Movere Prosthetics and Orthotics

27/05/2026

عيد أضحى مبارك ✨🐑

من موڤيري بنتمنالكم عيد مليان فرحة وراحة ولمة حلوة 🤍
وكل سنة وأنتم طيبين وبألف خير ✨🎈

#موڤيري


#تأهيل 🤍

27/05/2026

26/05/2026

النهاردة يوم من أعظم أيام السنة… يوم عرفة 🤍✨

وبمناسبة اليوم العظيم ده، فريق موفيري بيتمنى لكم كل الخير والبركة والراحة واليسر في حياتكم 🙏🏻

وربنا يحقق كل أمنياتكم، ويجعلنا دايمًا سبب في فرحة قلوبكم ودعم رحلتكم نحو حياة أفضل ❤️

كل عام وأنتم بخير ✨

#عرفة #موفيري #دعم #أمل #تفاؤل

24/05/2026

Behind the scenes of an inspiring day ✨

Interactive sessions, hands-on experience, and real moments that brought rehabilitation concepts to life 👌🏻

Watching participants experience the Air Walker firsthand made the event even more special 🤩

✨

18/02/2026

بمناسبة حلول شهر رمضان المبارك 🌙
كل سنة وأنتم طيبين يا أبطالنا ❤️

في شهر الصبر والإرادة، أنتم أحسن مثال على القوة والعزيمة 💪✨
علمتونا معنى:

الإصرار مهما كانت التحديات
الأمل اللي ما بيضعفش
الإرادة اللي بتكسر أي صعب
الحياة بكرامة واستقلالية

واحنا في موفيري فخورين إننا معاكم في رحلتكم، وبنقدملكم أحدث الأجهزة التعويضية وخدمات التأهيل عشان تعيشوا حياتكم زي ما تستحقوا 🙏🏻
أنتم دايمًا مصدر إلهام لينا ❤️
ربنا يتقبل منا ومنكم، ويكتب لكم الصحة والعافية والسعادة 🤲🏼
رمضان كريم عليكم ✨

📞 نحن في خدمتكم: +201557831668
📍 زورونا: القاهرة - الاسكندرية - الاسماعيلية- المنصورة
#مصر

02/02/2026

✨هنكمل النهاردة آخر جزء من سلسله انواع الكراسي✨
وهنختم معاكم بالكرسي الكهربائي 👨‍🦼وكرسي أطفال الشلل الدماغي (CP) 🧑‍🦽

👨‍🦼 نبدأ بالكرسي الكهربائي:
الكرسي ده مناسب لو عضلاتك كويسة وظهرك ثابت وتقدر تسند نفسك، بس محتاج حاجة تساعدك تتحرك براحتك خصوصًا في المشاوير الطويلة.

-مريح جدًا للمشاوير الطويلة.

-عملي جدًا للناس اللي عندهم ضعف أو صعوبة في الدفع (لأنه بيتحرك بالريموت).

- مناسب للخروج برا البيت لأنه عليه فرامل، نور، إشارات وعواكس.

- لازم ناخد بالنا إن وزنه تقيل مش سهل يتشال في أي مكان، وأوقات بيكون مش قابل للطي.

-افتكر بردو إن الكرسي محتاج شحن دوري وصيانة بسيطة للبطارية والموتور.

🧑‍🦽 النوع الأخير: كرسي أطفال الشلل الدماغي (CP wheelchair):
الكرسي ده معمول مخصوص للأطفال اللي عندهم حركة لا إرادية أو عنيفة.

-بيقدم أمان عالي مع حرية حركة.

-بيوفر تثبيت ممتاز للأطفال اللي حركتهم لا إرادية أو عنيفة.

في النهاية مهم جدًا تحديد المقاسات بدقة، علشان ده بيفرق في الراحة والوظيفة وكمان بيمنع قرح الضغط.

لو محتاج مساعدة تختار الكرسي المناسب ليك أو لحد من أسرتك، كلمنا على الخاص أو على الرقم ده:
📩 +20 15 57831668
وإحنا هنساعدك وهنكون معاك خطوة بخطوة 🌸
#موفيري #تأهيل

08/01/2026

بتحس كإن في دبابيس بتتغرز في كعب رجلك؟ 😣
وكل ما تقف أو تمشي الألم بيخليك عايز تصرخ؟
طب إيه الحكاية؟
تخيل إن في "شوكة عظم صغيرة" نبتت جوه الكعب بتاعك (مش شوكة حقيقية طبعاً 😅) ده نتوء عظمي صغير بيتكون داخل الكعب.
وده اللي بيحصل غالبا:
• ألم شديد أول ما تصحى من النوم
• كل ما تمشي أكتر الألم بيزيد
• مش قادر تقف براحتك خالص
طب الحل؟
أولاً لازم تروح للدكتور طبعاً
وبعدين تستخدم مستلزمات تريحك وأنت ماشي

احنا في موفيري عندنا حلول هيفرقوا معاك جدا:
أما...
💙 الكعب السيليكون الطبي
وده تحطه في أي جزمة، مريح، وفيه مكان مفرغ بالظبط على الشوكة
أو..
💙 فرشة طبية كاملة
دي بتوزع وزنك على القدم كلها مش بس على الكعب
وكأنك ماشي على سحابة ☁️
كلمنا وهنساعدك:
📲 01557831668
💬 أو ابعتلنا رسالة هنا
رجلك بتشيلك كل يوم... خليك رحيم عليها ❤️

23/12/2025

✨ مكملين معاكم في سلسلتنا عن أنواع الكراسي المتحركة ✨
والنهاردة هنجاوب على سؤال مهم: إزاي نختار الكرسي المناسب؟

أول خطوة إننا نعرف إيه هي الأنواع المختلفة ونشوف كل واحد مناسب لمين.

مبدئيًا ، عندنا ٤ أنواع أساسية :
(عادي – نشط – كهربائي – CP)
والنهاردة هنتكلم عن أول نوعين 👇

النوع الأول :
🦽 الكرسي المتحرك العادي (Standard):
🔹 الكرسي ده مخصص للاستخدام في المستشفيات، وهدفه الأساسي إن الشخص يتنقل من مكان للتاني بس.

🔹كرسي خفيف وسهل يتقفل ويتخزن، لكن استخدامه قصير المدى، ومش مناسب خالص للحركة برا أو للاستهلاك اليومي الكتير. يعني نقدر نقول إنه عملي جدًا في النقل البسيط، لكن ملوش أي وظائف تانية.

بالنسبة للنوع التاني :
👩‍🦽 الكرسي النشط (Active):
النوع ده بيكون مثالي للناس اللي عندها قدرة حركية جزئية أو قوية نسبيًا، وعايزين يعتمدوا على نفسهم أكتر.

🔹خفيف وسهل الطي برضو، لكن المميز فيه إنه مرن جدًا وسهل التوجيه، وبيخلي الشخص يتحرك بحرية وسلاسة أكبر من الكرسي العادي.

🔹 مناسب جدًا للاستخدام اليومي برا وداخل البيت.

🔹 بيسمح للمستخدم يعتمد على نفسه في الحركة (Self-propelled) ، ممكن يستخدمه في الشارع أو الكلية أو الشغل

بإختصار:
🔄 العادي = تنقل قصير بمساعدة مرافق.
🔄 النشط = حياة يومية مستقلة وحركة حرة.

ولسه مكملين معاكم.. استنونا في البوست الجاي عشان نتعرف على النوعين التانيين: الكهربائي وكرسي الـ CP ✨

#موفيري #تأهيل

16/12/2025

رجلك بتوجعك وجع شديد؟ 😣 ومش قادر ترفعها من الأرض؟ 💔
حاسين بوجعك ومقدرين اللي بتمر بيه...
لكن لازم تركز في كلامنا لأن فيه معلومات مهمة جداً هتساعدك 👇
يلا بينا ❤️
لو بتسحب رجلك على الأرض وانت ماشي، أو بتبذل مجهود كبير في رفع الركبة علشان تحرك القدم...
يبقى كده عندك حاجة اسمها سقوط القدم (Foot Drop)

طب ليه بيحصل؟

السبب الرئيسي: ضعف أو شلل في العضلات اللي بترفع القدم، وده بيكون غالباً بسبب:
• مشكلة في العصب الشظوي (اللي بيغذي عضلات مقدمة الساق)
• انضغاط عصبي في الظهر
• إصابة في الركبة أو الساق
• بعض الأمراض العصبية أو العضلية
• السكتة الدماغية

‼️نقطة مهمة جداً ‼️
بمجرد ما تحس إنك مش قادر تمشي بشكل طبيعي، لازم تراجع الطبيب فوراً

العلاج بيكون إزاي؟
• متابعة مع أخصائي العلاج الطبيعي
• تمارين علاجية متخصصة
• دعامة القدم الطبية (جزء أساسي من العلاج وموجودة عندنا 📍)

للاستفسار والحجز، تواصل معانا على رسائل الصفحة أو على الأرقام الخاصه بالفروع