06/05/2022
منقولة:
⭕علاش في حالة كانت الولادة صعبة نديرو حقنة إسمها oxytocine أو ما تسمى ب Synto 🤔
✅لأن هاد الحقنة فيها هرمون ocytocine يديرنا :
◾يزيد من تقلص الرحم contraction utérine.
◾يزيد في توسع عنق الرحم dilatation du col utérine.
و هكا راح يسهل الولادة و يخرج البيبي 😁.
⭕و علاش تاني نديروها بعدما يخرج البيبي 🤔
✅ندرو هاد الحقنة تاني باش ما تصراش نزيف بعد الولادة hémorragie du post-partum بحيث :
◾يساعد على خروج كلي نتاع المشيمة expulsion complètement de placenta.
◾و يرجع الرحم لبلاصطو الطبيعية reprise de la forme normale de l'utérus.
⭕و نزيدلكم معلومة ☺️ كي يخرج البيبي يحطوه ديراكت على صدر الأم لأن هادا راح يزيد من إفراز ocytocine لي راح يسهل خروج المشيمة placenta.
🔴و نزيدلكم معلومة 😁 ocytocine كاين غير injection ماشي par voie orale علاش زعما 🤔
✅لأن طبيعته بروتيني و إذا شربناه راح يفوت من جهة pancréas البنكرياس و راح تصرالو dégradation بإنزيم protéase pancréatique في duodénum و هكا راح يفقد المفعول نتاعو 😔.
🔴و يمدوه حتى في حالات الإجهاض avortement لأن البيبي يموت في كرش يماه 😢 و لازم نعطولها Syntho باش يصرا تقلصات للرحم و يخرج البيبي.
