12/05/2026
للأسف لسه في ناس بتتعامل مع عضّات الكلاب على إنها جرح عادي، وده خطر كبير.
فيروس السُعار ( Rabies )مش هزار، ولو ما اتلحقش صح وفي الوقت المناسب، العواقب بتكون قاتلة. إعتبره سباق مع الزمن
🦠 ليه الموضوع خطير؟
فيروس السعار لو دخل الجسم وبدأ يوصل للأعصاب، ساعتها ما فيش علاج وبيكون قاتل ١٠٠% لكن الخبر الكويس إن الوقاية المبكرة فعّالة جدًا.
❌ تصرفات غلط شائعة ❌
❌أوعي تحط بُن، تراب، أو أي وصفة شعبية على الجرح لأنك هتحبس لعاب الكلب الملوث داخل الأنسجه
❌أوعي تربط الجراح برباط ضاغط
❌أوعي تخيط الجرح فورًا من غير تعليمات طبية ممنوع ممنوع ممنووووع
التصرفات دي بدل ما تحميك، بتزوّد الخطر.😟😟
✅ الصح يتعمل إيه فورًا؟
✔️ اغسل مكان العضة بماء جاري وصابون لمدة 15 دقيقة كاملة و ده وسيله سحريه لان الصابون بيدوب الغلاف الدهني للفيرس و يقوم بتدميره
✔️ استخدم مطهّر مناسب لو متاح
✔️ توجّه في أسرع وقت لمستشفى الحميات لأخذ اللقاح والمصل
⏱️ الوقت عامل حاسم، وكل ما كان التدخل أسرع، الحماية أقوى.
⚠️ افتكر دايمًا:
عضّة الكلب مش تجربة ولا حاجة تستنى عليها
التصرف الصح من أول دقيقة بيحمي حياتك
📢 المعلومة دي مهمة… شاركها يمكن تنقذ حد
دمتم سالمين 🌿
صيدلية د / رانيا مهدي
نحن نرعاكم
