناء، وراحة البال. 🤲❤️

في هذه الأيام المباركة، ندعيو ربي يحفظلكم قلوبكم ويخليها تنبض ديما بالفرحة وسط عائلاتكم وأحبابكم. ما تنساوش بلي صحتكم هي أغلى "عيدية"، فاستمتعو بالعيد، كولو بالصحة والراحة، بصح ديما بعقل (نقصو ليدام والملح، وعسو رواحكم!). 😉

عيدكم مبروك، تعيدو وتزيدو إن شاء الله! 🎉

26/05/2026

كيفاش نعيّدو بلا ما نتعبو قلوبنا؟❤️

عيد الأضحى هو فرحة، لمّة عائلة، وطبعاً.. لحم وشوا! بصح بالنسبة لمرضى القلب و"لاطونسيو"، هاد اليامات يقدروا يسببو مشاكل صحية ومضاعفات إذا ماعسّيناش رواحنا.

كيفاش نستمتعو بالعيد ونحافظو على صحة قلبنا وشراييننا في نفس الوقت؟ إليكم أهم نصائح عيادة NEOCARDIA:

🥩1. خيّر اللحم لي ناقصة شحمة:
اللحم الغنمي غني بالكوليسترول والدهون المشبعة. حاولو ديما تخيّرو القطع لي مافيهاش الشحمة بزاف، وتفاداو الإفراط في أكل الأعضاء الداخلية (كيما الكبدة والملفوف) لأنها معمرة بالكوليسترول.

🔥 2. الشوا والطياب الصحي:
أحسن طريقة باش تاكلو اللحم هي مشوي أو مفوّر. بعدو قد ما تقدرو على القليان في الزيت والمرقة الميدمة، لأنها تزيد من نسبة الدهون اللي تتراكم في الشرايين.

🧂 3. الملح.. العدو المخفي في الشوا:
بزاف ناس يكترو الملح مع الشوا باش يجي بنين، وهادا يطلع "لاطونسيو" ويقدر يدير احتباس للسوائل. استعملو التوابل ونقصو الملح.

🥗 4. الخضرة والماء:
ما تاكلوش اللحم وحدو! كثرو من السلاطة والخضار مع الوجبات، لأن الألياف اللي فيها تعاون الجسم باش ما يمتصش الكوليسترول بزاف. وما تنساوش تشربو كميات كبيرة من الماء باش تعاونو الكلى تصفي الجسم.

💊5. الدواء تاعك.. خط أحمر!
أكبر غلطة يديروها المرضى في العيد هي ينساو ولا يحبسو الدواء تاع القلب . دواك لازم يتشرب في وقتو وبالجرعة المعتادة مهما كانت الظروف.

✨ عيادة NEOCARDIA تتمنى لكم ولعائلاتكم عيد أضحى مبارك، وكل عام وقلوبكم تنبض بالصحة والفرحة 🤲

_____
📞 للإستفســار أو الحجز: 0672.73.54.29 / 0781.02.35.06
☎️ الثابت: 030.48.88.89
📍 العنوان: شارع ديدوش مراد (لاڨار)، بجانب مسجد الإمام مالك، قالمة
⏰أوقات العمل: نستقبلكم يوميًا من صباح السبت إلى مساء الخميس، مع استقبال الحالات الاستعجالية في أي وقت.
#شكاتي #الكوليسترول

24/05/2026

تطلع زوج إيطاجات في الدروج تحس بالنهجة؟ 🫀
أول حاجة نقولوها لرواحنا ونبررو بيها: "راني سمنت شوية هاد ليامات"، ولا "مانيش موالف ندير السبور"، أو "باينة بلي من الدخان"...

بصح الحقيقة؟ هاد "النهجة تاع الدروج" ماشي دايماً نقص لياقة (Manque de condition physique)! 🛑

النهجة اللي تتعاود ديما، ولا كي تحس بضيقة وكتمة في النفس مع مجهود صغير، راهي جرس إنذار ورسالة واضحة من قلبك بلي كاين مشكل. يقدر يكون:
▫️ قصور أو بداية تضيق في الشرايين التاجية (Les artères coronaires).
▫️ إجهاد وضعف في عضلة القلب.

💡 النصيحة تاعنا ديما:
ما تتجاهلش الإشارات اللي يبعتهالك جسمك. الاطمئنان على كفاءة قلبك (بالفحص الطبي وتخطيط القلب) هو اللي يخليك تكمل حياتك بصحة، نشاط، وراحة بال بلا مفاجآت.

(هذه المعلومات للتوعية الطبية فقط، ولا تغني أبداً عن الفحص السريري عند طبيبك المختص).

____________________________________
📞 للإستفســار أو الحجز: 0672.73.54.29 / 0781.02.35.06
☎️ الثابت: 030.48.88.89
📍 العنوان: شارع ديدوش مراد (لاڨار)، بجانب مسجد الإمام مالك، قالمة
⏰أوقات العمل: نستقبلكم يوميًا من صباح السبت إلى مساء الخميس، مع استقبال الحالات الاستعجالية في أي وقت.
#شكاتي

Adresse

53, Rue Didouche Mourad, Bloc 3
Guelma
24000

Heures d'ouverture

Lundi	08:00 - 17:00
Mardi	08:00 - 05:00
Mercredi	08:00 - 17:00
Jeudi	08:00 - 17:00
Samedi	08:00 - 17:00
Dimanche	08:00 - 17:00

Site Web

facebook.com

Notifications

Soyez le premier à savoir et laissez-nous vous envoyer un courriel lorsque Neocardia Medical Center - Dr. Chekati publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.