07/09/2026
💬 «الطبيبة، حاولنا ننقص الوزن وحدنا… في البداية نقصنا، وبعدها الوزن حبس، ومن بعد رجعنا كيما كنا!»
هذا من أكثر الكلام اللي نسمعو من المتابعين والمرضى لي يزورو العيادة.
ولما نقوللهم احكيولي كيفاش كانت التجربة؟
نلقى عند أغلبهم نفس الأخطاء تقريبًا:
❌ إلغاء الوجبات كالفطور أو العشاء.
❌ الحرمان من أكلات كانوا متعودين عليها، وأحيانًا من العجائن اللي كانت جزءًا أساسيًا من وجباتهم.
❌ تقليل الأكل بشكل كبير في البداية.
📉 النتيجة؟
الوزن ينقص فعلًا في البداية، لكن بعد فترة يتباطأ أو يتوقف النزول، ويصبح الاستمرار أصعب… ثم يعود الشخص تدريجيًا إلى عاداته السابقة، فيسترجع الوزن الذي فقده و مرات يرجع وزن اكبر من لي كان.
👩⚕️ المشكل هنا مشي أنكم ما عندكمش إرادة.
المشكل أن الطريقة المتبعة غالبًا قاسية وغير قابلة للاستمرار.
🥗 إنقاص الوزن ما يعنيش نلغيو الوجبات، وما يعنيش نحرموا رواحنا من الأكلات اللي نحبّوها.
حتى العجائن، الخبز، الأرز وغيرها ماشي ممنوعين بالضرورة؛ المهم هو الكمية، طريقة التحضير، توازن الوجبة، وتناسبها مع احتياجات كل شخص.
🌱 الهدف ماشي أنك تنقص الوزن بأي طريقة…
السمنة تحتاج إلى نظام غذائي متوازن ومناسب لاحتياجات كل شخص، وليس إلى الجوع أو حرمان الجسم من الطعام.
الهدف أنك تتعلم كيفاش تاكل بطريقة تقدر تستمر عليها.
💚 ما نحتاجوش حرمان مؤقت… نحتاجو عادات صحية تدوم.
رايحة نحاول نتكلم على بعض العادات الصحية لي نقدر نداوم عليها
#السمنة #صحة
