SantéMel

19/08/2026

12/08/2026

الجزائر اليوم على موعد مع كسوف الشمس 🌚🌚
ممنوع ❌منعا باتا النظر إليه مباشرة إلا باستعمال نظارات خاصة😎 ( ماشي الشمسية 😏وماشي زاجة 🫣و ماشي كليشي 🫤)
القمر كي يحجب الشمس🌚 بؤبؤ العين👁️ يفهمها رانا في الظلام🤷 اي ينفتح 🕳️ مما يسمح بدخول الاشعة نحو الشبكية😑 و تحرقها💥 بدون ألم 🙂‍↕️

23/07/2026

،متصلة في هاتف العيادة تطلب مكالمة الدكتورة 🤗
ألو نعم صباح الخير 💕
المتصلة باكية🥹🥹 : صباح النور يا أجمل وجه و أحلى ضحكة و أطيب قلب و أصدق إنسان ، أنا اليوم أتصل بك اتصال شكر و اجلال و تقدير 🙏🙏
أنا اليوم بفضل كلماتك و نصائحك أقوى انسان 🤩بفضلك وصلت وين يفوت قدامي إنسان أذاني و مانشوفوش💪💪 وصلت نسمعهم بأذني يهدرو فيا و ما نقراهمش 😋😋
انا السيدة فلانة جيت عندك هاذي عامين ( و الصدفة أني تذكرتها و هذا نادرا ما يصرا في ذاكرتي🙄🙄😆)
هذي المريضة جات عندي بلاك كنت نبانلها اخر حل بلاك يصدق كانت على ابواب مضادات الاكتئاب 🥲، منهااااارة كارهة و غي تبكي ☹️☹️
سقسيتها واسم يوجعها🤔 قاتلي والو🙃 وجعي هو الناس🙄 وليت نحس كامل لي حوالي يضروني يهدرو فيا يتجسسو عليا يشيطنو فيا ماقديتش ماجبرتش كيفاه نفهمهم ولا نرد عليهم 😫😫
هي إنسانة طيبة 🤗سقسيتها اذا عندها ولاد عندها دارها وحدها و الأذى يجيها من برا 🥺
هدرت معاها نصحتها خبرتها وين توصل اذا كملت هاك و خرجت 🚶🚶
في الاتصال عاودتلي كل كلمة قلتهالها🙆🙆
ركزي على حياتك🌺 ، أولادك أمانة عندك ضيعيهم و ضيعي روحك
مكانش لي يحبك أكثر من نفسك🫵🫵 ، حبي روحك
جبدي راسك مجمع تعرفي بلي تروحي منه مأذية ما تروحيش عادي 🫣، رسمي دائرة خاصة بيك و بعائلتك ممنوع حد يدخلها ❌
عمري الفيد لي عندك ❗
ماتسناش واحد درت فيه الخير يردهولك خير👍 ، ممكن يآذيك عادي ، الانسان ينسى 🤷
الخير من البداية احتسبه عند ربي و نساه🙃🙃
البطلة كانت قد التحدي💪💪 و بالفعل ولات تتقن فن التجاهل و التغاضي و الله إنه فن 😍😍
فالشكر لك سيدتي انت من أنقذت نفسك ماكنت إلا سببا سخره الله لك لطيبة قلبك 🙏
تجاهل و عش في سلام و إذا هدرو فيك ولا كرهوك ولا شيطنو فيك عادي ما أنت بشيء أمام سيد الخلق صلى الله عليه و سلم و صرا فيه المنكر و صبر و عفى🙆

المهم في الامر صحتك النفسية🥀🌹
اللهم اجعلنا ممن يسمعون القول فيتبعون أحسنه و ارزقنا اللسان الشاكر و القلب الذاكر و النفس الصابرة🤲

05/06/2026

طلاب البكالوريا بالتوفيق و السداد
هو امتحان كباقي الامتحانات لا تعطوه أهية أكثر مما يستحق
ثق بنفسك و تأكد أن الله لا يخيب أمل آمل ولا عمل عامل و أن لكل امرئ ما سعى
لا تخف .... لا ترتبك .....لا تتردد
خذ قسطك من النوم 7-9 ساعات نوم لا تطل السهر مع المراجعة فقد يوهمك دماغك بالحفظ كي يرتاح
التغذية المتوازنة مع شرب كمية كافية من الماء
الاعتدال في المنبهات كالقهوة و الشاي
تمرين رياضي خفيف كالمشي و الاسترخاء يساعد على زيادة التركيز
تنظيم المراجعة مع فترات راحة قصيرة
تجنب المقارنات السلبية لكل تلميذ طريقته الخاصة في الحفظ و الفهم
تجنب المنشطات و الأدوية
حظ موفق

29/05/2026

العيادة مفتوحة يوم غد السبت 30 ماي 2026 ، الطبيبة تستأنف العمل و التحاليل متوفرة ❤️

25/05/2026

مدابيها تتجنب
1- #المخ🧠 ممنوع🚫 عليك تاكليه لأنه فيه سموم و بكتيريا ضارة
2- #الكبدة : اذا راكي في الثلاثي الاول من الحمل🤰 تجنبيها قدر المستطاغ لأنها غنية بفيتامين أ لي يقدر يسببلك تشوهات للجنين🥹 تاعك تقدري تاكلي مورسو صغير 🤏طايب غاية
3- #الطحال و #المذاكر ممنوعين 📛على الحامل لأنهم فيهم بزاف سموم و معادن ثقيلة 🙇
4- #اللحم كولي بكميات معتبرة بصحتك🌝 و لكن طايب غااااية و مع المضغ الجيد
5- #الدوارة ✋✋ماتاكليها ما تغسليها🤌 لأنها تحتوي على طفيليات و بكتيريا ضارة
تجنبي الاجهاد و التعب لتفادي الولادة المبكرة أو الاجهاض
صح عيدكم و ربي يعينكم 🎉🎉
منقول عن الدكتور منازلة أحمد

01/05/2026

الطبيبة في عطلة سنوية
خدمة التحاليل تبقى متوفرة
أهلا بكم

11/04/2026

انتشار رهيب لمرض البروسيلوز ( مرض الحليب ) حذاري من تناول الحليب غير المعقم و مشتقاته