09/09/2026
🌱 في بيتنا مراهق | الحلقة 2
"هو ليه عصبي على طول؟! 😤"
بتسأليه سؤال بسيط…
يرد بعصبية.
تطلبي منه حاجة…
يتنرفز.
تحاولي تتكلمي معاه…
"مش عايز أتكلم!"
وساعات تحسي إن البيت كله بقى ماشي على أطراف صوابعه عشان محدش يزعّله. 😅
بس خلينا نقف لحظة ونسأل:
هل هو فعلًا "عصبي"؟
ولا فيه حاجة بتحصل جواه إحنا مش شايفينها؟
المراهق بيعيش تغيّرات كتير في نفس الوقت، ومشاعره ممكن تكون قوية جدًا، بينما قدرته على تنظيمها والتعبير عنها لسه بتتطور.
وده مش معناه إننا نقبل قلة الاحترام أو نسيب كل حاجة تعدّي.
لكن بدل ما تكون أول جملة:
❌ "إنت ليه بتتعصب كده؟!"
❌ "إنت مفيش حاجة عاجباك!"
❌ "إحنا مش عارفين نتعامل معاك!"
نجرب نقول:
✅ "أنا شايفة إنك متضايق… لما تهدى نتكلم."
الجملة دي فيها حاجتين مهمين:
احتواء للمشاعر + حدود للسلوك.
يعني: "أنا فاهمة إنك متضايق" ❤️
لكن في نفس الوقت:
"مش مسموح إنك تجرحني أو تتكلم معايا بطريقة مؤذية."
ودي واحدة من أهم المهارات في التعامل مع المراهق:
نقبل مشاعره… من غير ما نقبل كل تصرفاته.
🌱 لأن هدفنا مش إننا نربي مراهق ما يتعصبش…
هدفنا نساعده يتعلم إزاي يتعامل مع غضبه من غير ما يؤذي نفسه أو اللي حواليه.
💬 قوليلي: إيه أكتر جملة بتسمعيها من ابنك/بنتك وقت العصبية؟
يمكن تكون هي موضوع الحلقة الجاية ❤️
