دكتور معيزي طبيب الغدد و السكري مستغانم Dr Maizi endocrino diabétologue

31/05/2026

📢 خبر جديد لمرضى السكري وأولياء الأطفال المصابين بالسكري
وافقت هيئة الغذاء والدواء الأمريكية (FDA) على استعمال الأنسولين المستنشق Afrezza عند الأطفال والمراهقين ابتداءً من عمر 6 سنوات.
🔹 ما هو Afrezza؟
هو أنسولين سريع المفعول يُستعمل وقت الوجبات، ويتم استنشاقه عن طريق الفم عوض حقنه تحت الجلد.
🔹 واش هي الفائدة تاعه؟
✅ ينقص عدد الحقن المرتبطة بالوجبات.
✅ مناسب للأطفال اللي يخافوا من الإبر.
✅ يبدأ يخدم بسرعة بعد الاستنشاق.
⚠️ مهم جدًا: Afrezza ما يعوضش الأنسولين القاعدي (طويل المفعول) عند مرضى السكري من النوع الأول، وإنما يُستعمل فقط لتغطية الوجبات.
⚠️ ما يصلحش لكل المرضى لازم تقييم وظيفة الرئة قبل استعماله، وما يُنصحش به لبعض المرضى اللي عندهم أمراض تنفسية مثل الربو.
💡 هاذ الموافقة تساعد الأطفال المصابين بالسكري على التعايش مع المرض براحة أكبر وتنقص الحقن المتكررة.
#السكري
#دكتور #معيزي #السكري #مستغانم
#دمتم #سالمين

27/05/2026

🍖 مريض السكري، كيفاه ياكل لحم الخروف بلا ما يتسببله بمضاعفات؟
1️⃣ اختيار اللحم 🥩
يختار القطع قليلة الدهون مثل الفخذ والكتف، مع نزع الشحم الظاهر قبل الطهي.
2️⃣ طريقة الطهي 🔥
الشواء أو الطهي في الفرن أفضل من القلي.
3️⃣ مع ماذا يتناول اللحم؟ 🥗🥦
يفضل يتناول اللحم مع خضر مطهوة، ويبدأ الوجبة أولًا بالسلطة للمساعدة على الشبع و تنظيم السكر.
4️⃣ الكمية المناسبة ⚖️
حوالي 100 إلى 150غ في الوجبة، وليس يوميًا.
يعني تقريبًا قطعة بحجم راحة اليد ✊(بدون أصابع )
(5 إلى 7 قطع متوسطة تاع الشواء، أو 2 إلى 3 كفتات كبار).
5️⃣ المشروبات 🚫🥤
تجنب المشروبات الغازية والعصائر المحلاة.
6️⃣ الشاي 🍵
يمكن شرب الشاي بدون سكر بعد حوالي ساعة من الأكل.

#دكتور #معيزي
#طبيب #السكري #مستغانم
#عيد #الاضحى

26/05/2026

13/05/2026

🔹طبيب الغدد يعالج “تكيس المبايض” ؟!
كاين بزاف ناس يستغربو 😅
يقولك: “المبايض تاع طبيبة النساء، واش دخل طبيب الغدد؟”
و أنا كنت نقول، أرواح أنت و فهمهم بلي هذا مشكل تاع غدد أيضا. حتى اللي بدلوله إسمه أو بالأحرى صححوه.
📍بكري كانو يسمّوه “متلازمة تكيس المبايض” (PCOS)،
بصح درك تبدل الاسم إلى “متلازمة المبيض الاستقلابية متعددة الغدد” (PMOS).
🔹علاش بدلو الاسم؟
لأن الاسم القديم كان يغلط بزاف ناس 😅
الناس كانت تظن بلي المرض يعني غير وجود “كيستات” فالمبيض، بينما الحقيقة أعمق من هكذا.
المرض الحقيقي يمس الهرمونات والاستقلاب فالجسم كامل.
📌يعني المشكلة ماشي غير “كيستات” فالمبيض: • كاين مقاومة إنسولين
• اضطراب فالهرمونات
• زيادة الوزن
• اضطراب الدورة
• حب الشباب والشعر الزائد
• وأحياناً مشاكل فالخصوبة
لهذا بزاف بنات يتبعو عند طبيبة الغدد، ماشي غير طبيبة النساء.
🔹الاسم القديم تبدل في هذا ماي 2026 ، و الإسم الجديد جا باش يعطي فكرة أدق على المرض، ويخلي العلاج يكون شامل للجسم كامل، ماشي للمبيض فقط.

#تكيس #المبايض
#دمتم #سالمين
#دكتور #معيزي

25/04/2026

بمناسبة موسم الحج🕋، و باش تمر هاذ الشعيرة المقدسة في ظروف جيدة و بدون مضاعفات👍 ، يجب على الحاج مريض السكري الإلتزام ببعض النصائح .

🔷النصيحة الأولى : صوالح خص تحملهم معاك 🧳

🔸1 / حقيبة👜 فيها الدواء تاعك مع جهاز القياس و إبر الوخز + عصير+ ماء + وجبة خفيفة ( مثل خبز، بسكويت، فاكهة)
ملاحظة: اللي يستعمل الأنسولين لازم ياخد حقيبة خاصة عازلة للحرارة sac isotherme)
🔸2 /حذاء طبي : واسع و مريح، طري مع ترطيب القدمين . و يكون لبسه و جربه من قبل و ما ضرهش، يعني ماشي يلبسه جديد فالحج و من بعد إذا ضره يحصل.
🔸3/ بطاقة تعريف طبية 🗓: مكتوب فيها الأمراض اللي عندك و الادوية اللي تتناولها.

🔷النصيحة الثانية : صوالح خصك تعرفهم قبل ما تروح

🔸1/المرضى اللي يحقنو الانسولين ينقصو الجرعات، لأن الحج فيه مجهود كبير ، و حتى اللي يدو الأقراص الخافظة للسكر مثلDiamicron و Amarel( من الأفضل شوف مع طبيبك ينقصلك و يفهمك على حساب السكر تاعك)
🔸2/ المريض لازم ياخد وجباته بصفة منتظمة، ما يلهاش و ينسا باش ياكل( دايما معاه فالحقيبة أكل احتياط)
يشرب بزاف الماء و حذاري من الجفاف بسبب الإجهاد و درجات الحرارة🔥 العالية.
🔸3/ لازم قياس السكر بإنتظام، و ما تهملش الأعراض الخطيرة ، اللي خصك تكون تعرفها
🔻هبوط السكري: تعرّق مفاجئ وبارد 😰
رجفة في اليدين
جوع شديد مفاجئ 🍞
خفقان القلب
قلق أو توتر غير مبرر
دوخة وعدم توازن
صداع
تشوش في الرؤية
صعوبة في التركيز أو الكلام
تعب شديد مفاجئ
اضطراب في السلوك أو الوعي
تهيّج أو تصرفات غير طبيعية
تشنجات
فقدان الوعي

🔺 إرتفاع السكري:
عطش شديد 🥤
كثرة التبول 🚻
جفاف الفم
تعب وإرهاق عام
صداع خفيف
تشوش في الرؤية 👁️
نقص التركيز
جوع غير طبيعي أحيانًا
غثيان أو قيء
ألم بطني
رائحة نفس غير طبيعية (أسيتون)
تنفس سريع وعميق
اضطراب في الوعي.

🔷 النصيحة الثالثة: عدوى الإنفلونزا كاين بزاف، مدابيك دير كمامة، و اذا تعديت ممكن يطلعلك السكر. خص دير قياسات باستمرار، تعدل جرعة الدواء و تشرب بزااف الماء.

🌙 و في الأخير ادعولنا معاكم،اللهم ارزقنا زيارة الكعبة المشرفة حاجين، والوقوف بعرفة، والصلاة في المسجد الحرام، واغفر لنا ولوالدينا وجميع المسلمين.

#دمتم #سالمين
#دكتور #معيزي
#السكري #الحج
#نصائح #طبية

22/04/2026

🙌السلام عليكم
غدا الخميس إن شاء الله، حصة تعليمية مخصصة لمرضى السكري النوع الأول، بحضور
أخصائي التغدية
جميع المرضى مُرحب بهم، بما فيهم
مرضى العيادات الأخرى.
🙌ربي يشافي المرضى و يعافي الأصحاء
مرحبا بالجميع

20/04/2026

🔹المريضة زارتنا في أواخر شهر فيفري 🗓️، بتحليل الغدة بيّن خمول عميق (TSH = 82) 📉 مع أعراض قوية 😓
🔹تم وصف علاج بجرعة مناسبة 💊 حسب درجة الخمول والأعراض ⚖️
🔹بعد أقل من شهرين ⏳، رجعت المريضة بتحسن واضح جدًا ✨، و فرق كبير في التحاليل (TSH = 3.9) 📊👏
🔹الخلاصة 🧠: المريض المنضبط ✔️ واللي يتوجه للعلاج الصحيح في الوقت ⏱️، يقدر يشفى بسرعة 🚀 وبلا تعقيدات 🙏، حتى لو كانت الحالة متقدمة، بدل تضييع الوقت و يطول الطريق ❌ بوصفات أعشاب عشوائية وإشهارات غير موثوقة 🚫📢
🩺
🦋
📊
🧬
#صحة 💚
📚
#الجزائر 🇩🇿
🏥
💡
✔️
🚫
#معيزي #دكتور 👩‍⚕️
#عيادة 🏢
🔬
🧪
🦋
🌍

18/04/2026

فريق بحثي من جامعة تورونتو لقاو بلي دواء السيماغلوتيد (أوزمبيك) يقدر يحسّن صحة الكبد حتى بلا ما يكون السبب هو نقص الوزن.
كيفاه؟ لقاو بلي كاين مستقبلات خاصة في خلايا نادرة داخل الأوعية الدموية، هاذ المستقبلات كي تتنشّط تهدّي الالتهاب.
هاد الاكتشاف يكسّر الفكرة اللي كانت سائدة قبل (بلي التحسّن غير بسبب نقص الوزن)، ويفتح الباب باش يستعملو
بجرعات أقل وبالتالي أعراض جانبية أقل.

#دمتم _____ #سالمين
#دكتور #معيزي

08/04/2026

الدكتورة شاوش زوجة معيزي Dr Chaouch Ep Maizi